गोरखापत्र अनलाइन
म्याग्दीमा ‘आमा समूहसँग उपमेयर’ कार्यक्रम
महिलालाई व्यवसायमा आवद्ध गराई आत्मनिर्भर, स्वरोजगार र लैङ्गिक हिंसा न्युनीकरण गर्ने उद्देश्यले बेनी नगरपालिका–१ रत्नेचौर र वडा नं ५ पुलाचौरमा ‘आमा समूहसँग उपमेयर’ कार्यक्रम सञ्चालन भएको छ ।
साक्षर जिल्ला घोषणाको तयारी
हिमाली जिल्ला हुम्ला साक्षर जिल्लाका रूपमा घोषणा हुने भएको छ ।
यस्तो छ आज सागसब्जी र फलफूलको अधिकतम तोक मूल्य
कालीमाटी फलफूल तथा तरकारी बजार विकास समितिले आजका लागि कृषिउपजको थोक मूल्य निर्धारण गरेको छ । समितिका अनुसार तरकारी र फलफूलको अधिकतम थोक मूल्य निर्धारण गरिएको हो ।
खोटो सङ्कलन गर्न दिने निर्णय विवादमा
जाजरकोटको शिवालय गाउँपालिका–५ स्थित शिवालय रानीवन सामुदायिक वन उपभोक्ता समूहका अध्यक्ष पर्साराम शर्माले एक निजी कम्पनीलाई खोटो सङ्कलन गर्न दिने निर्णय आफूखुसी गर्नुभएको आरोप लागेको छ ।
घिउ चल्ने, दुध नचल्ने प्रचलन कायमै
लोकतन्त्र स्थापना भएको १९ वर्ष बितिसक्दा पनि समाजमा दलित भनिएका समुदायले उत्पादन गरेको दुध अझै चल्न सकेको छैन ।
विकटका नागरिक आयोडिनको पहुँचमा
सुदूरपश्चिम प्रदेशको विकट हिमाली जिल्ला दार्चुलाका नागरिक आयोडिनयुक्त नुनको सहज पहुँचमा पुगेका छन् ।
मुख्यमन्त्री शाह भारत भ्रमणमा जाने
सुदूरपश्चिम प्रदेशका मुख्यमन्त्री कमलबहादुर शाह भारत भ्रमणमा जाने हुनुभएको छ ।
ज्वाइँले गरे जेठी सासुको हत्या
इलामको माई नगरपालिकामा ज्वाइँले धारिलो हतियार प्रहार गरी जेठी सासुको हत्या गरेका छन् । माई नगरपालिका–४ का ४२ वर्षीय शान्तिराम दुलालले सोही स्थानकी ५२ वर्षीया भूमिका चापागाईँको हत्या गरेका हुन् ।
डोम समुदायका लागि निर्मित ‘जनता आवास’ अनुदानको घर प्रयोगविहीन
सिरहा, वैशाख १३ गते । सिरहाको बरियारपट्टी–३ तिलैया मुसहर टोलस्थित निम्न आयस्तर भएका डोम समुदायका लागि मधेस प्रदेश सरकारले ‘जनता आवास’ कार्यक्रमअन्तर्गत दुई वर्षअघि निर्माण गरिदिएको घरहरू सतप्रतिशत प्रयोगमा आउन सकेका छैनन् । सिरहाको दक्षिणतर्फ पर्ने हुलाकी सडकले विस्थापित भएका १५ डोम परिवारलाई सरकारले दुई वर्षअघि तीन कोठे पक्की घर बनाइदिए पनि सात घरपरिवारले उक्त घर प्रयोग गरेनन् । जसले गर्दा ती घरहरूमा अहिले झार पलाएको अवस्था छ । यस ठाउँमा जम्मा १८ डोम समुदायको परिवार छ । जसमध्ये लालपुर्जा भएका १५ परिवारको जनता आवास कार्यक्रमअन्तर्गत घर निर्माण गरिएको कार्यक्रमका प्राविधिक रवीन्द्र यादवले बताउनुभयो । “तीन घर