• गोरखापत्र अनलाइन
• १ पुस २०८०, आइतबार

डा. केसीको सत्याग्रहप्रति आपत्ति

सरकारले गरेको निर्णयभन्दा फरक माग राखेर सत्याग्रह आन्दोलन थालेपछि प्राध्यापक डा. गोविन्दराज केसी सुदूरपश्चिम प्रदेशमा आलोचित हुनुभएको छ । प्रस्तावित गेटा मेडिकल कलेजलाई स्वास्थ्य विज्ञान प्रतिष्ठानका रूपमा सञ्चालन गर्नुपर्ने माग राखेर तीनदिने अनशन थालेपछि उहाँको आलोचना भएको हो । सुदूरपश्चिम प्रदेशमा मेडिकल कलेज वा विश्वविद्यालयको माग गर्दै लामो समयदेखि आन्दोलनरत प्रदेशवासीले डा. केसीको मागप्रति आपत्ति र आक्रोश पोखेका छन् ।