कामदार र परिवारमा मनोवैज्ञानिक त्रास
बागलुङ घर भई हाल छोराछोरीसहित काठमाडौँ बस्दै आएकी प्रमिला पौडेल गत शनिबारदेखि मनोवैज्ञानिक रूपमा त्रसित हुनुहुन्छ । श्रीमान् वैदेशिक रोजगारीका सिलसिलामा हाल कुवेतमा कार्यरत रहेको र त्यहाँ अमेरिका तथा इजरायलले इरानमाथि गरेको सैन्य हमलापछि इरानले पनि गरेको जवाफी हमलाले उहाँलाई त्रसित बनाएको हो ।
एक हजार आठ सय यात्रु बाहिरिए
प्रतिनिधि सभा सदस्य निर्वाचनका दिन देशबाट एक हजारभन्दा बढी यात्रु बाहिरिएका छन् । त्रिभुवन अन्तर्राष्ट्रिय विमानस्थल कार्यालयका अनुसार बिहीबार मतदानका दिन स्वदेशी र विदेशी गरी एक हजार ८३५ यात्रु बाहिरिएका हुन् ।
चीनले घटायो आर्थिक वृद्धिदरको लक्ष्य
चीनले घरेलु अर्थतन्त्रमा देखिएको मन्दी, अन्तर्राष्ट्रिय अनिश्चितता र भूराजनीतिक जोखिमबिच सन् २०२६ का लागि आर्थिक वृद्धिको लक्ष्य ४.५ देखि पाँच प्रतिशतसम्ममा सीमित राख्ने घोषणा गरेको छ । यसले आर्थिक नीतिमा तीव्र परिवर्तनभन्दा निरन्तरतामै जोड दिने सङ्केत पनि दिएको छ ।
भारत र अमेरिकाद्वारा बधाई ज्ञापन
नेपालमा बिहीबार सफलतापूर्वक प्रतिनिधि सभा सदस्य निर्वाचन सम्पन्न भएकोमा छिमेकी भारत सरकाले खुसी व्यक्त गर्दै बधाई दिएको छ । नेपालमा निर्वाचनसम्बन्धी मिडियाका प्रश्नको जवाफमा भारतीय विदेश मन्त्रालयका प्रवक्ता रणधीर जयसवालले भारत सरकारका तर्फबाट खुसी व्यक्त गर्नुभएको हो । उहाँको भनाइ उधृत गर्दै नेपालस्थित भारतीय दूतावासले सार्वजनिक गरेको वक्तव्यमा भनिएको छ, “हामी आज नेपाली नागरिकले गरेको चुनावको सफल सञ्चालन र आफ्नो लोकतान्त्रिक जनादेशको प्रयोगको स्वागत गर्दछौँ, जसमा उत्साहजनक सहभागिता देखिएको छ ।”
मतदानमा ज्येष्ठ नागरिकको उत्साह
नवयुवा पुस्ताको आन्दोलनको जगमा भएको प्रतिनिधि सभा सदस्य निर्वाचनमा दोस्रो विश्वयुद्धताका जन्मिएका मतदाताले समेत मतदान गरेका छन् । जसलाई सबैभन्दा ठुलो पुस्ता (ग्रेटेस्ट जेनेरेसन) पनि भनिन्छ । दोस्रो विश्वयुद्ध सन् १९३९ मा सुरु भई १९४४/०४५ सम्म चलेको हो । पश्चिममा अछाम र कञ्चनपुरदेखि कोशीको उदयपुरमा शताब्दी उमेर पार गरेका मतदाताले मतदान गरेका छन् ।
मतदान प्रतिशत स्वाभाविक
देशैभर भएको प्रतिनिधि सभा निर्वाचन उत्साहजनक भए पनि अपेक्षा गरेभन्दा केही कम मत खसेको छ । २०७९ सालको निर्वाचनपछि तीन वर्षमा भएको निर्वाचनमा प्रारम्भिक चरणमा कुल ६० प्रतिशत मात्रै मत खसेको हो ।
