गोरखापत्र अनलाइन
पत्रकारमाथिको आक्रमण तथा प्रशासनविरुद्ध पत्रकारहरूको धर्ना
पत्रकारमाथि भएको आक्रमणविरुद्ध धनुषामा पत्रकारहरूले विरोध तथा धर्ना दिने भएका छन् ।पत्रकारमाथि आक्रमण भएको पाँच दिनभन्दा बढी हुँदा पनि प्रहरी प्रशासनले कुनै चाँसो नदिँदा सोविरुद्ध नेपाल पत्रकार महासंघ धनुषा शाखाको नेतृत्वमा आइतबार बिहान १०ः३० बजे महासंघ धनुषा र ११ बजे जिल्ला प्रशासन कार्यालय धनुषामा पत्रकारहरुले विरोध प्रदर्शन तथा धर्ना दिने भएका हुन् ।
घरदैलोमै सामाजिक सुरक्षा भत्ता
वारागुङ मुक्तिक्षेत्र गाउँपालिका–४, पाङ्लिङगाउँका ९१ वर्षीय ठकुरी नेवाङले सामाजिक सुरक्षा भत्ता परिचयपत्र घरमै नवीकरण गर्नुभयो । बर्खाको समयमा वडा कार्यालयसम्म पुग्न नसक्ने अवस्थामा वडाध्यक्ष कर्मघ्यचो गुरुङसहितको टोली घरदैलोमै गएपछि वृद्ध नेवाङ उत्साहित हुनुभयो ।
-original-thumb.jpg)
मुस्ताङमा सबै प्रजातिको स्याउ भदौ महिनाभित्रै टिपिने
यसवर्ष मुस्ताङको प्रमुख उत्पादन स्याउ हिन्दु महिलाहरुको पर्व हरितालिका तीज अगाडि नै बजारमा आउने भएको छ । विगतका वर्षको तुलनामा यसवर्ष छिटो स्याउ पाकेपछि उच्च घनत्व प्रविधिमा आधारित (हाइब्रिड) गाला जातको स्याउ यही भदौ ५ गतेदेखि टिप्न पाइने भएको हो ।
ठेकेदारको लापर्बाही : बुल्दीखोला पुल अलपत्र
निर्माण कम्पनीको लापर्बाहीले गर्दा तनहुँको बुल्दीखोलामाथि बन्दै गरेको पुल अलपत्र परेको छ । व्यास नगरपालिका–३, देउरालीनगर, बिसघरे र वडा नं. १ को भादगाउँ, विज्ञानचौर जोड्ने बुल्दीखोलामा निर्माणाधीन पुल अलपत्र परेको हो ।
तीन दशकदेखि एक्ला पुजारी
वारागुङ मुक्तिक्षेत्र गाउँपालिका अन्तर्गत हिन्दु तथा बौद्धमार्गीको महत्वपूर्ण तीर्थस्थल मुक्तिनाथ मन्दिरको मुख्य द्वारबाहिर एकाबिहानै पुजारी कृष्णप्रसाद सुवेदी भेटिनुहुन्छ । आसपासका क्षेत्रमा हिउँले ढाकिएका हिमालको पूर्वपट्टिको भित्तामा समुद्र सतहदेखि तीन हजार ६१० मिटरको उचाइमा अवस्थित मन्दिरमा आउने दर्शनार्थीलाई दैनिक मुक्तिनाथ मन्दिरको महिमा सुनाउनुहुन्छ ।
सडकमाथिबाट खसेको ढुङ्गा लाग्दा एक घाइते
नारायणगढ मुग्लिन सडक खण्डको तुइन खोलामा माथिबाट खसेको ढुङ्गा लाग्दा एक जना घाइते भएका छन् ।
ढोरपाटनको पर्यटन पूर्वाधार निर्माणमा जोड
नेपालको एक मात्र ढोरपाटन सिकार आरक्षमा पर्यटकीय पूर्वाधार निर्माण गरिएको छ । उद्योग तथा पर्यटन कार्यालय बागलुङले पर्यटकको सुविधाका लागि पदमार्गसँगै काठेपुल र विश्रामस्थल निर्माण गरेको हो ।
गाउँ जोगाउन जनश्रमदान