परिवारको लालपुर्जा नभएका कारण घर बन्न सकेको छैन”, उहाँले भन्नुभयो, “पालिकाले उपलब्ध गराएको सार्वजनिक जग्गामा उनीहरू जान नमानेपछि समस्या भएको हो । बनेका घरहरू सम्बन्धित व्यक्तिलाई दुई वर्षअघि हस्तान्तरण गरिसकिएको छ ।” उहाँका अनुसार एक घर निर्माण गर्न जनता आवास कार्यक्रमले रू तीन लाख ३२ हजार अनुदानमा उपलब्ध गराएको थियो । यो कार्यक्रम सञ्चालन गरिँदा कतिपय डोम परिवारले जमिन खोज्दै घर निर्माण गर्नुभएको थियो । आफ्ना नाममा जमिन नहुनेहरूले अर्कासँग जमिन खरिद गरी घर निर्माण गर्नुभएको थियो । यिनैमध्येका एक हुन् कैला मरिक । बाटो, बिजुली, खानेपानीको सुविधा नभएकाले बस्न नसकेको मरिकको भनाइ छ । उहाँले भन्नुभयो, “अरू सुविधामा सरकारले बेवास्ता गरेका कारण उक्त घरमा नबसेर यही झुप्रोमा बस्नुपरेको हो ।” सरकारले घरसम्म जाने बाटो, बिजुली, खानेपानीको व्यवस्था गरिदिए आफूहरू तत्कालै उक्त घरमा सर्ने उहाँले बताउनुभयो । पटकपटक उक्त घरमा सर्न आग्रह गरे पनि उनीहरू नमानेको वडाको भनाइ छ । वडा नं ३ का वडाध्यक्ष विनोदकुमार यादवले डोम परिवार बजार छोडेर वरपर जानै नमान्ने गरेको गुनासो गुर्नभयो । उहाँले भन्नुभयो, “यदी उनीहरू उक्त घरमा बस्ने सुनिश्चित भए वडाले तत्कालै बाटो, बिजुली, खानेपानीको व्यवस्था गरिदिन्छ । तर जाने निश्चित उनीहरूले गर्नुपर्छ । हामीले लगानी गरेर उनीहरू गएनन् भने वडाको लगानी पनि बालुवामा पानी सरह हुने भयो नि ।”वडाध्यक्ष यादवका अनुसार यहाँका डोम समुदाय बाँसबाट बुनेका सामग्री बनाउने र बजारमा बेच्ने हुँदा उक्त स्थान छोड्न नमान्ने प्रवृत्ति रहेको छ । हुलाकी सडक विस्तारको काम पुनः सूचारू हुँदा डोम समुदायले अहिले वसोबास गरिरहेको थातथलो पनि छोड्नुपर्ने अवस्था आउने र त्यो बेला उक्त घरहरू प्रयोगमा आउन सक्ने उहाँले बताउनुभयो । यहाँका स्थानीय जनता आवस कार्यक्रमले कतिपय घरहरू पूर्णरूपमा निर्माण नै नभई जीर्ण भएको भन्दै सरकारको लगानी बालुवामा पानीसरह भएको बताउँछन् । घर निर्माण भइसकेपछि केही डोम परिवार निकै हर्षित भए भने आधा दर्जन बढी घरहरू बेवारिसे र जीर्ण बने । यसको उपयोगिताको लागि पालिकाले ठोस पहल गर्नुपर्ने स्थानीयको माग छ ।
सुक्दै पर्यटकीय टिमुरे ताल
एक हजार ७५० मिटर अग्लो पहाडको माथिल्लो भागमा रहेको सुन्दर र रमणीय प्राकृतिक टिमुरे ताल पर्यटकीय दृष्टिकोणले निकै मनमोहक छ । यो ताल करिव तीन मिटर गहिरो र चार रोपनी क्षेत्रफलमा फैलिएको छ ।
ठेक्का अवधिभन्दा चार महिनाअघि नै बन्यो पुल
