लागूऔषध गाँजासहित एक पक्राउ
तनहुँ प्रहरीले लागूऔषध गाँजासहित एक युवकलाई पक्राउ गरेको छ । पक्राउ पर्नेमा कास्कीको पोखरा महानगरपालिका–३२ बस्ने २३ वर्षका अमन भुजेल रहेका छन् ।
मदाने गाउँपालिकामा कांग्रेसका महेन्द्रबहादुर कुँवर विजयी
तिलाचन पाण्डेतम्घास, जेठ २ गते । जिल्लाको मदाने गाउँपालिकामा कांग्रेस–माओवादी गठबन्धनबाट कांग्रेसका महेन्द्रबहादुर कुँवर विजयी हुनुभएको छ । उहाँले ४ हजार ७०७ मत प्राप्त गरेर विजयी हुनुभएको हो । उहाँका प्रतिद्वन्दी नेकपा एमालेका प्रेम केशीले ४ हजार २११ मत ल्याउनुभएको हो ।यस्तै, उपाध्यक्षमा नेकपा एमालेकी सरिता खड्का विजयी हुनुभएको छ । उहाँले ४ हजार ५६७ मत ल्याएर विजयी हुनुभएको हो । उहाँका प्रतिद्वन्द्वी गठबन्धनबाट माओवादी केन्द्रका बेगमबहादुर चन्दले ४ हजार २११ मत ल्याउनुभएको हो । उपाध्यक्ष सरिता खड्का यस अगाडी पनि उपाध्यक्ष नै हुनुहुन्थ्यो ।
काभ्रेका २० वडामा काँग्रेसका उम्मेदवार विजयी
स्थानीय तह निर्वाचनअन्तर्गत जिल्लाका १२ वटा स्थानीय तहमा मतगणना कार्य भइरहेको छ । सोमबार मध्याह्न साढे १२ बजेसम्म जिल्लाको १२ वटा स्थानीय तहका ४४ वटा वडाको नतिजा सार्वजनिक भएको छ ।
तनहुँको भानु–१३ मा वडाध्यक्षमा बागी उम्मेदवार अधिकारी विजयी
तनहुँको भानु नगरपालिका–१३ को वडाध्यक्षमा नेपाली कांग्रेसका बागी उम्मेदवार कृष्णबहादुर अधिकारी विजयी हुनुभएको छ ।
म्याग्दीको मंगलामा एमालेका उम्मेदवार विजयी
अमृतप्रसाद पौडेलम्याग्दी, जेठ २ गते । स्थानीय तह निर्वाचन–२०७९ अन्तर्गत सोमबार बिहान सम्पन्न मतगणनाको घोषित अन्तिम मत परिणामअनुसार पश्चिम म्याग्दीको मंगला गाउँपालिकामा नेकपा (एमाले) विजयी भएको छ । यसअघि आइतबार घोषणा भएको परिणामअनुसार मालिका गाउँपालिकामा पनि एमालेले अध्यक्ष उपाध्यक्ष जितेको थियो ।मंगला गाउँपालिकाको अध्यक्षमा एमाले उम्मेदवार सतप्रसाद रोकाले ३ हजार ९ सय ६८ मत ल्याएर बिजयी हुँदै गर्दा उहाँका निकटतम प्रतिस्पर्धी नेपाली कांग्रेसका वीरेन्द्र बुढाथोकीले २ हजार ८ सय ५ मत पाउनुभएको छ । अध्यक्षका अर्का प्रतिस्पर्धी नेकपा माओवादी केन्द्रका टेकबहादुर विकले १ हजार ५ सय २१ मत पाउनुभयो । अध्यक्षमा निर्वाचित एमाले उम्मेदवार रोका मंगला गाउँपालिकाको दोस्रो कार्यकालका लागि बिजयी हुनुभएको हो । त्यस्तै उपाध्यक्षमा पनि नेकपा एमालेकै उम्मेदवार प्रेमकुमारी क्षत्रीले ४ हजार २ सय ६१ मतसहित विजयी हुनुभएको मंगला गाउँपालिका निर्वाचन कार्यालयका सहायक निर्वाचन अधिकृत मनोहर ढुङ्गानाले बताउनुभयो । उपाध्यक्षमा विजयी क्षत्रीका निकटतम प्रतिस्पर्धी नेपाली कांग्रेसकी शर्मिला थापाले २ हजार ५ सय ९५ र माओवादी केन्द्रकी सुकमाया रोकाले १ हजार ३ सय ७३ मत पाएको सहायक निर्वाचन अधिकृत ढुङ्गानाले जानकारी दिनुभयो । कुल १३ हजार ४ सय १६ मतदाता रहेको मंगलामा ८ हजार ८ सय १७ अर्थात् ६५ दशमलव ७२ प्रतिशत मत खसेको थियो । ५ वटा वडा रहेको मंगलामा निर्वाचित हुने २७ पदका लागि ९८ जना उम्मेदवारले प्रतिस्पर्धा गरेका थिए । मंगला गाउँपालिकाको पाँचवटा वडामध्ये तीनवटा वडामा एमाले र एक एक वडामा माओवादी र कांग्रेसको प्यानलसहित विजयी भएका छन् । मंगला १ कुहुँमा एमाले, २ बाबियाचौरमा एमाले, ३ बराङ्जामा माओवादी, ४ बराङ्जामा कांग्रेस र ५ अर्मनमा एमाले विजयी भएको निर्वाचन अधिकृतको कार्यालयले जनाएको छ । सोमबार बिहानै प्रकाशित निर्वाचनको अन्तिम मत परिणामअनुसार रघुगंगा गाउँपालिकाको अध्यक्ष र उपाध्यक्षमा कांग्रेसका भवबहादुर भण्डारी र प्रेमकुमारी पुन विजयी हुनुभएको छ । आइतबार प्रकाशित मतपरिणाम अनुसार पश्चिम म्याग्दीको मालिका गाउँपालिकामा भने एमालेका वेगप्रसाद गर्बुजा र लक्ष्मीदेवी घर्तीमगर पुन विजयी बन्नुभएको छ । एक नगरपालिका र पाँचवटा गाउँपालिकासहित कुल ४५ वटा वडा रहेको म्याग्दीमा हालसम्म ३३ वडाको मतपरिणाम सार्वजनिक भएको छ । सार्वजनिक मतपरिणामअनुसार एमाले १६ वडा, कांग्रेस १२ र माओवादी ५ वटा वडामा विजयी भएको जिल्ला निर्वाचन कार्यालयले जनाएको छ । म्याग्दीमा अब १२ वटा वडा एवम् धौलागिरी गाउँपालिका, अन्नपुर्ण गाउँपालिका र बेनी नगरपालिकाको प्रमुख उपप्रमुखको मतपरिणाम आउन बाँकी छ ।
बुलिङटारमा अध्यक्षमा एमाले र उपाध्यक्षमा कांग्रेस विजयी
नवलपुरको पहाडी गाउँपालिका बुलिङटारमा नेकपा एमालेले ऐतिहासिक जीत निकालेको छ । नेकपा एमालेको तर्फबाट गाउँपालिका अध्यक्ष पदको उम्मेदवार बन्नु भएका २८ वर्षीय दीपेन्द्र सुनारीमगरले ४०५९ मत प्राप्त गरि विजयी हुनु भएको छ ।
म्याग्दीको रघुगंगामा नेपाली कांग्रेस विजयी
म्याग्दीको रघुगंगा गाउँपालिकाको अध्यक्ष र उपाध्यक्षमा नेपाली कांग्रेसका उम्मेदवार विजयी भएका छन् । नेपाली कांग्रेसका भवबहादुर भण्डारीले चार हजार ३८ मत ल्याएर गाउँपालिका अध्यक्ष र उपाध्यक्षमा कांग्रेसकै प्रेमकुमारी पुनले तीन हजार ३६४ मत ल्याएर निर्वाचित हुनुभएको सहायक निर्वाचन अधिकृत अमृत सुवेदीले जानकारी दिनुभयो ।
अजिरकोट गाउँपालिकामा माओवादी केन्द्रका देवकोटा र भूजेल विजयी
अध्यक्षमा माओवादीका उम्मेदवार दिपक देवकोटा र उपाध्यक्षमा अनिता भुजेल विजयी हुनुभएको निर्वाचन अधिकृत कमलराज भण्डारीले जानकारी दिनुभयो ।
पोखरा महानगरमा गठबन्धनका उम्मेदवारले अग्रता बढाउँदै
