दक्ष जनशक्ति भए रोजगार सिर्जना हुन्छ : ढकाल
नेपाल उद्योग बाणिज्य महासंघका पुर्व अध्यक्ष तथा सार्क चेम्बर अफ कमर्शका उपाध्यक्ष चण्डिराज ढकालले अहिले पनि नेपालमा दक्ष जनशक्ति नभएका कारण समस्या भइरहेको बताउनुभएको छ । दक्ष जनशक्ति उत्पादन गरेर स्वदेशमा रोजगार सिर्जना गर्न सकिने भन्दै उहाँले यसतर्फ तीनवटै तहको सरकार र नीजि क्षेत्रले साझेदार गर्नसक्ने बताउनुभयो ।
विद्युत लाइन काटेर चार करोड असुली
नेपाल विद्युत प्राधिकरण वितरण केन्द्र लाहानले एक हजार ५४३ जनाको विद्युत लाइन कट्टा गरेपछि जेठ महिनासम्ममा चार करोड १७ लाख १४३ रुपियाँ असुल गरेको छ।
झापामा एक जनाको शव फेला
झापाको शिवसताक्षीमा कमल बनियानी खोलामा एक पुरूषको शव फेला परेको छ । बुधबार साँझ फेला परेको शव सडेको अवस्थामा रहेको इलाका प्रहरी कार्यालय झिलझिलेका प्रहरी निरीक्षक महेन्द्र खड्काले बताउनुभयो ।
पार्टीसँग पनि सुझाव लिँदै पालिकाहरू
खोटाङका स्थानीय तहहरूले फरक राजनीतिक दलसँग आगामी आर्थिक वर्षमा सञ्चालन गर्ने योजना, नीति, कार्यक्रम र त्यसका लागि आवश्यकपर्ने बजेट निर्माणका लागि सल्लाह सुझाव लिइरहेका छन् । केही दिनभित्रमा आगामी आर्थिक वर्ष २०७९/०८० को बजेट ल्याउन लागेका स्थानीय तहहरू सबैको सुझावलाई नीति तथा कार्यक्रममा समावेश गर्ने गरी छलफलमा जुटेका हुन् ।
कोशी गाउँपालिकाका जनप्रतिनिधिलाई सम्मान
सुनसरीको कोशी गाउँपालिकाका नवनिर्वाचित जनप्रतिनिधिहरुलाई सप्तकोसी महिला बचत तथा ऋण सहकारी संस्था लिमिटेड हरिपुरले सम्मान गरेको छ । बधबार कार्यक्रम गरी नवनिर्वाचित जनप्रतिनिधिलाई सम्मान गरेको हो ।
संघका अध्यक्षसहित ११ जना प्रहरी नियन्त्रणमा
झापाको बिर्तामोडस्थित बुधबारे हटियाका व्यवसायीलाई विजुलीको मिटर दिनुपर्ने माग राखेर आन्दोलनरत बिर्तामोड उद्योग बाणिज्य संघका अध्यक्षसहित ११ जनालाई बुधवार इलाका प्रहरी बिर्तामोडको प्रहरीले नियन्त्रणमा लिएको छ ।
परम्परागत खेती प्रणालीलाई प्रोत्साहन गर्न कृषकलाई हलो उपहार
विर्तामोड, असार ८ गते। कृषकलाई कृषि पेशामा आकर्षित गर्नका लागि सामुदायिक वन उपभोक्ता वन समूह कनकाई नगरपालिकाले बुधबार कृषकलाई निःशुल्क हलो प्रदान गरेको छ। ३० घरपरिवार कृषकका लागि हलो बनाएर निःशुल्क प्रदान गरिएको वन समूहका कार्यवाहक अध्यक्ष दलबहादुर विश्वकर्माले जानकारी दिनुभयो। कृषि क्षेत्रमा बढ्दो यान्त्रिकरण भए पनि यस क्षेत्रमा भने परम्परागत रुपमा राँगा गोरुबाट समेत जोतेर खेती गर्ने परम्परा यथावत रहेको कनकाई नगरपालिका १ नम्बर वडाध्यक्ष सुशीलकुमार पोखरेलले जानकारी दिनुभयो। पछिल्लो समय इन्धनको बढ्दो मूल्यका कारणसमेत कृषक राँगा गोरुबाटै जोतेर खेती गर्नेक्रम बढेर गएको वन समूहका अध्यक्ष विश्वकर्माले बताउनुभयो। कनकाई नगरपालिकाका प्रमुख राजेन्द्रकुमार पोखरेलले कृषकलाई हलो प्रदान गर्नुभएको हो। हलो प्रदान गर्दै नगर प्रमुख पोखरेलले कृषकले हलो र गोरुको प्रयोग गरेर इन्धनको प्रयोग घटाउन र देशलाई व्यापार घाटा कम गर्न सहयोग पुग्ने विश्वास व्यक्त गर्नुभयो।