कर्णाली नदीको कटानका कारण डुबानको उच्च जोखिममा रहेको बर्दिया र कैलाली सीमावर्ती गाउँहरू जोगाउन दैनिक तीन सयभन्दा बढी स्थानीय श्रमदानमा जुटेका छन् । बर्दियाको राजापुर नगरपालिका–४, दलैघाट क्षेत्रमा करिब एक दशकअघि तत्कालीन कर्णाली नदी व्यवस्थापन आयोजनाले निर्माण गरेको तटबन्ध जीर्ण भएपछि नदीले कटान सुरु गरेको हो ।
ऐनमा सबैका भावना समेटिने विश्वास
लुम्बिनी प्रदेशका मुख्यमन्त्री चेतनारायण आचार्यले सङ्घीय सरकारले बनाउन थालेको शिक्षा ऐनमा सबैको भावना समेटिने विश्वास व्यक्त गर्नुभएको छ । निजी तथा आवासीय विद्यालय अर्गनाइजेसन नेपाल (प्याब्सन) लुम्बिनी प्रदेश समितिका प्रतिनिधिसँग शनिबार बुटवलमा छलफल गर्दै आचार्यले छुटेका र अपुग विषयलाई समावेश गरेर अब बन्ने ऐन, कानुनमा सबैको भावना समेटिने विश्वास व्यक्त गर्नुभयो ।
हिल्सामा सडक कालोपत्रे गर्न सुरु
चिनियाँ पक्षले दुई देशको सिमाना हिल्सामा नेपालपट्टिको सडकलाई कालोपत्रे गर्न सुरु गरेको छ । यसअघि गत मङ्सिरमा दुई देश जोड्न मितेरीपुल चिनियाँ पक्षले नै निर्माण गरिसकेको र अब सम्झौता अनुसारको नेपालतर्फको सडक कालोपत्रे गर्न सुरु गरेको हो ।
बिक्न छाडे सारङ्गी, सुनिन छाड्यो धुन
पछिल्लो समय सारङ्गी बजाएर जीविकोपार्जन गर्ने गन्धर्व समुदायको सङ्ख्या घट्दै गएको छ । नयाँ पुस्तामा सारङ्गी बाजाप्रति रुचि नभएका कारण यसको सङ्ख्या घट्दै गएको हो ।
कर्णाली राजमार्ग पटक पटक अवरुद्ध
गत असारयता कर्णाली राजमार्ग २१ पटक अवरुद्ध भएको छ । असार महिनामा सामान्य पानी पर्दा पनि पहिरोले कर्णाली राजमार्गको कालीकोट खण्डको गाल्जेमा एक पटक, लालु खुलालुमा एक पटक, हुल्ममा पाँच पटक पहिरोले सडक अवरुद्ध भएको छ भने साउन लागेयता हुल्ममा छ पटक, ताडीमा एक पटक, मोल्फा बिहानीमा छ पटक र गाल्जेमा एक पटक गरी १४ पटक गरी २१ पटक अवरुद्ध भएको छ ।
गण्डकीमा आठ सय जनामा डेङ्गु सङ्क्रमण
गण्डकी प्रदेशमा गत पुसयता डेङ्गु सङ्क्रमित हुनेको सङ्ख्या आठ सय ११ पुगेको छ । पछिल्लो तीन सातामा मात्र दुई सय दुई जनामा उक्त रोगको सङ्क्रमण पुष्टि भएको छ ।
विपतजन्य जोखिम बढ्दो
दार्चुलामा लगातार परेको वर्षाले विभिन्न ठाउँमा विपत् निम्तिएको छ । वर्षापछि आएको बाढीका कारण कतै सडक भत्किएका छन् भने कतै पूरै परिवार विस्थापित भएका छन् । त्यसले पीडितको दैनिक जीवन अस्तव्यस्त बनेको छ ।
रेशका किसानले सुरु गरे प्याकेजमै रोपाइँ
युवा जनशक्ति विदेशीएपछि खेतीयोग्य जमिन बाँझो रहन थालेपछि काठेखोलाका स्थानीयले नयाँ तरिकाले उपयोग गर्न थालेका छन् ।
