भन्सार नाकामा कडाइ, सीमाका नागरिक मर्कामा
सरकारले भारतबाट किनमेल गरी नेपाल ल्याइने सामानमा कडाइका साथ भन्सार शुल्क लागु गरेपछि सीमावर्ती क्षेत्रका नागरिक मर्कामा परेका छन् । खास गरी सीमावर्ती बजार भारतबाट दैनिक उपभोग्य वस्तु ल्याउने नेपाली नागरिकलाई सास्ती भइरहेको यहाँका उपभोक्ताले गुनासो गरेका छन् । नेपाली बजारमा भन्दा सीमावर्ती भारतीय बजारमा दैनिक उपभोग्य वस्तु सस्तो पाइने मानसिकताले यहाँका स्थानीय भारतीय बजार धारचुला गएर किनमेल गर्ने गर्छन् । स्थानीयले घरका लागि भारतीय बजारबाट खरिद गरेर ल्याएका दैनिक उपभोग्य सामानमा एक सय रुपियाँभन्दा बढी भएमा भन्सार शुल्क लिन थालेपछि भन्सार कार्यालयको चौतर्फी विरोध भइरहेको छ ।
कर्णाली उज्यालो भविष्यतर्फ अघि बढ्दैछ : प्रदेश प्रमुख जोशी
कर्णाली प्रदेश प्रमुख यज्ञराज जोशीले कर्णाली प्रदेश अब उज्यालो भविष्यतर्फ अघि बढिरहेको बताउनुभएको छ ।
ग्यास अभावले फर्किंदै परदेसिएका नेपाली
बाजुराका अधिकांश स्थानीय रोजगारीका लागि छिमेकी मुलुक भारतमा जाने गर्छन् । भारतमा रोजगारी गरेर उनीहरू घरपरिवारको पालन पोषण गर्छन् । केही महिनाअघि रोजगारीका लागि भारतमा गएका बाजुराका स्थानीय अहिले भने गाउँ फर्किन थालेका छन् । भारतमा ग्यासको अभावका कारण त्यहाँका होटेल प्रभावित भएपछि रोजगारीसमेत पाउन मुस्किल हुन थालेकाले बाजुराका सयौँ युवा धमाधम आफ्नै गाउँ फर्किन थालेका हुन् ।
घरको छतबाट खसेर एक जनाको मृत्यु
दाङमा घरको छतबाट खसेर एक जनाको मृत्यु भएको छ । मृत्यु हुनेमा राजपुर गाउँपालिका–४ दुलैया निवासी ४२ वर्षीय राजु भण्डारी रहेको इलाका प्रहरी कार्यालय गढवाले जानकारी दिएको छ ।
बन्यो भवन, सञ्चालनमा आएन अस्पताल
स्याङ्जाको वालिङमा सुविधासम्पन्न अस्पताल भवन निर्माण भएको एक वर्ष पूरा भएर हालसम्म पनि अस्पताल सञ्चालनमा आउन सकेको छैन । सङ्घीय सरकार र वालिङ नगरपालिकाको लगानीमा नगर अस्पताल भवनको निर्माण एक वर्षअघि नै सम्पन्न भएको हो । वालिङ नगरपालिका–१, रामबाच्छामा निर्माण गरिएको भवन निर्माणको काम सम्पन्न भएको र नगरपालिकाले अस्पताललाई सञ्चालनमा ल्याउन छलफल गरिरहेको नगरप्रमुख कृष्ण खाणले बताउनुभयो ।
हिंस्रक वन्यजन्तु नियन्त्रण गर्न रसायन
वन्यजन्तुको आक्रमण बढ्दै गएपछि बर्दियामा बाघ र चितुवालाई बस्ती पस्नबाट रोक्न नयाँ प्रविधिको परीक्षण सुरु गरिएको छ । मधुवन नगरपालिका अन्तर्गत खाता जैविक मार्ग आसपासका सामुदायिक वन क्षेत्रमा कृत्रिम गन्ध आउने रसायन प्रयोग गरेर परीक्षण अघि बढाइएको हो । बर्दिया राष्ट्रिय निकुञ्जसँग जोडिएका मध्यवर्ती क्षेत्रका बस्तीमा हरेक वर्षजसो बाघ र चितुवा जस्ता हिंस्रक वन्यजन्तुको आक्रमणबाट मानवीय क्षति हुने गरेको छ । यही समस्या न्यूनीकरण गर्न तराई भूपरिधि संरक्षण कार्यक्रमको सहयोग तथा डिभिजन वन कार्यालय र खाता सामुदायिक वन समन्वय समितिको समन्वयमा उक्त परीक्षण थालिएको हो ।
