सुरेन्द्र पाण्डेले भण्डारा अस्पताल केन्द्रबाट मतदान गर्नुभयो
नेकपा एमालेका पूर्व उपाध्यक्ष तथा पूर्व अर्थमन्त्री सुरेन्द्र पाण्डेले राप्ती नगरपालिकास्थित भण्डारा अस्पताल केन्द्रबाट मत हाल्नु भएको छ । मत राखेपछि सञ्चारकर्मीहरु सङ्ग कुरा गर्नुहुदैं अहिलेको निर्वाचनले आर्थिक समृद्धि तर्फ लैजान मद्यत गर्ने विश्वास व्यक्त गर्नु भयो । जटिल परिस्थितिमा भएको निर्वाचनले देशलार्इ निकास दिन सकोस भन्ने शुभकामना दिनु भएको छ ।
भोजपुरकी १०२ वर्षीया खड्काद्वारा मतदान
भोजपुर नगरपालिका–४ दावाँकी १०२ वर्षीया चन्द्रमाया खड्काले श्री सिद्धेश्वर माध्यमिक विद्यालय दावाँबाट मतदान गर्नुभएको छ । जिल्लाबाट आज ५९ हजार २ सय ५३ जना महिला र ६४ हजार १ सय २५ जना गरी कुल १ लाख २३ हजार ३ सय ७९ जनाले १ सय ६१ मतदान केन्द्रबाट मतदान गर्दैछन । त्यस्तै जिल्लामा एउटा प्रतिनिधिसभा सदस्यका लागि १२ वटा दलले सहभागीता जनाएका छन् ।
कांग्रेस सहमहामन्त्री चौधरीद्वारा मतदान
नेपाली कांग्रेसका सहमहामन्त्री योगेन्द्र चौधरीले दाङको गढवा गाउँपालिका ४ स्थित दीपेन्द्र होमजुन माविमा मतदान गर्नुभएको छ । चौधरी नेपाली काङ्ग्रेसको तर्फबाट दाङ क्षेत्र नम्बर १ का उम्मेदवार हुनुहुन्छ ।
बैतडीमा शान्तिपुर्ण रूपमा मतदान सुरु
बैतडीमा प्रतिनिधिसभा सदस्य निर्वाचन अन्तर्गत आज बिहान ७ बजेदेखि शान्तिपूर्ण रूपमा मतदान सुरु भएको छ । जिल्लाका सबै मतदान केन्द्रमा निर्धारित समयमै मतदान कार्य प्रारम्भ भएको प्रमुख जिल्ला अधिकारी कृष्ण थापाले जानकारी दिनुभयो ।
बाजुराका सबै मतदान केन्द्रमा शान्तिपुर्ण रुपमा मतदान सुरु
बाजुराका सबै मतदान केन्द्रमा शान्तिपुर्ण रुपमा मतदान सुरु भएको छ । निर्वाचन आयोगको समय अनुसार बिहान ७ बजे देखि यहाँका ७७ मतदानस्थल ११८ स्थायी र १ अस्थायी गरी ११९ मतदान केन्द्रमा शान्तिपुर्ण मतदान सुरु भएको हो ।
मतदान अधिकृतदेखि स्वयंसेवक सबै महिला
प्रतिनिधि सभा निर्वाचनका लागि बागमती प्रदेशका विभिन्न निवार्चन क्षेत्रमा मतदान अधिकृतदेखि स्वयंसेवकसम्म महिलालाई खटाइएको छ । चितवनको भरतपुर उपमहानगरपालिका–
पहिलो पटक मतदान गर्न युवा उत्साहित
बिहीबार हुने मतदानका लागि गाउँघरमा निकै चहलपहल देखिएको छ । पहिलो पटक मतदान गर्ने युवा मतदानका लागि निकै उत्साहित देखिएका छन् । अध्ययन, रोजगारी, व्यापार÷व्यवसाय वा
निर्वाचन आचारसंहिता पालनामा कडाइ
बिहीबार हुने प्रतिनिधि सभा सदस्य निर्वाचनलाई निष्पक्ष बनाउन रौतहटमा निर्वाचन आचारसंहिता कडाइका साथ कार्यान्वयन गराइएको छ । जिल्लामा निर्वाचन आचारसंहिता उल्लङ्घनका घटना
काभ्रेपलाञ्चोकमा शान्तिपूर्ण रूपमा मतदान सुरु
काभ्रेपलाञ्चोक जिल्लामा प्रतिनिधि सभा सदस्य निर्वाचनको मतदान सुरु भएको छ । मुख्य निर्वाचन अधिकृत प्रेमप्रसाद न्यौपानेले जिल्लाका दुई निर्वाचन क्षेत्रको चार सय मतदान केन्द्रमा बिहान ७ बजेबाट मतदान सुरु भएको बताउनुभयो ।
निवर्तमान सभामुख घिमिरेद्धारा मतदान
