अभिभावकको निगरानी नभएका बालबालिका जोखिममा
अभिभावकको निगरानी नहुँदा बालबालिका बिग्रिने गरेका छन् । छोराछोरी पढाउने भनेर बाबुआमा बिदेसिने घरमा अधिकांश बालबालिका पढ्दै नपढ्ने भएका छन् । केही अभिभावक कामका लागि भारत जाँदा बालबालिका पनि लैजाने र फेरि ल्याएर पढाउन खोज्दा उमेर धेरै भएर तथा पढाइमा ध्यान नदिएको अभिभावकले गुनासो गरेका छन् ।
तीन नदीमा अन्डा दिँदै दुर्लभ घडियाल
संरक्षण क्षेत्रबाहिर रहेको कैलालीको तीन वटा नदीमा दुर्लभ घडियालले अन्डा दिइरहेको स्थानीय संरक्षणकर्मीले बताउनुभएको छ । मोहना, पथरैया र कर्णाली नदीमा यस वर्ष पनि घडियाल गोहीले गुँड बनाएर अन्डा दिइरहेका उहाँहरूले बताउनुभएको छ । चैत–वैशाखमा घडियाल गोहीको अन्डा दिने सिजन मानिन्छ । यो सिजनमा यी नदीमा कम्तीमा पनि १५/१६ वटा पोथी घडियाल देखा परिरहेको जनाउँदै डल्फिन संरक्षणकर्मी भोजराज ढुङ्गानाले धेरै जसोले अन्डा दिइसकेको र कतिपयले अझै पनि गुँड परीक्षण गरिरहेको फेला परेको बताउनुभयो ।
बाइस हजारभन्दा बढी घरधुरीमा बल्यो बिजुली
दार्चुलाको ग्रामीण क्षेत्रमा धमाधम विद्युतीकरण भइरहेको छ । नेपाल विद्युत् प्राधिकरणले दार्चुला–डोल्पा ग्रामीण विद्युतीकरण आयोजनामार्फत यहाँका नौ वटै स्थानीय तहमा विद्युतीकरणको काम भइरहेको हो ।
महिनावारी स्वास्थ्य तथा न्यायसम्बन्धी रणनीति तयार
कर्णाली प्रदेश सरकारले महिनावारी स्वास्थ्य तथा न्यायसम्बन्धी रणनीति तयार गरेको छ । महिला तथा किशोरीहरू महिनावारी हुँदा उनीहरूको स्वास्थ्य र पाउने न्यायलाई केन्द्रित गरी सामाजिक विकास मन्त्रालयले महिनावारी स्वास्थ्य तथा न्यायसम्बन्धी मार्गदर्शन २०८२ तयार गरेको हो । यो रणनीति अगामी आर्थिक वर्षदेखि लागु हुने बताइएको छ ।
घट्न थाल्यो नदीमा पानी
जुम्लाको हिमा गाउँपालिका–१, बड्कीगाउँको कालिका माध्यमिक विद्यालयका शिक्षक दीपबहादुर शाहीलाई हिमा नदीको पानी घट्न थालेकोमा चिन्ता बढेको छ । उहाँलाई सिँजा दरामा बग्ने उक्त हिमा नदी घटेका कारण अहिले सिँचाइ पनि प्रभावित हुने डर बढेको छ ।
अदालतको न्यायिक संवाद कार्यक्रम
जिल्ला अदालत र उच्च अदालत सुर्खेत (जुम्ला इजलास) ले यहाँको सिँजा गाउँपालिकाको सिँजामा न्यायिक संवाद तथा न्यायिक बाह्य पहुँच कार्यक्रम सम्पन्न गरेको छ । कार्यक्रममा पछिल्लो समयमा स्थानीय तहमा न्यायिक समितिले हेर्न सक्ने मुद्दा तथा मेलमिलाप गर्न मिल्ने विषयबारे जानकारी दिइनुका साथै कुन मुद्दा स्थानीय तहमा समाधान गर्न सकिन्छ र कुन मुद्दा औपचारिक कानुनी निकायमा पठाउनुपर्ने हुन्छ भन्ने विषयमासमेत स्पष्ट पारिएको छ ।
राम्दीमा नयाँ पुल अन्तिम चरणमा
गण्डकी र लुम्बिनी प्रदेश जोड्ने राम्दी पुल निर्माणको अन्तिम चरणमा पुगेको छ । सिद्धार्थ राजमार्ग अन्तर्गत स्याङ्जा र पाल्पाको सिमाना राम्दीमा निर्माण भइरहेको कालीगण्डकी पुलको निर्माणको काम सकिनै लागेको हो ।
आएनन् प्रमुख प्रशासकीय अधिकृत
नयाँ सरकार गठन भएपछि सर्लाहीका विभिन्न पालिकामा सरुवा गरेर पठाइएका प्रमुख प्रशासकीय अधिकृत अझै हाजिर हुन आएका छैनन् । सङ्घीय मामिला तथा सा
घरबासले बढायो बेलढुङ्गामा पर्यटक
