बेवारिसे शव फेला
बैतडीको खोड्पे बजारनजिक बेवारिसे अवस्थामा शव फेला परेको छ । बिहीबार बिहान जिल्लाको पाटन नगरपालिका ८ स्थित आरुबाटा भीरमा बेवारिसे अवस्थामा अन्दाजी ४० वर्षीय पुरुषको शव फेला परेको हो ।
अनुदानमा सर्वसाधारणको पहुँच पुग्नुपर्ने
परराष्ट्रमन्त्री आरजु राणाले प्रदेश सरकारले दिने हरेक अनुदानमा सर्वसाधारणको पहुँच पुग्ने गरी काम गर्न निर्देशन दिनुभएको छ ।
महिला सामुदायिक वन पुरुषले चलाउँदै
कैलालीमा महिलाले नेतृत्वसहित संरक्षण, व्यवस्थापन गर्ने गरी दर्ता भएका कतिपय महिला सामुदायिक वनलाई पुरुषले चलाइरहेका छन् ।
पुलको भारवहन क्षमता कमी हुँदा आलोपालो
बाजुराको साँफे–मार्तडी राजमार्ग अन्तर्गत पर्ने गुइगाडखोलामा निर्माण गरिएको पक्की पुलमा गाडीलाई एक वर्षमै आलोपालो गर्नु परेको छ ।
दुर्घटनामा एकको मृत्यु, दुई घाइते
पाल्पाको दुई स्थानमा भएको सवारी दुर्घटनामा परेर एक जनाको मृत्यु भएको छ । दुई जना घाइते भएका छन् । मृत्यु हुनेमा रामपुर –१, बर्दाकोटका १५ वर्षीय किशोर नारायण सारुको मृत्यु भएको छ ।
अखिल नेपाल महिला सङ्घको अध्यक्षमा थापामगर
नेकपा (एमाले) निकट अखिल नेपाल महिला सङ्घ धनगढी नगर कमिटीको अध्यक्षमा ल्याट्री थापामगर सर्वसम्मत चयन हुनुभएको छ ।
शिक्षाविद् डा. हेमराज पन्तलाई नागरिक अभिनन्दन
शिक्षाविद् डा. हेमराज पन्तलाई धनगढीमा बुधबार नागरिक अभिनन्दन गरिएको छ । सुदूरपश्चिम प्रदेशको शैक्षिक विकासमा पुर्याएको योगदानको कदर गर्दै धनगढी नगरवासीको तर्फबाट रथारोहणसहित धनगढी उपमहानगरपालिकाले नागरिक अभिनन्दन गरेको हो ।
विद्यालय जाँदै गर्दा भीरबाट लडेर छात्रा गम्भीर घाइते
नगरपालिकामै हिँड्ने बाटो नहुँदा विद्यालय जाँदै गरेकी एक छात्रा भीरबाट लडेर गम्भीर घाइते भएकी छन् । पाटन नगरपालिका– २, भुलकट्टे गाउँका १६ वर्षीया छात्रा सावित्री पाण्डेय विद्यालय जाँदै गर्दा लडेर गम्भीर घाइते हुनुभएको हो ।
भीम थापाले पाए नागरिकता
बैतडी, माघ ३० गते । बाल्यकालमै सडकमा छुटेका मजदुरका छोरा भीमबहादुर थापाले नेपाली नागरिकता प्राप्त गर्नुभएको छ । ‘सतचालिस वर्षदेखि आफन्त खोज्दै भीमबहादुर’ शीर्षकमा थापाका विषयमा २०८० फागुन २४ गतेको गोरखापत्रमा समाचार प्रकाशित भएको थियो । समाचार प्रकाशित हुनेबित्तिकै तत्कालीन प्रमुख जिल्ला अधिकारी भीमकान्त शर्माले थापालाई बोलाएर आफन्तका बारेका सोधखोज गर्नुभएको थियो । लामो सयसम्म मातृत्व र पितृत्वको ठेगाना पत्ता लाग्न नसकेपछि थापालाई मङ्गलबार जिल्ला प्रशासन कार्यालयले नेपाल नागरिकता ऐन २०६३ अनुसार मातृत्व र पितृत्वको ठेगाना नभएको उल्लेख गर्दै वंशजका आधारमा नागरिकता दिएको हो । नागरिकता नहुँदा स्वास्थ्य बिमा