नयाँ मतदाताले खोजे परिवर्तन
प्रतिनिधि सभा सदस्य निर्वाचनमा बिहीबार पहिलो पटक मतदानमा सहभागी नयाँ मतदातामा सुनौलो उत्साह देखियो । गत भदौ २३ र २४ को जेनजी आन्दोलनको मर्म अनुसार भएको निर्वाचनमा नयाँ मतदाताले उत्साहपूर्वक सहभागिता जनाए ।
आठ जिल्लाको मतपेटिका ढुवानी हेलिकप्टरबाट
आठ जिल्लाको मतपेटिका हेलिकप्टरबाट ढुवानी गरिएको छ ।
इलाममा खस्यो ५७ प्रतिशत मत
यस पटकको निर्वाचन इलाममा शान्तिपूर्ण ढंगले सम्पन्न भएको छ । यस निर्वाचनमा जिल्लामा ५७ प्रतिशत मत खसेको छ ।
कैलाली १ मा ५० दशमलव ५५ प्रतिशत मत खस्यो
कैलाली क्षेत्र नम्बर १ मा ५० दशमलव ५५ प्रतिशत मत खसेको छ । निर्वाचन अधिकृत देवराज भारतीका अनुसार यस क्षेत्रमा ५४ हजार ८४४ मत खसेको हो ।
धादिङमा ७१ कैदीबन्दीद्वारा मतदान
कारागार कार्यालय धादिङमा ७१ जना कैदीबन्दीले मतदान गरेका छन् । कारागार कार्यालय धादिङ अस्थायी मतदान केन्द्रका मतदान अधिकृत टेकप्रसाद कँडुवालका अनुसार २६४ कैदीबन्दीमध्ये ७१ जना कैदीबन्दीले मतदान गरेका हुन् ।
-original-thumb.jpg)
सल्यानमा ३७ प्रतिशत बढी मतदान, सबैभन्दा बढी सिद्धकुमाखमा
सल्यानमा हालसम्म ३७ प्रतिशत बढी मतदान भएको छ ।
-original-thumb.jpg)
ताप्लेजुङमा ४७ प्रतिशत मत खस्यो
ताप्लेजुङमा बिहीबार दिउँसो ३ः३० बजेसम्ममा ४७ प्रतिशत मत खसेको हो ।
दाङमा एक लाख ९६ हजार ३ मत खस्यो
प्रतिनिधिसभा सदस्य निर्वाचन अन्तर्गत दाङ जिल्लामा करिब दुई लाख मत खसेको छ ।
किरिया बसेका दिपेन्द्र रानाले गर्नुभयो मतदान
प्रतिनिधि सभा सदस्यको लागि बागलुङको काठेखोला गाउँपालिका–३, धम्जा निवासी किरियापुत्री दिपेन्द्र रानाले मतदान गर्नुभएको छ ।
बर्दियामा ४३ प्रतिशत मत खस्यो, मतदान जारी
प्रतिनिधिसभा निर्वाचनको क्रममा बर्दियामा २ बजेसम्म ४३ प्रतिशत मतदान भएको छ । दिउँसो २ बजेसम्म कुल मतदातामध्ये बर्दियामा ४३ प्रतिशत मतदान भएको प्रमुख जिल्ला अधिकारी गोगनबहादुर हमालले बताउनुभयो ।
कैलालीमा ३२ प्रतिशत मत खस्यो
कैलालीमा मतदान सुरु भएको ६ घण्टामा एक लाख ७५ हजार ७३५ मत खसेको छ । जिल्ला प्रशासन कार्यालयका अनुसार दिउँसो १ बजेसम्म सो सङ्ख्यामा मत खसेको हो ।
कावा प्रमुख डङ्गोलले गर्नुभयो मतदान
काठमाडौँ महानगरपालिकाकी कार्यबाहक मेयर (कावा प्रमुख) सुनिता डङ्गोलले फसिगा मतदान केन्द्रमा पुगेर मतदान गर्नुभएको छ । डंगोलले काठमाडौं महानगरपालिकास्थित वडा नम्बर २१ को फसिगा लगनटोल मतदान केन्द्रमा विहान ९ बजे मतदान गर्नुभएको हो ।