व्यवसायिक रैथाने हस्तकलाले गाउँमै रोजगारीको सिर्जना
सटरभरि रैथाने हस्तकलाले सजिएका छन् । ढकिया, डेल्वा, डेल्या, भौका, डोक्नी, छिट्वा, गोन्द्री, मच्वा, खट्या, माटाका भाडा लगायत स्थानीय परम्परागत हस्तकला बिक्रीका लागि राखिएका छन् ।
-original-thumb.jpg)
उद्योगीको माग : व्यापारिक प्रक्रिया सरलीकरण र ‘एकद्वार प्रणाली’ लागू गर्न माग
देशको आर्थिक मेरुदण्डका रूपमा रहेका उद्योगी र व्यवसायीहरूले व्यापारिक प्रक्रियामा देखिएको अत्यधिक झन्झट अन्त्य गर्न सरकारसँग जोडदार माग गरेका छन् ।
रुरुक्षेत्रको लोक्मा भन्ज्याङ–रिमुवा साहाघाट खण्ड बन्द
गुल्मी रुरुक्षेत्र गाउँपालिका वडा नम्बर– २ र ६ को लोक्मा भन्ज्याङ–रिमुवा साहाघाट खण्ड हुने भएको छ। यस सडकखण्डमा सडक निर्माण कार्य गर्नुपर्ने भएकाले शुक्रबारदेखि वैशाख २६ गतेसम्म सडक बन्द गर्न लागिएको गाउँपालिकाका प्रमुख प्रशासकीय अधिकत दिनेश ज्ञवालीले जानकारी दिनुभयो।
महावैको केन्द्र जोड्ने सडक प्राथमिकतामा
कालीकोटको महावै गाउँपालिकाको केन्द्र जोड्ने सडकलाई कर्णाली प्रदेशको प्राथमिकताको आयोजनामा समावेश गरिएको छ । हालै बसेको कर्णाली प्रदेशको मन्त्रीपरिषद् बैठकले कालीकोटको महाबै गाउँपालिकाको केन्द्र जोड्ने सडकलाई प्रादेशिक प्राथमिकताको आयोजनामा समावेश गर्दै राष्ट्रिय प्राथमिकता प्राप्त आयोजनामा राख्न राष्ट्रिय योजना आयोगमा सिफारिस गर्ने निर्णय गरेको हो । प्रदेश सरकारको निर्णयपछि उक्त सडक विस्तारका लागि थप प्राथमिकतामा परेको हो ।
हुम्लामा भिटामिन ए र जुकाको औषधी खुवाउने अभियान जारी
हिमाली जिल्ला हुम्लामा राष्ट्रिय अभियानअन्तर्गत सञ्चालन गरिएको भिटामिन ए र जुकाको औषधि खुवाउने कार्य ढिलाइका कारण अझै जारी रहेको छ ।
हटेन बालविवाह
वीरेन्द्रनगर नगरपालिका–३ की बिनु थापाको १७ वर्षको उमेरमा विवाह भयो । अहिले २५ वर्ष नपुग्दै उहाँ तीन सन्तानकी आमा भइसक्नुभएको छ । उमेर बढेपछि बिहे गर्ने बेला भएको ठानेर आमाबाले बिहे गरिदिएको उहाँले बताउनुभयो । उहाँ भन्नुहुन्छ, “विवाहपछि बाल्यकालका सबै रहर जिम्मेवारीमा परिणत भए ।’’
महँगीले सप्तरीका विपन्नको जीवन कष्टकर
शासन सत्ता फेरिए पनि सप्तरीका जनताको जीवनशैलीमा अपेक्षित परिवर्तन आएको छैन । विपन्नदेखि मध्यम वर्गका परिवारसम्मको जीवनयापन झन् कठिन बन्दै गएको छ । गरिबीको समस्या दिनप्रतिदिन गहिरिँदै गएको स्थानीयवासी बताउछन् ।
स्थानीय तहमा निर्माण भएन आधारभूत अस्पताल
स्थानीय तहमा अस्पताल निर्माणको कामले पूर्णता नपाउँदा सर्वसाधारण आधारभूत स्वास्थ्य सेवा पाउनबाट वञ्चित भएका छन् । गुणस्तरीय आधारभूत स्वास्थ्य सेवामा नागरिकको पहुँच पु¥याउने उद्देश्यले सरकारले स्थानीय तहमा पाँच वर्ष पूरा हुँदा पनि आधारभूत अस्पताल पूरा हुन सकेको छैन । सरकारले सबै स्थानीय तहमा आधारभूत अस्पताल बनाउने उद्देश्यले आर्थिक वर्ष २०७७/७८ मा देशका ३९६ स्थानीय तहमा आधारभूत अस्पताल बनाउने कामका एकै साथ शिलान्यास गरेको थियो ।