निवर्तमान सभामुख तथा नेकपा एमालेको तर्फबाट झापा क्षेत्र नं. २ का प्रतिनिधि सभा सदस्य उम्मेद्वार देवराज घिमिरेले मतदान गर्नु भएको छ । घिमिरेले बालकल्याण आधारभूत विद्यालय, अर्जुनधारा नगरपालिका–६ स्थित मतदान केन्द्रबाट पहिलो मतदाता बनेर मतदान गर्नुभएको हो । मतदानपछि सञ्चारकर्मीहरूसँग कुरा गर्दै घिमिरेले लोकतन्त्रलाई बलियो बनाउन सबै नागरिकले उत्साहका साथ मतदानमा सहभागी हुन आग्रह गर्नुभयो ।
धनकुटामा एमाले उम्मेदवार राजेन्द्रकुमार राईद्वारा मतदान
प्रतिनिधि सभा सदस्य निर्वाचनको धनकुटामा मतदान सुरु भएको छ । धनकुटाका मुख्य निर्वाचन अधिकृत हरिश्चन्द्र इङ्नामका अनुसार जिल्लाका सबै मतदान केन्द्रमा ७ बजेबाट नै मतदान सुरु भएको जानकारी दिनुभयो ।
निर्धक्क भएर मतदान गर्न मतदातालाई आह्वान : निर्वाचन आयुक्त तुलाधर
निर्वाचन आयोगका आयुक्त डा. जानकी तुलाधरले आज भइहेको प्रतिनिधिसभा सदस्यको निर्वाचनमा निर्धक्कका साथ मतदान गर्न मतदाताहरुलाई आह्वान गर्नुभएको छ ।
स्याङ्जामा मतदान सुरु
स्याङ्जामा प्रतिनिधि सभा सदस्यको निर्वाचनको मतदान सुरु भएको छ । दुई निर्वाचन क्षेत्र रहेको स्याङ्जाका सबै मतदान केन्द्रमा मतदान सुरु भएको स्याङ्जाका मूख्य निर्वाचन अधिकृत उपेन्द्र प्रसाद गौतमले जानकारी दिनुभयो । उहाँले भन्नुभयो,“कुनै पनि मतदान केन्द्रमा समस्या आएको सूचना छैन, मतदाताले मतदान गर्न सुरु गरेका छन् ।”
सर्लाहीका ६२८ वटै मतदान केन्द्रमा मतदान सुरु
प्रतिनिधि सभा सदस्य निर्वाचन अन्तर्गत सर्लाहीका ६१२ वटै मतदान केन्द्रमा बिहान ७ बजेदेखि मतदान सुरु भएको छ । सर्लाहीका मुख्य निर्वाचन अधिकृत पुष्पराज थपलियाले जिल्लाभर शान्तपूर्वक मतदान सुरु भएको गोरखापत्र अनलाइनलाई जानकारी दिनुभयो । उहाँका अनुसार बिहान ७ बजेदेखि सुरु भएको मतदान साँझ ५ बजेसम्म चल्ने छ ।
उपाध्यक्ष पौडेलद्वारा मतदान
नेकपा (एमाले)का उपाध्यक्ष विष्णुप्रसाद पौडेल बिहीबार बुटवल–८ स्थित सडक विभागको मतदान केन्द्रमा मतदान गर्नुहुँदै ।
मतदान गरेर फर्किदै १०५ वर्षीय खड्का
काठमाडौँ बुढानीलकण्ठ नगरपालिका-२ चपली मतदान केन्द्रमा बिहान मतदान गरेर फर्किनु हुँदै बुढानीलकण्ठ-२ का १०५ वर्षीय चन्द्रबहादुर खड्का । तस्बिरः विमलबहादुर विष्ट/रासस
कार्यवाहक प्रमुख निर्वाचन आयुक्त र आयुक्तद्वयद्वारा मतदान
कार्यवाहक प्रमुख निर्वाचन आयुक्त रामप्रसाद भण्डारीले काठमाडौँ निर्वाचन क्षेत्र नं १ अन्तर्गत वडा नं २९ को मिलन विद्या मन्दिरमा मतदान गर्नुभएको छ । यसैगरी, निर्वाचन आयुक्त डा जानकीकुमारी तुलाधरले लमजुङको सुन्दरबजार नगरपालिका–२ स्थित महेन्द्र मावि मतदान केन्द्रबाट मतदान गर्नुभएको छ भने अर्का निर्वाचन आयुक्त सगुनशम्शेर जबराले टोखा नगरपालिका–४ फैमाचुलीस्थित धापासी निमावि मतदान केन्द्रबाट मतदान गर्नुभएको छ ।
रास्वपा सभापति लामिछाने र वरिष्ठ नेता शाहद्वारा मतदान