छ महिनामा मानवअधिकार उल्लङ्घनका नौ घटना
छ महिनामा मानवअधिकार उल्लङ्घनका नौ घटना
बलात्कारका घटनामा वृद्धि
ओखलढुङ्गामा जेठ महिनामा बलात्कार तथा यौनजन्य अपराधका चारवटा घटना भएका छन् । यी चारैवटा घटनाको जाहेरी जिल्ला प्रहरी कार्यालय ओखलढुङ्गामा परेको छ । गत जेठ ३० गते सिद्धिचरण नगरपालिका–३ की एक १२ वर्षीया बालिका आफ्नै विद्यालयका प्रधानाध्यापकबाट बलात्कृत भएको जाहेरी लिएर जिल्ला प्रहरी कार्यालयमा पुग्नुभयो ।
‘प्रदेशका सबै वडामा प्रसूति सेवा पु-याउँछौँ’
प्रदेश १ सरकारका स्वास्थ्यमन्त्री जयराम यादवले प्रदेश १ का सबै वडामा प्रसूति सेवा पु-याउने तयारी भएको बताउनुभएको छ । सुनसरी जिल्लाका विभिन्न स्थानीय तहका उत्कृष्ट महिला स्वास्थ्य स्वयं सेविकालाई सम्मान गर्दै उहाँले प्रदेश सरकारले आर्थिक वर्ष २०७९/८० का लागि चार करोड रुपियाँ बजेट विनियोजन गरी सबै वडामा प्रसूति सेवा पु-याउने तयारी भएको बताउनुभएको हो ।
-original-thumb.jpg)
तटबन्ध भत्किएपछि रातभर जागै बस्नुपर्ने बाध्यता
विष्णुप्रसाद पोखरेलदमक, असार ७ गते। झापाको दमक ७ स्थित रतुवा पुल उत्तर क्षेत्रमो पक्की तटबन्धन भत्किएपछि स्थानीयहरु रातभर जागै बस्न बाध्य भएका छन्। तत्काल कटान रोक्नका लागि स्थानीयले माग गरेका छन्। दमक नगरपालिकाका प्रमुख रामकुमार थापाका अनुसार खोला किनारको सडक भत्किन थालेको र उक्त सडक भत्किएको जनाउँदै खोला नियन्त्रणका लागि सरोकारवाला निकायसँग समन्वय भइरहेको बताउनुभयो। कटान जारी हुँदा नेपाल रेडक्रस सोसाइटीमा निर्माणाधीन प्रदेशस्तरीय बाल अस्पताल, दमक उद्योग वाणिज्य सङ्घ, रोज गार्डेन लगायतका संरचनामा क्षति पुग्ने र सयौं घरपरिवार प्रभावित बन्ने देखिएको नेपाल रेडक्रस सोसाइटी दमक उपशाखाका अध्यक्ष प्रकाश बुढाथोकीले जानकारी दिनुभयो। ‘हामी स्थानीय पानी नरोकिँदा रातभर निदाउन सकेका छैनौं’, उहाँले भन्नुभयो। कतिखेर पानी पसेर विजोग हुने र संरचना भत्काउने हो भन्ने चिन्ता भएको उहाँको भनाइ छ। खोलाको किनारमा रेक्रस भवनमा नै सर्पदंश उपचार सेवा र रक्त सञ्चार सेवासमेत सञ्चालनमा रहदै आएको छ।