स्याङ्जाको कफी बीउ अन्तरिक्ष पुगेर फर्कियो
कफी र सुन्तला उत्पादनमा सक्रिय स्याङ्जाको पुतलीबजार नगरपालिका–११ मायाटारीका बोधराज अर्यालले उत्पादन गरेको कफीको बीउ अन्तरिक्ष पुगेर फर्किएको छ ।
समावेशीकरणको दिशामा नयाँ फड्को : गोरखापत्रद्वारा प्रकाशित मारवाडी भाषा
समावेशीकरणको दिशामा नयाँ फड्को : गोरखापत्रद्वारा प्रकाशित मारवाडी भाषा
न्यायिक समिति मेलमिलाप र न्याय निरुपणमा सक्रिय
क्षेत्राधिकार साँघुरो भए पनि न्यायिक समितिमा उल्लेख्य संख्यामा मुद्दा आउन थालेका छन् । अदालतको प्रक्रियाभन्दा न्यायिक समितिहरू छिटो कार्यविधिमार्फत न्याय निरुपणमा सक्रिय छन् ।
समावेशीकरणको दिशामा नयाँ फड्को : गोरखापत्रद्वारा प्रकाशित दनुवार भाषा
समावेशीकरणको दिशामा नयाँ फड्को : गोरखापत्रद्वारा प्रकाशित दनुवार भाषा
मलङ्गवामा ११ अवैध स्वास्थ्य संस्था सिल, सञ्चालक फरार
सर्लाही सदरमुकाम मलङ्गवामा अवैध रूपमा सञ्चालनमा रहेका ११ वटा स्वास्थ्य संस्था शिल गरिएको छ । अनुगमनका क्रममा दर्ता नै नभएको भेटिएपछि अस्पताल, पोलिक्लिनिक, हेल्थकेयरलगायतका स्वास्थ्य संस्था शिल गरिएको हो ।
चलचित्र महोत्सवमार्फत ‘गन्तव्य कर्णाली’ अभियान थालनी
‘घुमौँ कर्णाली, हेरौँ कर्णाली’ भन्ने नारासहित कर्णाली अन्तरराष्ट्रिय चलचित्र महोत्सवमार्फत ‘गन्तव्य कर्णाली’ अभियान थालनी गरिएको छ ।
वैशाख ११ : लोकतन्त्र दिवस
विसं २०६३ वैशाख ११ गते तत्कालीन राजा ज्ञानेन्द्रले आन्दोलनरत दलको मार्गचित्रबमोजिम विसं २०५९ जेठ ८ गते विघटन भएको संसद् पुनस्र्थापना गर्नुभयो । जनताको विजय भएको खुसीयालीमा विसं २०६४ देखि देशभर लोकतन्त्र दिवस मनाउन थालिएको हो ।
बेनीमा शान्ति पार्क बनाउने योजना कार्यान्वयन भएन
म्याग्दीको सदरमुकाम बेनीमा शान्ति पार्क निर्माण गर्ने योजना कार्यान्वयनमा अलमल र अन्योल सृजना भएको छ । पार्क निर्माण गर्ने ठाउँको टुङ्गो नलाग्दा तीन वर्षअघि बेनी नगरपालिकाले अघि सारेको शान्ति पार्क निर्माण योजनाका लागि बर्सेनि बजेट विनियोजन भए पनि कार्यान्वयन हुन नसकेको हो ।
नयाँ नियमावलीमा सांसदको विशेषाधिकार प्रस्ताव
प्रतिनिधिसभा नियमावली सांसदको विशेषाधिकारका रूपमा अघि बढाउन प्रस्ताव गरिएको छ । प्रतिनिधिसभाले गठन गरेको नियमावली मस्यौदा समितिले तयार पारेको प्रस्तावमा सभा, समिति र सदस्यको हकमा नियमावली सङ्घीय कानुनका रूपमा विशेष कानुनसरह लागू हुने उल्लेख छ ।
बहुपक्षीयता र शान्तिका लागि कूटनीतिक दिवस मनाइँदै
बहुपक्षीयता र शान्तिका लागि कूटनीतिक दिवस आज विश्वका विभिन्न देशमा विविध कार्यक्रमका साथ मनाइँदै छ । संयुक्त राष्ट्रसङ्घको आह्वानमा यो दिवस सन् २०१९ देखि मनाउन प्रारम्भ भएको हो ।
लोकतन्त्र शासन मात्र होइन, जीवन पद्धति हो : प्रदेश प्रमुख देवकोटा
बागमती प्रदेश प्रमुख दीपकप्रसाद देवकोटाले लोकतन्त्र केवल शासन व्यवस्था मात्र नभई जीवन पद्धति पनि भएको बताउनुभएको छ ।