बिहानै सूर्योदयसंगै देखिने हिमालहरू चाँदी झैँ टल्किन्छन् । त्यही मोहित सूर्योदयसंगै दर्जन बढी हिमाल हेर्न अहिले पर्यटक बेलढुङ्गामा पुग्ने गरेका छन् । रुकुमको पुथा हिमालदेखि रसुवाको लाङटाङसम्मको हिमाल हेर्न पर्यटक बेलढुङ्गा पुग्ने गरेका छन् । प्राकृतिक भ्युटावरका रूपमा चिनिएको बागलुङ र म्याग्दीको सिमानामा रहेको बेलढुङ्गामा पर्यटक पु¥याउन पर्यटकीय पूर्वाधार र घरबासले सघाएको देखिन्छ । एक दशकअघिसम्म भिरमा घाँस काट्नेले मात्रै देखेको बेलढुङ्गा अहिले पर्यटकीय गन्तव्यका रूपमा स्थापित भइसकेको छ ।
तातोपानी कुण्डमा स्नान गर्नेको भिड
म्याग्दीको बेनी नगरपालिका अन्तर्गत सिङ्गा तातोपानीस्थित तातोपानी कुण्डमा बिरामी र बिरामीका आफन्तको भिड लाग्ने गरेको छ । स्वदेश तथा विदेशका ठुला अस्पतालमा प्याथोलोजी र आयुर्वेदिक उपचार पद्धतिबाट समेत रोग निको नभएपछि आजित भएका बिरामीलगायत पर्यटक प्राकृतिक चिकित्सालय तातोपानी कुण्डमा दैनिक स्नान गर्न आउने गरेका छन् ।
‘गुनासोपेटिका’ प्रयोगविहीन
सरकारी कार्यालयमा सेवाग्राहीका गुनासा, सुझाव तथा उजुरी सङ्कलन गर्न राखिएका ‘गुनासोपेटिका’ पछिल्लो समय प्रयोगविहीन बन्दै गएका छन् । सङ्घ, प्रदेश तथा स्थानीय तहका अधिकांश कार्याल
‘कसैसँग छैन आशा गर्छन् सडकमै सङ्घर्ष’
वैशाखको चर्को घामले जमिन तातेको छ । शीतल दिने छहारी छैन । छाता ओढेर ग्राहकको प्रतीक्षामा हुनुहुन्छ, ढाटीमाया दर्जी, सुकुमाया थिङ र फूलमाया वाइबा ।
शिक्षा क्षेत्रका विकृतिविरुद्ध आवाज उठाउने योजना
झापाकी युवा नेतृ नीता घतानी नेपाल कम्युनिस्ट पार्टी (एमाले) बाट समानुपातिक सूचीबाट निर्वाचित प्रतिनिधि सभा सदस्य उम्मेदवार बन्नुभएको छ । पछिल्लो समय राजनीतिमा युवाको भूमिका
अन्योलमा अभिभावक र विद्यार्थी : पठनपाठनबारे सरकारपिच्छे निर्णय
नयाँ शैक्षिक सत्रको भर्ना र पठनपाठनको विषयमा गुल्मीका स्थानीय सरकारपिच्छे फरक फरक निर्णय सार्वजनिक भएका छन् । सङ्घीय सरकारले वैशाख १५ गतेबाट भर्ना र २१ गतेबाट नियमित कक्षा सञ्चालनको निर्णय गरेको छ । हप्तामा एक दिन बिदा आइतबार थप गरेको छ तर जिल्लाका स्थानीय सरकारले कतै सङ्घीय सरकारकै निर्णय कार्यान्वयन गरेका छन् भने कसैले स्थानीय सरकारको अधिकार भनेर भर्ना अभियान, कक्षा सञ्चालन र आइतबार बिदा नदिने निर्णय गरेर विद्यालयलाई निर्देशन दिएका छन् । जसले विद्यार्थी र अभिभावक अन्योलमा छन् ।
इन्धनको भाउ बढेपछि हलगोरुले खेती
इनरुवा नगरपालिका–९, बबियाका किसानले इन्धनको भाउ बढेपछि हलगोरुले खेती गर्न सुरु गरेका छन् । दशकअघिदेखि हलगोरु पाल्ने किसान घट्दै गएकोमा पच्छिलो समय डिजेलको मूल्य बढेर
गढवा–कालाकाँटे हुलाकी सडक : ठेकेदार फेरिएपछि काम सुरु
निर्माण व्यवसायीको लापर्बाहीका कारण लामो समयसम्म अलपत्र परेको दाङको गढवा–कालाकाँटे हुलाकी सडक निर्माणको आधा काम सकिएको छ । गढवा–कालाकाँटे हुलाकी सडक अन्तर्गत गढवा बजारदेखि वनघुर्सीसम्मको करिब २० किलोमिटर सडक निर्माणको आधा काम सकिएको हो ।
शान्ति उद्यानभित्रको धूप घडी
तुलसीपुर उपमहानगरपालिका अन्तर्गत रहेको शान्ति उद्यानभित्र भीमकाय गौतम बुद्धको मूर्ति छ । तत्कालीन नेकपा माओवादीको युद्ध उद्गमस्थल मानिएको राप्ती अञ्चलमा शान्तिको कामना गर्दै स्थापना गरिएको शान्ति उद्यानले शान्तिको सन्देश मात्रै छरेको छैन । हाम्रा पुरानो पुस्ताले समय हेर्नका लागि बनाएको धूपघडीसमेत संरक्षण गरिरहेको छ ।