लगायतका सेवा सुविधाबाट वञ्चित थापाले नागरिकता पाएपछि आमा बुवा पाए जस्तै लागेको बताउनुभयो । उहाँले,मजदुरको पीडा पनि सरकारले सुनेको बताउनुभयो । आफन्त नमिले पनि नागरिकता मिलेकोमा भने खुसी लागेको उहाँको भनाइ छ । दशरथ चन्द नगरपालिका–४, कठपतेका स्थानीय नारद पाण्डेयको संरक्षण रहने गरि थापालाई नेपाली नागरिकताको प्रमाण पत्र दिएको जिल्ला प्रशासन कार्यालय बैतडीका प्रशासकीय अधिकृत पवनकुमार शाहीले बताउनुभयो । उहाँले भन्नुभयो, “ भीम थापाले पाँच-छ महिना अधि नै नागरिकताका लागि निवेदन दिनुभएको रहेछ । उहाँको बारेमा सबै कुरा बुझेर नेपाल नागरिकता ऐन २०६३ अनुसार नागरिकता दिएका हौँ । नेपाल सरहद भित्र जन्मेर आमा, बुवा र पितृत्वको ठेगाना नभएकाले पनि नेपाली नागरिकता पाउने व्यवस्था अनुसार वडाको सिफारिसमा थापालाई नागरिकता दिएका हौँ ।”२०३३ सालमा सडक खन्न दाङबाट मजदुरका रूपमा बैतडी कठपते आएका आफन्तसँग सडकमै विछोड भएको भीमबहादुर थापाले बताउनुभयो । दाङ जिल्ला घर बताउनुहुने भीमबहादुर थापा बाल्यकालमै सडकमा छुटेकाले आमा बुवाको नाम ठेगाना थाहा नभएको बताउनुभयो । नागरिकता प्रमाण पत्र देखाउँदै भीम थापाले आफन्तले छाडेर गएको सडक किनारकै स्थानीयको घरमा ४८ वर्षदेखि आश्रय लिएर बसिरहेको बताउनुभयो । आमा बुवासँग विछोड हुँदाको पीडा सुनाउँदै उहाँले भन्नुभयो,“ आमाको अनुहार थाहा छैन । सायद म सानै छँदा बित्नुभयो कि ? बुवासहितका नातेदारसँग बैतडी पुगेको याद छ । सडक खन्ने काम सकेर आफन्त फर्केको भन्छन् । मलाई किन यतै छाडेर जानुभयो ? केही थाहा छैन । ”
अनाई पुल निर्माण अन्तिम चरणमा
मार्तडी–कोल्टी सडकखण्डमा पर्ने अनाईखोलामा पक्की पुल निर्माण अन्तिम चरणमा पुगेको छ । बडीमालिका नगरपालिका–७ र ९ को बिचमा रहेको सो पक्की पुलको निर्माण अन्तिम चरणमा पुगेको हो ।
पन्ध्र वर्षपछि सुधराम घर फिर्ता
सूर्य अस्ताउनै लागेको थियो, टीकापुर नगरपालिका–२, विजयनगरस्थित सिमेन्टको ब्लक, टिनले छाएको घरको आँगनमा एउटा गाडी रोकियो । गाडीबाट एक वृद्ध झरे । १५ वर्षअघि हराएको व्यक्ति आफ्नो घर फर्किंदाको दृश्य हो यो ।
विद्यार्थीले अनिवार्य पढ्नैपर्ने
अछामको विकट क्षेत्र मानिने रामारोशन गाउँपालिकाका विद्यालयको शिक्षामा सुधार ल्याउन विशेष अभियान थालनी गरिएको छ ।
एनजिओको खर्च खोजिने
गैरसरकारी संस्था (एनजिओ) हरूले विदेशबाट रकम ल्याएर नेपालमा गरिरहेको खर्च र तत्पश्चात भएका उपलब्धिको गृह मन्त्रालयले खोजबिन सुरु गरेको छ ।
नागरिकको पहुँच पुग्नेगरी काम गर्न मन्त्री राणाको निर्देशन
परराष्ट्रमन्त्री आरजु राणा देउवाले प्रदेश सरकारले दिने हरेक अनुदानमा सर्वसाधारणको पहुँच पुग्नेगरी काम गर्न सुदूरपश्चिम प्रदेश सरकारका मन्त्री, मुख्यसचिव, सचिव लगायतलाई निर्देशन दिनुभएको छ ।