तनहुँको व्यास नगरपालिकास्थित बुल्दीखोलामा ठेक्का अवधिभन्दा चार महिनाअघि नै पुल निर्माण सम्पन्न भएको छ ।
साँफे हाटबजारमा भीषण आगलागी, १० पसल जलेर नष्ट
साँफे हाटबजारमा भीषण आगलागी हुँदा १० वटा पसल जलेर नष्ट भएका छन् । शनिवार बिहान साढे ३ बजे साँफेबगर नगरपालिका वडा नम्बर ३ स्थित हाटबजारमा आगलागी हुँदा १० पसल जलेर नष्ट भएका हुन् ।
आगलागीमा परी बालकको जलेर मृत्यु
टोपलाल अर्यालरेसुङ्गा, वैशाख १३ गते । गुल्मीको नयाँ गाउँमा बच्चाहरूले लाइटर खेलाउँदा दुखद घटना भएको छ । धुर्कोट गाउँपालिका–१ नयाँ गाउँ ओखर रुखकी मनि नेपालीका तीन छोराछोरी छन् । आकाश र अस्मिले नयाँ गाउँ मावि र बिवेक नेपालीले देउराली प्राविमा पढ्थे । छोराछोरी शिक्षक आन्दोलनको कारण लामो समयदेखि घरमै छन् । आमा मनि नेपालीले जेठो छोरा आकाशलाई मकै छर्न बारीमा लिएर गएकाले घरमा अस्मि र बिवेक मात्रै थिए । शुक्रवार कडा गर्मी थियो । दिदिभाईले लाइटर निकालेर खेलिरहेका बेला भाइ बिवेकले गोठ नजिकको घाँसको थुप्रोमा आगो लगाए । दिदी अस्मि भागेर चिच्याइन । तर, भाइ गोठभित्र पसेकाले भाग्न पाएनन्, जलेर मृत्यु भएको छिमेकी विष्णु कुवरले बताउनुभयो । मनि नेपालीका श्रीमान् कामको सिलसिलामा भारतमा हुनुहुन्छ । गाउँका अत्यन्तै विपन्न परिवारलाई आगलागी हुँदा छोरा गुमाउनु परेको पीडाले विक्षिप्त बनाएको कुवरले बताउनुभयो । आगलागी भएको केही बेरमा स्थानीय र प्रहरीको टोली जुटे पनि केही गर्न सक्ने अवस्था थिएन । ६ वर्षीय बालक विवेक नेपालीको मृत्यु भएको जिल्ला प्रहरी कार्यालय गुल्मीका प्रवक्ता प्रहरी नायब उपरीक्षक गङ्गा बहादुर सारुले जानकारी दिनुभयो । आगोले ढुङ्गा माटोले बनेको टिनले छाएको २ तले कच्ची गोठ जलेर नष्ट भएको प्रहरीले जनाएको छ । बालकको सब पोस्टमार्टमको लागि गुल्मी अस्पतालमा तम्घासमा राखिएको प्रहरीले जनाएको छ । धुर्कोट गाउँपालिका अध्यक्ष भुपाल पोख्रेलले घटनाले निकै दुखी बनाएको बताउँदै आवश्यक सहयोग गर्ने प्रतिबद्धता जनाउनुभयो ।
ऊर्जा आत्मनिर्भरताको यात्रा
नेपाल संसारको त्यस्तो थलो हो, जहाँ नदीनाला हरिया पहाड चिर्दै बग्छन्, घाम वर्षभर झुल्किरहन्छ, अनि वर्षा ऋतु पनि आफ्नो चक्रमा चलिरहन्छ ।
राजनीतिमा इमानदारीको खडेरी
लोकतन्त्र, शाब्दिक अर्थमा ‘जनताको शासन’ हो । यो एक यस्तो शासन प्रणाली हो, जहाँ देशका नागरिकले आफ्नो सार्वभौम अधिकार प्रयोग गरी आफ्ना प्रतिनिधिलाई स्वतन्त्र र निष्पक्ष निर्वाचनको माध्यमबाट चयन गर्छन् ।