घर घरमा राहदानी पु-याउन हुलाकमा स्रोतसाधनको अभाव
घरमै हुलाकमार्फत राहदानी, राष्ट्रिय परिचयपत्रलगायतका कागजात पठाउने भनिए पनि अहिले राहदानी पठाउने कार्य हेटौँडा उपमहानगर क्षेत्रभित्र मात्र सीमित बनेको छ । जिल्ला प्रशासन कार्यालय म
‘आमाको माया’ सार्वजनिक
लेखक शोभा अधिकारीको लघुकथा कृति ‘आमाको माया’ सार्वजनिक भएको छ । लघुकथा समाज नेपालद्वारा शनिबार राजधानीमा आयोजित कार्यक्रममा वरिष्ठ नाट्यकर्मी अशेष मल्ल, स्रष्टा समाजका अध्यक्ष श्रीओम श्रेष्ठ ‘रोदन’, साहित्यकार पुरुषोत्तम दाहाल, समाजका अध्यक्ष तुलसीहरि कोइरालालगायतले संयुक्त रूपमा सार्वजनिक गर्नुभएको हो ।
ताल्चा विमानस्थलमा सातामै चार दिन सेवा
नियमित सेवा दिन नसकेका कारण मुगुवासीले बारम्बार गुनासो गरिरहने नेपाल वायुसेवा निगमको सेवा अहिले नियमित हुन थालेको छ । पछिल्लो समय निगमले सातामै चार दिन उडान सेवा दिन थालेको छ । नेपाल एयरलाइन्स रारा ताल्चा विमानस्थलका स्टेसन इन्चार्ज नवीनकुमार विष्टका अनुसार गत फागुनको अन्तिम साताबाट नेपालगन्जबाट हप्ताको चार पटक आइतबार, मङ्गलबार, बिहीबार र शुक्रबार उडानको व्यवस्था मिलाइएको छ । साथै बिहीबार प्रदेश राजधानी सुर्खेतबाट पनि ताल्चा विमानस्थलसम्म उडान गरिएको उहाँले जानकारी दिनुभयो ।
कर्णालीको बालुवामा प्याज खेती
मरुभूमि जस्तै रहेको कर्णाली नदी बगरको बालुवामा स्थानीय किसानले प्याज खेती गरेर आम्दानी गर्न थालेका छन् । कैलालीको टीकापुर नगरपालिका–८, फाँटागाउँका ६० घरपरिवारले कर्णाली नदीको बालुवामा प्याज खेती गरेर फाइदा लिन थालेका हुन् । बाँझो रहेको बगरमा उनीहरूले केही वर्षयता प्याज खेती गरेर कमाइ गरिरहेका छन् ।
बक्यौता नपाएपछि उजुरी
पश्चिम नवलपरासीको प्रतापपुर गाउँपालिकामा सञ्चालित इन्दिरा सुगर मिल्स एन्ड इन्डस्ट्रिजले किसानको करोडौँ रुपियाँ बक्यौता भुक्तानी नगरेको भन्दै कारबाहीका लागि गृहमन्त्रालयमा उजुरी परेको छ ।
बोर्ड अध्यक्ष श्रेष्ठको राजीनामा
कार्यभार समालेको १७ महिनामै नेपाल धितोपत्र बोर्डका अध्यक्ष सन्तोषनारायण श्रेष्ठले राजीनामा दिनुभएको छ । शुक्रबार बोर्ड सञ्चालक समितिको बैठकमा उहाँले राजीनामा घोषणा गर्नुभएको हो । त्यसपश्चात् उहाँले अर्थ मन्त्रालयमा पुगेर अर्थमन्त्री डा. स्वर्णिम वाग्लेलाई राजीनामापत्र बुझाउनुभएको थियो ।
‘जिटुजी’ मार्फत खरिद हुँदै रासायनिक मल
सरकारले छिमेकी मुलुक भारतसँग जिटुजी (सरकार–सरकार) मार्फत डेढ लाख मेट्रिक टन रासायनिक मल खरिद गर्न लागेको छ । पश्चिम एसियाली मुलुकमा जारी युद्धका कारण मल आपूर्तिमा असहज भएपछि जिटुजीमार्फत मल खरिद गर्न लागिएको हो । कृषि तथा पशुपन्छी विकास मन्त्रालयले रासायनिक मलको आपूर्ति व्यवस्था सहज बनाउन परराष्ट्र मन्त्रालमार्फत भारतलाई पत्राचार गरेको जनाएको छ ।
नल, पराल जलाउँदा बिग्रँदै माटो
कैलालीका किसान गहुँको नल, धानको पराल र बाली चुट्दाको भुस बारीमै जलाउन थालेका छन् । सिजन अनुसार किसानले बारीमा बाली उठाइसकेपछि पराल, नल, र भुस बाल्ने गरेका छन् ।