रुखबाट लडेर एकको मृत्यु
अछाममा रुखबाट लडेर एक जनाको मृत्यु भएको छ । जिल्लाको साँफेबगर नगरपालिका वडा १३ बाब्लाका ६५ वर्षीय निखिरा नेपालीको मृत्यु भएको अछामका प्रहरी प्रमुख डिएसपी ईश्वरी भण्डारीले जानकारी दिनुभयो ।
-original-thumb.jpg)
गरिब विद्यार्थीको अभिभावक बन्दै उपप्रमुख
कृषि प्राविधिक विषय पढेर उत्तीर्ण भएकी निशा दमाईले ६० हजार शुल्क तिर्न नसक्दा रोकिएको सर्टिफिकेट चार वर्षपछि प्राप्त गर्नुभयो । निशाले विद्यालयमा तिर्नुपर्ने शुल्क दशरथचन्द नगरपालिकाका उपप्रमुख कौशीला चन्दले तिरिदिएपछि सर्टिफिकेट हात पार्नुभएको हो ।
सीमान्तकृत समुदायका लागि सुरक्षित आवास निर्माण
कैलालीको घोडाघोडी नगरपालिकाका विपन्न, सीमान्तकृत समुदायलाई सरकारले सुरक्षित आवास निर्माण गरिदिएपछि उनीहरुमा खुशी छाएको छ ।
चितुवाको छालासहित एक पक्राउ
कैलाली प्रहरीले चितुवाको छालासहित एक व्यक्तिलाई पक्राउ गरेको छ ।
‘आमा म आउँदैछु’ कविता सङ्ग्रहको विमोचन
पत्रकार दीर्घराज उपाध्यायको ‘आमा म आउँदैछु’ कविता सङ्ग्रहको आज धनगढीमा विमोचन गरिएको छ ।
महिलालाई सीप सिकाउँदै स्थानीय तह
जिल्लाका स्थानीय तहहरुले महिलालाई सीप सिकाउन थालेका छन् । यहाँको अमरगढी नगरपालिका–५ अमरगढीका महिलाहरुलाई ‘ब्यूटिसियन’ तालिम सञ्चालन गरेको छ ।
विपन्न समुदायका लागि सुरक्षित आवास निर्माण
घोडाघोडी नगरपालिकामा विपन्न परिवारका लागि सुरक्षित आवास निर्माण गरेर सीमान्तकृत समुदायलाई हस्तान्तरण गरिएका छन् । घोडाघोडीको वडा नं ४ सिम्थरीमा छ र वडा नं ९ गोदनीमा छवटा आवास निर्माण गरिएका हुन् ।
जाखोर तालमा चरा अवलोकन
सुदूरपश्चिम प्रदेशको अस्थायी राजधानी धनगढीको काखमा रहेको जाखोर ताल यतिखेर चरा अवलोकनका लागि महत्वपूर्ण गन्तव्य बनेको छ ।
शिक्षा ऐन चाँडै बन्छ : गृहमन्त्री लेखक
गृहमन्त्री रमेश लेखकले संसदमा विचाराधीन अवस्थामा रहेको शिक्षा ऐन चाँडै बन्ने बताउनुभएको छ । निजी तथा आवासीय विद्यालय अर्गनाइजेसन (प्याब्सन) सुदूरपश्चिम समितिको चौथो अधिवेसनको सोमबार धनगढीमा उद्घाटन गर्नुहुँदै उहाँले यस्तो बताउनुभएको हो ।
परराष्ट्रमन्त्री आरजु राणाद्वारा विपी स्मृती भवनको उद्घाटन
परराष्ट्रमन्त्री आरजु राणा देउवाले प्रथम जननिर्वाचित प्रधानमन्त्री विपी कोइराला र मङ्गला देवी सिंहको सालिक अनावरण तथा नवनिर्मित विपिस्मृति भवनको उद्घाटन गर्नुभएको छ ।
शिक्षा क्षेत्रमा योगदान पुर्याउने पाँच सम्मानित
शिक्षा क्षेत्रमा योगदान पु¥याउने पाँच जना व्यक्तित्वलाई निजी तथा आवासीय विद्यालय अर्गनाइजेसन (प्याब्सन) सुदूरपश्चिम समितिले सम्मान गरेको छ ।