स्थानीय तह सदस्य निर्वाचन–२०७९ अन्तर्गत जारी मतगणनामा पोखरा महानगरपालिकामा सत्ता गठबन्धनका उम्मेदवारले अग्रता बढाएका छन् ।जारी मतगणनामा आठ हजार ६९३ मत गणना हुँदा गठबन्धनबाट प्रमुख पदका उम्मेदवार नेकपा (एकीकृत समाजवादी)का धनराज आचार्यले तीन हजार ४६५ मत प्राप्त गर्नुभएको छ । त्यसैगरी नेकपा (एमाले)का प्रमुख पदका उम्मेदवार कृष्णबहादुर थापाले तीन हजार १०८ मत प्राप्त गर्नुभएको छ । गठबन्धनका आचार्यले ३५७ मतले अग्रता हासिल गर्नुभएको हो । उपप्रमुखमा गठबन्धनबाट नेपाली कांग्रेसका उम्मेदवार कोपिला रानाभाट तीन हजार ६०० मतसहित अघि हुनुहुन्छ भने एमालेकी मञ्जुदेबी गुरुङले तीन हजार ५७५ मतसहित उहाँलाई पछ्याउनुभएको छ ।
हरिनास गाउँपालिकाको अध्यक्षमा एमालेका मानन्धर विजयी
राधाकृष्ण डुम्रेवालिङ, जेठ १ गते । स्याङ्जाको हरिनास गाउँपालिकाको अध्यक्षमा नेकपा (एमाले) का खिमनारायण मानन्धर विजयी हुनुभएको छ । उहाँले गठबन्धन अन्तर्गतका नेपाली काँग्रेसका टोपबहादुर भुजेललाई ३७ मतले पराजित गर्दै विजयी हुनुभएको हो । मानन्धरले ४ हजार ७६९ मत ल्याउँदा भुजेलले ४ हजार ७३२ मत ल्याउनु भएको हो । यस्तै गाउँपालिकाको उपाध्यक्षमा एमालेकै ईन्द्रकुमारी राना विजयी हुनुभएको छ । उहाँले ४ हजार ७४० मत पाउनुभएको छ । गठबन्धन अन्तर्गत माओवादी केन्द्रका मिठु लम्सालले ४ हजार ७१६ मत ल्याउनु भएको छ । सात वडा रहेको हरिनासमा वडा नम्वर १ मा गठबन्धन अन्तर्गत नेपाली काँग्रेसका ईन्द्रबहादुर गुरुङ, वडा नम्वर २ मा काँग्रेसकै चित्रबहादुर थापा, वडा नम्वर ३ मा ओमप्रकाश सिग्देल, वडा नम्वर ४ मा सन्तबहादुर थापा, वडा नम्वर ५ मा निर्मल लम्साल, दिलबहादुर राना, ६ मा दिलबहादुर राना र वडा नम्वर ७ मा भरत थापा बिजयी हुनुभएको छ ।
पोखरा महानगरमा गठबन्धन उम्मेदवारको अग्रता
पोखरा, जेठ १ गते। स्थानीय तह सदस्य निर्वाचन-२०७९ अन्तर्गत जारी मतगणनामा पोखरा महानगरपालिकामा सत्ता गठबन्धनका उम्मेदवारले अग्रता कायमै राखेका छन्।पोखरा महानगरको वडा नं १, २, १२ र २३ को तीन हजार ५०० मत गणनामा गठबन्धनबाट प्रमुख पदका उम्मेदवार नेकपा (एकीकृत समाजवादी)का धनराज आचार्यले एक हजार ३४९ मत प्राप्त गरी अग्रता लिनुभएको छ। त्यसैगरी नेकपा (एमाले)का प्रमुखका उम्मेदवार कृष्णबहादुर थापाले एक हजार २५० मतसहित आचार्यलाई पछ्याउनुभएको छ।उपप्रमुखमा गठबन्धनबाट नेपाली कांग्रेसका उम्मेदवार कोपिला रानाभाटले एक हजार ४५० मतसहित अग्रता बनाउनुभएको छ। उहाँका प्रतिस्पर्धी मञ्जुदेवी गुरुङले एक हजार ४०५ मतसहित रानाभाटलाई पछ्याइरहनुभएको छ।
म्याग्दीको मालिकामा मतगणना सम्पन्न : अध्यक्ष र उपाध्यक्षमा एमाले विजयी