राष्ट्रिय स्वतन्त्र पार्टी(रास्वपा)का सभापति रवि लामिछानेले चुच्चेपाटीस्थित उपत्यका खानेपानी लिमिटेड मतदान केन्द्रबाट मतदान गर्नुभएकोे छ । मतदान गर्नुअघि सञ्चारकर्मीलाई सङ्क्षिप्त प्रतिक्रिया दिँदै उहाँले यस निर्वाचनले मुलुकलाई राजनीतिक निकास दिने विश्वास व्यक्त गर्नुभयो । अध्यक्ष लामिछाने चितवन क्षेत्र नम्बर २ बाट प्रतिनिधिसभा सदस्यका लागि उम्मेदवार हुनुहुन्छ ।
उज्यालो नेपाल पार्टीका अध्यक्ष घिसिङद्वारा मतदान
उज्यालो नेपाल पार्टीका सभापति कुलमान घिसिङले काठमाडौँ क्षेत्र नम्बर ३ स्थित जनकल्याण माध्यमिक विद्यालय मतदान केन्द्रबाट मतदान गर्नुभएको छ ।
तनहुँमा मतदान सुरु
प्रतिनिधिसभा सदस्य निर्वाचनअन्तर्गत तनहुँमा मतदान सुरु भएको छ । जिल्लाका १४४ मतदानस्थल र ३०९ मतदान केन्द्रमा मतदान सुरु भएको हो । निर्वाचन क्षेत्र नम्बर १ मा ६९ मतदानस्थल र १५३ मतदान केन्द्र तथा क्षेत्र नम्बर २ मा ७५ मतदानस्थल र १५६ मतदान केन्द्र कायम छन् । यहाँ दुई लाख ५४ हजार ३९७ मतदाता कायम भएका जिल्ला निर्वाचन अधिकारी विकास लम्सालले राससलाई जानकारी दिनुभयो ।
झापामा मतदान सुरुः सात लाख १३ हजार बढी मतदाता सहभागी हुने अपेक्षा
यहाँ उत्साहका साथ मतदान सुरु भएको छ । मुख्य निर्वाचन कार्यालयका सहायक निर्वाचन अधिकारी डिल्लीप्रसाद प्रसाईंले निर्धारित समयमा मतदान सुरु भएको राससलाई जानकारी दिनुभयो ।
‘नेवा–फ्लिक्स’ को घोषणा
नेपाल भाषाको पहिलो ओटिटी प्लेटफर्म ‘नेवा–फ्लिक्स’ को एक कार्यक्रमबिच घोषणा गरिएको छ । कार्यक्रममा प्रमुख अतिथि नेपाल चलचित्र विकास बोर्डका अध्यक्ष दिनेश डिसीले विगतमा ‘पद्मरत्न यात त्याका दिसँ, प्रतिगामी तत्व यात बुका दिसँ’ भन्ने पम्प्लेट छाप्ने र भित्ते लेखनको समय सम्झनुभएको थियो ।
तरकारी बजारको कारोबार बन्द
कालीमाटी फलफूल तथा तरकारी बजार विकास समितिले बुधबार अर्थात् फागुन २० गते बजारका लागि कालो दिन भन्दै बजारबाट हुने सबै कारोबार बन्द गरेको छ । समितिका अनुसार २०६८ फागुन २० गते कालीमाटी तरकारी बजारमा भएको भीषण आगलागीपछि यही दिनलाई कालो दिन मानेर हरेक वर्ष फागुन २० गते बजार बन्द गरिँदै आएको र यस पटक पनि त्यसैको निरन्तरता हो ।
ट्रान्जिटमा रोकिएका नेपालीलाई खाने बस्ने व्यवस्था
संयुक्त अरब इमिरेट्स (युएई) ट्रान्जिटमा रोकिएका २५० नेपालीलाई तत्कालका लागि सुरक्षित बस्ने ठाउँ र खाने व्यवस्था भएको जनाइएको छ । नेपाल फर्किन वा तेस्रो मुलुक जाने क्रममा हालको परिस्थितिका कारण युएईमा रोकिएका त्यो सङ्ख्याका नेपालीलाई युएईमा रहेको दूतावासले पोर्टल निर्माण गरेर विवरण सङ्कलन गरी उनीहरूलाई तत्काल खाने बस्ने व्यवस्था भएको जनाइएको हो ।
नौ देशमा रोकियो उडान
पश्चिम एसियाका देशमा चर्किएको युद्ध र हवाईक्षेत्र बन्दका कारण नेपालबाट नौ वटा देशमा अन्तर्राष्ट्रिय उडान रोकिएको छ । त्रिभुवन अन्तर्राष्ट्रिय विमानस्थल कार्यालयका अनुसार फागुन २८ देखि बुधबारसम्म पूर्वनिर्धारित १०४ अन्तर्राष्ट्रिय उडान अवतरण रद्द भएका छन् । युद्धको त्रासदीबिच उडान रद्द भएपछि बुधबारसम्म पश्चिम एसियाका देशबाट नेपाल आउने र नेपालबाट जाने करिब १७ हजार यात्रुको उडान प्रभावित भएको छ ।
