गुणबहादुर रोका
सुलीकोट, असोज २३ गते । गोरखाको चुमनुब्री गाउँपालिकाका एक गर्भवती महिलाको नेपाली सेनाको हेलिकोप्टरमार्फत उद्धार गरिएको छ ।
चुमनुब्री–७ की लारकी ४१ वर्षीय पासाङ छुजोम लामाको नेपाली सेनाको हेलिकोप्टरमार्फत उद्धार गरिएको स्थानीय ग्याल्जेन लामाले बताउनुभयो । पाँच छ दिनदेखि व्यथाले च्यापे पनि सुत्केरी हुन नसकेपछि हेलिकोप्टरमार्फत उद्धार गरिएको उहाँको भनाइ छ ।
राष्ट्रपति महिला उत्थानअन्तर्गत दुर्गम क्षेत्रका गर्भवतीको स्वास्थ्य उपचार कार्यक्रममार्फत लामाको उद्धार गरिएको हो ।उद्धार गरिएको महिलालाई काठमाडौँको थापाथलीस्थित प्रसूति गृहमा लगिएको बताइएको छ ।