नेकपा माओवादी केन्द्रका दमक नगर इन्चार्ज बेदु गौतमका अनुसार कटान भइरहेको क्षेत्र रतुवा पुल र राजमार्गबाट नजिक रहेकाले यसले गम्भीर क्षति गर्नसक्ने नगर प्रमुख थापासहित सरोकारवाला निकायलाई ध्यानाकर्षण गराइएको बताउनुभएको छ। दमक–७ का वडाध्यक्ष भीमप्रसाद पौड्यालका अनुसार करिब रतुवा पुलसम्म तटबन्धन गर्न चार सय मिटर बाँकी रहेकाले तटबन्धनको काम भइरहेको भए पनि वर्षाका कारण काम छिटो गतिमा अघि बढ्न सकेको छैन। कतिपयले तत्काललाई खोला च्यानालाइज अर्थात् अहिले बगेभन्दा अर्को दिशामा लैजान पनि सुझाव दिइरहेकाले यस विषयमा छलफल भइरहेको जनाउनुभयो।
दिवा खाजापछि विद्यार्थी नियमित
पछिल्लो समय खस्किँदै गरेको सामुदायिक विद्यालयको शैक्षिक गुणस्तर सुधारका निम्ती विभिन्न्न स्थानीय तहले विद्यार्थी केन्द्रित कार्यक्रम बनाउन थालेका छन् । ६ वटा स्थानीय तह रहेको तेह्रथुम जिल्लाको आठराई गाउँपालिकाले विद्यार्थीलाई नियमित विद्यालयमा उपस्थित गराउनका लागि दिवा खाजाको व्यवस्था गरेको छ ।
तिवारीभञ्याङ –अधेँरीघाट सडक स्तरोन्नति तीव्र
पूर्वबाट भोजपुरलाई तराईका जिल्लासँग जोड्ने सबैभन्दा छोटो मार्ग तिवारीभञ्याङ–अधेँरीघाट ३५ किलोमिटर सडक स्तरोन्नतिको काम तीव्र बनाइएको छ । पौवादुङमा गाउँपालिकाको तिवारीभञ्याङ, च्याङ्ग्रे, मानेडाँडा हुँदै भोजपुर र धनकुटाको सिमाना अधेँरीघाटसम्म सडक निर्माण भइरहेको छ ।
मातृभाषालाई सरकारी कामकाजी भाषा बनाउनुपर्छ : मुख्यमन्त्री राई
मुख्यमन्त्री राजेन्द्रकुमार राईले मातृभाषालाई सरकारी कामकाजको भाषा बनाउने राज्यको नीति कार्यान्वयमा सबैले सहयोग गर्नुपर्ने बताउनुभएको छ । विराटनगरमा सोमबार भाषा आयोगले आयोजना गरेको सङ्गोष्ठीलाई सम्बोधन गर्दै उहाँले त्यस्तो विचार राख्नुभयो । मातृभाषालाई सरकारी कामकाजको भाषाको रुपमा प्रयोग गर्न सके मानिसको जीवनयापनमा सहजता आउने उहाँको भनाई छ ।
ताप्लेजुङ याङ्वरक गाउँपालिकामा आगलागी हुँदा वडा कार्यालय ध्वस्त
ताप्लेजुङको पाथीभरा याङ्वरक गाउँपालिका–५ चाक्सिबोटेको वडा कार्यालय आगलागीबाट ध्वस्त भएको छ । घर भाडामा सञ्चालन हुँदै आएको वडा कार्यालय आइतबार राति भएको आगलागीबाट ध्वस्त भएको हो ।
पहिराेले खाँदबारी–किमाथाङ्का सडकखण्ड अवरुद्ध
लगातारको वर्षासँगै आएको पहिराले सङ्खुवासभाको भोटखोला गाउँपालिका र मकालु गाउँपालिका जाने उत्तर दक्षिण सडकखण्डको खाँदबारी –किमाथाङ्का सडक अवरुद्ध भएको छ ।
उच्चजोखिमका १३ घर सुरक्षित स्थलमा सारियो
आइतवार साँझदेखि लगातर आएको अविरल बर्षाको कारण रतुवा खोलामा आएको बाढीले दमक वडा नं.७ रेडक्रस भवन पछाडी रहेका १३ वटा घरहरुमा उच्च जोखिममा परेपछि सुरक्षित स्थलमा सारिएको छ । खोला किनार नजिक रहेको वस्तीमा कटान गर्न शुरु गरेपछि यहाँ स्थानीयहरु रातभर जागै बसेका थिए ।
अन्तरपालिका जोड्ने ग्रामीण सडक अवरुद्ध