ठाकुरप्रसाद आचार्यम्याग्दी, जेठ १ गते । म्याग्दीको मालिका गाउँपालिकाको अध्यक्ष र उपाध्यक्ष दुवै पदमा नेकपा एमाले विजयी भएको छ । आइतबार दिउँसो सम्पन्न मतगणना अनुसार अध्यक्षमा बेगप्रसाद गर्बुजा र उपाध्यक्षमा लक्ष्मी देवी पुन विजयी हुनुभएको हो । निर्वाचन अधिकृतको कार्यालयले दिएको जानकारी अनुसार गर्बुजाले ३०९१ र उपाध्यक्षले ३१६७ मत प्राप्त गर्नुभएको छ । यसैगरी, प्रतिस्पर्धी नेपाली काँग्रेसका उम्मेदवार श्रीप्रसाद रोकाले २९७० र उपाध्यक्ष पिपला बुढाले ३१३९ मत प्राप्त गरेको निर्वाचन अधिकृतको गोविन्द उपाध्यायले जानकारी दिनुभयो । नेकपा माओवादी केन्द्रका तर्फबाट अध्यक्षका उम्मेदवार रेशम जुग्जालीले २१२५ र उपाध्यक्षका उम्मेदवार गौरी सेञ्चुरीले १७८३ मत प्राप्त गर्नुभएको निर्वाचन अधिकृतको कार्यालयले जनाएको छ । नेपाली काँग्रेसले वडा नम्बर १ मा टंक पुन, २ मा एमालेका उदयबहादुर वुढाथोकी, ३ मा माओवादीका मोतीप्रसाद बुढा, ४ मा काँग्रेसका भेजेन्द्रमान पुन, ५ मा काँग्रेसका मिन पुन, ६ मा एमालेका पथबहादुर रोका र ७ मा एमालेका टकबहादुर पुन विजयी हुनुभएको छ ।
म्याग्दीमा १८ वडाको मत परिणाम सार्वजनिक
अमृतप्रसाद पौडेलम्याग्दी, जेठ १ गते । म्याग्दीको छ वटै स्थानीय तहका ४५ मध्ये १८ वडाको मतगणना परिणाम सार्वजनिक भएको छ । नेकपा एमाले पहिलो, नेपाली काँग्रेस दोस्राे र माओवादी केन्द्र तेस्राे भएका छन् ।जिल्ला निर्वाचन कार्यालय म्याग्दीका कम्प्युटर अपरेटर गोविन्दबहादुर थापामगरका अनुसार नेकपा एमालेले ११ वडा, नेपाली काँग्रेसले ५ वडा र नेकपा माओवादी केन्द्रले २ वटा वडामा जित हासिल गरेको हो । पश्चिम म्याग्दीको धौलागिरी गाउँपालिका १, गुर्जामा नेकपा माओवादी केन्द्रका झकबहादुर छन्त्याल र धौलागिरी गाउँपालिका २ लुलाङको वडा अध्यक्षमा नेकपा एमालेका अकप्रसाद बिकले ३३३ मत प्राप्त गरी निर्वाचित हुनुभएको थापामगरले बताउनुभयो ।बेनी नगरपालिका १ मा नेकपा एमालेबाट अध्यक्ष टेकबहादुर थापाले ५३२ मत र बेनी नगरपालिका २ मा नेपाली काँग्रेसका यामबहादुर कार्की ८९८ मतसहित विजयी हुनुभएको छ ।साथै, पश्चिम म्याग्दीको मङ्गला गाउँपालिका १ मा नेकपा एमालेका एकजित रोका १ हजार ११० मतसहित विजयी हुनुभएको छ भने २ मा नेकपा एमालेका धनबहादुर खातीले ९०० मत प्राप्त गर्नुभएको हो । मालिका गाउँपालिका १, निस्कोटमा नेपाली काँग्रेसका तर्फबाट वडा अध्यक्षमा ४६२ मतसहित टङ्कप्रसाद पुन र वडा २ रुम मा एमालेका उदयकुमार बुढाथोकी ७५१ मतसहित विजयी हुनुभएको छ ।वडा नम्बर ३, रुम डाँडागाउँमा ३४५ मतसहित माओवादी केन्द्रका मोतीप्रसाद र ४ नम्बरमा नेपाली काँग्रेसका भेजेन्द्रमान पुनले ४२९ मत प्राप्त गर्नुभएको हो । ५ नम्बर वडामा ७८३ मत ल्याएर नेपाली काँग्रेसले वडा अध्यक्षमा मिम पुन र वडा नम्बर ६ दरवाङमा भने नेकपा एमालेका पथबहादुर रोका ५७४ सहित निर्वाचित हुनुभएको छ ।