भोजपुर जिल्ला कारागारमा मतदान
जिल्ला कारागार भोजपुरमा शतप्रतिशत मतदान भएको छ । ४६ जना मतदाता रहेको कारागारमा ४६ जनाले नै मतदान गरेका छन् । जिल्ला निर्वाचन कार्यालय भोजपुरका प्रमुख डिकेन्द्र सुवेदीका अनुसार मतदान शान्तिपूर्ण रुपमा सम्पन्न भएको छ ।
बागमती प्रदेशका प्रमुख देवकोटाले गृहनगर धनगढीमा गर्नुभयो मतदान
बागमती प्रदेशका प्रमुख दीपकप्रसाद देवकोटाले आज बिहान मतदान गर्नुभएको छ । धनगढी उपमहानगरपालिका वडा नं. ४ स्थित तुलसीराम मावि उत्तरबेहडी धनगढीमा गएर उहाँले मताधिकारको प्रयोग गर्नुभएको हो ।
कास्कीमा अहिलेसम्म २० प्रतिशत मत खस्यो
तीन निर्वाचन क्षेत्र रहेको कास्कीमा बिहीबार बिहान ११ बजेसम्म करिब २० प्रतिशत मत खसेको छ । जिल्लामा महिला २९ हजार छसय ६१, पुरुष ३१ हजार दुईसय ६९ र अन्य १ गरी ६० हजार नौसय ३१ मत खसेको प्रदेश निर्वाचन कार्यालय पोखराका सूचना अधिकारी रुद्र न्यौपानेले जानकारी दिनुभयो ।
जिल्ला कारागार भरतपुर मतदान केन्द्रमा सत् प्रतिशत मत खस्यो
जिल्ला कारागार भरतपुर मतदान केन्द्रमा सत् प्रतिशत मत खसेको छ । ११४ जना कैदीबन्दी र २ जना कर्मचारी गरेर ११६ जनाले मतदान गरेको कारागार प्रमुख रविन्द्र ढुङ्गनाले जानकारी दिनुभयो । यहाँ समानुपातिकमा मात्रै मत खसेको हो । सत् प्रतिशत मत खसेसगै यहाँको मतदान सकिएको छ ।
पूर्वप्रधानमन्त्री खनालद्वारा मतदान
पूर्वप्रधानमन्त्री झलनाथ खनालले इलामबाट मतदान गर्नुभएको छ । खनालले इलाम निर्वाचन क्षेत्र नं. १ को रम्फोक आधारभूत विद्यालयको केन्द्र क बाट मतदान गर्नुभयो ।
कञ्चनपुरमा मतदान सुरु
कञ्चनपुरमा शान्तिपूर्ण ढंगले मतदान सुरु भएको छ । जिल्ला निर्वाचन कार्यालय कञ्चनपुरका अनुसार, जिल्ला स्थित तीन वटै निर्वाचन क्षेत्रका ३६० मतदानकेन्द्रमा शान्तिपूर्ण ढंगले प्रतिनिधि सभा सदस्य निर्वाचनको मतदान कार्य भइरहेको छ । जिल्ला निर्वाचन कार्यालयका प्रमुख हरिषचन्द्र जोशीले सबै निर्वाचन क्षेत्रमा शान्तिपूर्ण ढंगले मतदान सूरु भएकोे बताउनुभयो ।
सप्तरीको २९८ मतदान स्थलमा मतदान सुरु
सप्तरीमा स्थायी २९६, अस्थायी २ गरी २९८ मतदान स्थलमा बिहीबार बिहान ७ बजे देखि मतदान सुरु भएको छ । प्रतिनिधिसभा सदस्य निर्वाचनका लागि २९६ स्थायी, २ अस्थायी गरी २९८ मतदानस्थको ५६२ मतदान केन्द्रमा मतदान सुरु भएको हो ।