बर्सात सुरु भएसँगै आएको भलबाढी तथा पहिरोका कारण जिल्लाको प्रमुख व्यापारिक केन्द्र दिक्तेल बजारबाट अन्तरपालिका जोड्ने सबै ग्रामीण सडक अवरुद्ध भएका छन् ।
अन्तर मेडिकल कलेज हाजिरी जवाफ प्रतियोगितामा विपि प्रतिष्ठान विजयी
विपि कोईराला स्वस्थ्य विज्ञान प्रतिष्ठान धरानमा भएको तेस्रो राष्ट्रिय अन्तर मेडिकल कलेज हाजिरी जवाफ प्रतियोगितामा विपि प्रतिष्ठानको ‘बी’ टिम विजयी भएको छ । ‘बी’ टिमबाट दिवाकर कोइराला, वेद प्रकाश पन्त र सुमित धमलाले प्रथम स्थान हासिल गर्नुभएको हो ।
खुम्बु क्षेत्रमा हिमाली ब्वाँसोको आतङ्क, ३२३ घरपालुवा जनावर मारिए
सोलुखुम्बुको खुम्बु क्षेत्रमा हिमाली ब्वाँसोको आतङ्क बढ्दै गएको छ । केही वर्षयता सो क्षेत्रको घरपालुवा जनावरमा हिमाली ब्वाँसोको आक्रमण अत्याधिक बढेको तथ्यांकले पुष्टि गरेको छ ।
ताप्लेजुङमा आठ घर पहिराले बगायो
ताप्लेजुङमा आठवटा घर पहिराले बगाएको छ भने गाउँ–गाउँमा जोखिम बढेको छ । निरन्तर वर्षा भएसँगै गएको पहिराले आठवटा घर बगाएको हो ।
भुटानी शरणार्थी नेता राईको निधन
अन्तिम समयसम्म पनि भुटानी शरणार्थीहरुको स्वदेश फिर्तीको बिषयमा अडान लिइरहनु हुने भुटानी शरणार्थी मानव अधिकारवादी नेता डा. भम्पा राईको निधन भएको छ । दमकमा तीन दशक अघिदेखि निरन्तर रुपमा भुटानी शरणार्थीहरुलाई निशुल्क रुपमा जाँच तथा उपचार सेवा दिइ शरणागत जीवन बिताउदै आउनु भएका ७२ बर्षीय राईको शनिवार राती नोवेल अस्पताल विराटनगरमा उपचारको क्रममा निधन भएको हो ।
दमकमा फोहोरबाटै ग्यास
झापाको दमकमा फोहोरबाट ऊर्जा (ग्यास) उत्पादनको सफल परीक्षण भएको छ । दमकको फोहोर व्यवस्थापनसहित ग्यास उत्पादनको जिम्मा पाएको नेक्स्टइरा इनर्जी प्रालिका प्रबन्ध निर्देशक विमल खतिवडाका अनुसार शुक्रबार साँझ यहाँ उत्पादन भएको ग्यास बालेर पहिलो परीक्षण गरिएको हो । दमकबाट नियमित निस्कने फोहोरबाट ग्यास र प्राङ्गारिक मल उत्पादन गर्ने उद्देश्यले २० करोडभन्दा बढीको लागत परियोजनामा चार वर्षअघि काम सुरु भएको थियो ।
खानेपानी ल्याउन श्रमदान गर्दै धरान उपमहानर प्रमुख राई
धरान उपमहानगर प्रमुख हर्कराज राईले खानेपानीको लागि पकुवा खोलामा श्रमदान गर्नुभएको छ।
शिक्षकको लगनशीलताले नमुना बन्दै बालपञ्च माबि
शिक्षकको लगनशीलता, युवा समुहका शिक्षक, सामुहिक निर्णय लगायतका कारण बालपञ्च माध्यमिक विद्यालय नमुना विद्यालयका रुपमा छनौट भएको छ । पुराना संरचनाहरुमा परिवर्तन गर्दै नयाँ भवन निर्माण गरी बिद्यालयको नियमित पठनपाठन कार्य सञ्चालन भइरहेको जिल्लाको पाख्रीबास नगरपालिका २ सान्नेस्थित बालपञ्च माध्यमिक बिद्यालय क्षेत्र यतिवेला नमुना माध्यमिक बिद्यालय बन्दै गइरहेको छ ।