उत्तरी म्याग्दीको रघुगङ्गा गाउँपालिकाको पछिल्लो नतिजा अनुसार वडा नम्बर १ मा नेपाली काँग्रेसका बिलबहादुर फगामी ४३२ मतसहित निर्वाचित हुनुभएको छ । त्यस्तै, वडा नम्बर २ मा अमृत भण्डारीले ७७३ र ३ मा नेकपा एमालेका खिमबहादुर शाही ८८६ मतसहित विजयी हुनुभएको निर्वाचन अधिकृतको कार्यालय रघुगङ्गा गाउँपालिकाका सहायक निर्वाचन अधिकृत अमृत सुवेदीले बताउनुभयो ।त्यसैगरी, अन्नपूर्ण गाउँपालिका १, २ र ३ मा नेकपा एमालेको प्यानल विजयी भएको छ । वडा १ मा ३४१ मतसहित दिलीपकुमार गर्बुजा, वडा नम्बर २ भुरुङ तातोपानीमा ३२९ मतसहित ओमप्रसाद फागामी र वडा नम्बर ३ दानामा ५३४ मतसहित रमेश पुर्जा नेकपा एमालेबाट अध्यक्षमा निर्वाचित हुनुभएको छ ।
म्याग्दे–३ मा एमालेका अधिकारी विजयी
अमरराज नहर्की तनहुँ, जेठ १ गते । तनहुँको म्याग्दे गाउँपालिका वडा ३ को अध्यक्षमा एमालेका टुकराज अधिकारी विजयी हुनुभएको छ । अधिकारीले ६६१ मत प्राप्त गर्नुभयो भने निकटतम प्रतिस्पर्धी नेपाली काँग्रेसका बलराम भट्टराई ५८७ मत प्राप्त गर्नुभयो । महिला सदस्यमा काँग्रेसकी जानकी थापा, दलित महिला सदस्यमा एमालेकी सुनीता नेपाली विजयी हुनुभयो । खुला सदस्यमा काँग्रेसका बालचन्द्र घिमिरे तथा एमालेका प्रकाश घिमिरे विजयी हुनुभएको छ । यसअघि सो वडामा काँग्रेसका श्रीबहादुर थापा विजयी हुनुभएको थियो ।
सुन्दरबजार नगरपालिका १ मा एमालेबाट गुरुङ विजयी
बेलिना थापालमजुङ, जेठ १ गते । नेकपा (एमाले) लमजुङ सुन्दरबजार नगरपालिका १ को वडाध्यक्षमा विजयी भएको छ । गठबन्धनका उम्मेदवारलाई हराउँदै एमाले उम्मेदवार कर्णबहादुर गुरुङले ४ सय ४६ मत ल्याएर आगामी ५ बर्षका लागि वडाध्यक्ष जित्नुभएको हो । प्रतिस्पर्धी माओवादी केन्द्रका सन्तोषी गौलीले ३ सय ५५ मत ल्याउनुभएको छ । महिला वडा सदस्यमा एमालेकी राधा मल्लले ४ सय १५ मत, दलित महिला सदस्यमा एमालेकै शर्मिला ठडराईले ४ सय १२ मत, खुला सदस्यमा कांग्रेसका नीलकण्ठ अधिकारीले ३ सय ८५ मत र एमालेका दिपेन्द्र बसौलाले ४ सय ३९ मत ल्याएर विजयी हुनुभयो ।
ताराखोला गाउँपालिकामा गठबन्धनका उम्मेदवार विक विजयी
बागलुङको ताराखोला गाउँपालिकामा गठबन्धन का तर्फबाट उम्मेदवार नेकपा माओवादी केन्द्रका धनबहादुर विक विजयी हुनुभएको छ । विकले स्वतन्त्र उम्मेदवार प्रकास घर्तीलाई १९५ मतान्तरले पराजित गर्दै विजय हुनुभएको हो ।
पोखरामा एकीकृत समाजवादीको अग्रता कायमै
पोखरा महानगरपालिकाको मतगणनामा नेकपा (एकीकृत समाजवादी)ले अग्रता कायम राखेको छ । मतगणनामा भएको एक हजार ६०० मतको गणनामा गठबन्धनका तर्फबाट प्रमुख पदका उम्मेदवार एकीकृत समाजवादीका धनराज आचार्यले ६१३ मत पाउनुभएको छ भने नेकपा (एमाले)का तर्फबाट प्रमुख पदका उम्मेदवार कृष्ण थापाले ५८३ मत पाउनुभएको छ ।
म्याग्दीका १५ वडाको मतपरिणाम सार्वजनिक
शुक्रबार सम्पन्न स्थानीय तह निर्वाचनअन्तर्गत आज बिहानसम्म म्याग्दीका विभिन्न १५ वडाको मतपरिणाम सार्वजनिक भएको छ । छवटा स्थानीय तहका ४५ वडाको मतपरिणाम सार्वजनिक हुँदा नेकपा (एमाले)ले सात, नेपाली कांग्रेसले पाँच र नेकपा (माओवादी केन्द्र)ले दुई वडामा विजयी भएका छन् । धौलागिरि गाउँपालिका–१ गुर्जामा माओवादीका झकबहादुर छन्त्याल निर्विरोध हुनुभएको छ ।
लमजुङको मस्र्याङदी–१ मा एमालेको प्यानलै विजयी
नेकपा एमालेले लमजुङमा खाता खोलेको छ । लमजुङको मस्र्याङ्दी गाउँपालिका १ मा गठबन्धनलाई हराउँदै नेकपा एमालेको प्यानलै विजयी भएका छन् । एमालेका उम्मेदवार रुद्रमान गुरुङले ४ सय २२ मत ल्याउनुभएको छ ।
मतगणना सुरु भएका पालिकामा गठबन्धनको अग्रता
बागलुङको तीन स्थानीय तहमा मतगणना सुरू भएको छ । दश स्थानिय तह रहेको बागलुङमा तीन स्थानिय तह ताराखोला गाउँपालिका, गलकोट नगरपालिका र निसीखोला गाउँपालिकामा शनिबार बिहानदेखि मतगणना सुरु गरिएको थियो ।
पूर्वी नवलपरासीको ६ वडामा काँग्रेसको प्यानल विजयी
पूर्वी नवलपरासीका ९२ वडा मध्य स्थानीय तहको निर्वाचनमा ६ वटा वडाको मतगणना सम्पन्न भइसकेको छ । जस अनुसार नेपाली पूर्वीको प्यानल विजयी भएको छ ।
पोखरा महानगरको मतगणना
थानीय तह सदस्य निर्वाचनअन्तर्गत पोखरा महानगरपालिकामा मतगणना सुरु भएको छ । पोखरा महानगरमा शनिबार अपराह्न ४ः१५ बजेदेखि मतगणना सुरु भएको हो ।
माथागढीकाे वडा नं. ८ मा नेपाली कांग्रेसका उम्मेद्वार विजयी
रेखीराम रानापाल्पा, बैशाख ३१ गते । जिल्लाको माथागढी गाउँपालिकाको वडा नं. ८ बहादुरपुरमा नेपाली कांग्रेसका उम्मेद्वार विजयी भएका छन् । काङ्ग्रेसबाट माथागढीको वडा नं. ८ मा अध्यक्ष पदका उम्मेद्वार रहनुभएका दिलबहादुर ढेंगामगर ४१० मत ल्याएर विजयी हुनुभएको हो । उहाँका निकटतम प्रतिद्वन्द्वी एमालेका अध्यक्षका उम्मेद्वार नारायण सिंह ठाडाले ३०६ मत ल्याउनुभएको थियो । यस्तै खुल्ला सदस्यमा कांग्रेसकै उम्मेद्वार मनिराम ढेंगा, तिलबहादुर ढेंगा, दलित महिला सदस्यमा अम्विका विक, महिला सदस्यमा लालीसरा ढेंगा निर्वाचित हुनुभएको निर्वाचन अधिकृतको कार्यालय माथागढीले जनाएको छ ।
पाल्पाको माथागढीमा काँग्रेसका ढेंगामगर विजयी
काँग्रेसतर्फबाट वडा नं. ८ मा अध्यक्ष पदका उम्मेदवार रहनुभएका दिलबहादुर ढेंगामगर ४१० मत ल्याएर विजयी हुनुभएको हो ।