नवलपुरमा घट्यो मत प्रतिशत
नवलपुर जिल्लामा जम्मा ५८.०८ प्रतिशत मत खसेको छ । जसमध्ये ६३.०४ प्रतिशत अर्थत ८७ हजार ९३६ महिला र पुरुष ५३.७१ प्रतिशत अर्थात ६८ हजार २१ जनाले मतदान गरेका जिल्ला निर्वाचन कार्यालयले जनाएको छ ।
मतदान शान्तिपूर्ण सम्पन्न : ६० प्रतिशत मत खसेको प्रारम्भिक अनुमान
निर्वाचन आयोगका अनुसार बिहीबार सम्पन्न प्रतिनिधिसभा सदस्य निर्वाचनमा ६० प्रतिशत मत खसेको प्रारम्भिक अनुमान गरेको छ ।
ओखलढुङ्गाको सातसल्ले केन्द्रमा मतदान बहिष्कार, प्रत्यक्षतर्फ शून्य, समानुपातिकमा चार मत
ओखलढुङ्गाको मानेभन्ज्याङ गाउँपालिका–७, सातसल्ले मतदान केन्द्रमा मतदाताले मतदान बहिष्कार गरेका छन् ।
झापामा करिब ६५ प्रतिशत मत खस्यो
बिहीबार भएको प्रतिनिधिसभा सदस्यको निर्वाचन झापामा शान्तिपूर्ण तवरले सम्पन्न भएको छ। निर्वाचनका लागि नेपाली सेनासहित व्यापक सुरक्षाकर्मी परिचालन गरिएको थियो।
पूर्वप्रधानमन्त्रीसहित तीन पूर्वमन्त्रीद्वारा मतदान
प्रतिनिधिसभाको बिहीबार सम्पन्न निर्वाचनमा रौतहट जिल्लामा उम्मेदवारी दिनुभएका पूर्वप्रधानमन्त्रीसहित तीन जना पूर्वमन्त्रीले मतदान गर्नुभएको छ ।
-original-thumb.jpg)
मतदानमा क्रियापुत्री
सिन्धुली जिल्लाको निर्वाचन क्षेत्र नं. १ अन्तर्गत दूधौली नगरपालिकामा बाबुको काजकिरिया गरिरहेका क्रियापुत्री पनि बिहीबार भएको प्रतिनिधिसभा सदस्य निर्वाचनको मतदान कार्यमा सहभागी भएका छन् ।
शान्तिपूर्ण निर्वाचन सम्पन्न भएकोमा प्रचण्ड खुशी
नेपाली कम्युनिस्ट पार्टी (नेकपा) संयोजक पुष्पकमल दाहाल ‘प्रचण्ड’ले निर्वाचन शान्तिपूर्ण वातावरणमा सम्पन्न भएको बताउनुभएको छ ।
मतदान सम्पन्न भएपछि मतपेटिका सिल गर्दै कर्मचारी र सुरक्षाकर्मी (फोटो फिचर)
बिहान ७ बजेदेखि सुरु भएको मतदान सम्पन्न भएपछि मतपेटिका सिल गरेर मतगणना स्थानतर्फ लानेक्रम सुरु भएको छ ।
अपरान्ह ४ बजेसम्म ४५ प्रतिशत मतदान
आयोगका अनुसार उपत्यकामा अपरान्ह ४ बजेसम्म ५४ प्रतिशत मत खसेको छ । उपत्यकामा कुल मतदाता ११ लाख ८५ हजार ३७४ मध्ये हालसम्म ६३ लाख पाँच हजार ४२८ ले मतदान गरेका छन् ।
बबई–१ जिलामा १० मत खस्यो, मलईमा अझै भएन मतदान
स्थानीयले बहिष्कार गरेपछि दाङको बबई गाउँपालिका–१ जिलामा १० मत खसेको छ भने बबई–७ को मलईमा अझै मतदान हुन सकेको छैन।
गृहमन्त्री अर्यालसहित उच्च अधिकारीबाट उपत्यकाका मतदान स्थलको अनुगमन
गृहमन्त्री ओमप्रकाश अर्याल, गृहसचिव राजकुमार श्रेष्ठ र सुरक्षा निकायका प्रमुखसहितको टोलीले काठमाडौँ उपत्यकाका विभिन्न मतदान स्थलको स्थलगत निरीक्षण तथा अनुगमन गर्नुभएको छ।
-original-thumb.jpg)
इलाम कारागारभित्रै मतदान
इलामको कारागारमा रहनुभएका कैदीबन्दीले मतदान गर्नुभएको छ। जिल्ला कारागारभित्र रहेको मतदान केन्द्रमा कैदीबन्दीले मतदान गरेका हुन्।
प्रधानमन्त्री कार्की र कतारका समकक्षी अल–थानीबिच टेलिफोन वार्ता
प्रधानमन्त्री सुशीला कार्कीले कतारका समकक्षी शेख मोहम्मद बिन अब्दुलरहमान अल–थानीसँग टेलिफोन वार्ता गर्नुभएको छ।
भद्रकाली मतदान केन्द्रमा मतदान गर्दै नेपाली सेना
काठमाडौँको भद्रकालीस्थित अस्थायी मतदान केन्द्रमा नेपाली सेनाले मतदान गरेका छन् । निर्वाचन आयोगले भद्रकाली मतदान केन्द्रलाई अस्थायी मतदान केन्द्रका रुपमा तोकेको छ ।
दिउँसो ३ बजेसम्म ३९ प्रतिशत मतदान
प्रतिनिधिसभा सदस्य निर्वाचनका लागि बिहीबार दिउँसो ३ बजेसम्म देशभर ३९ प्रतिशत मतदान भएको छ ।
तनहुँमा ४५ प्रतिशत मत खस्यो
तनहुँमा प्रतिनिधिसभा सदस्य निर्वाचनअन्तर्गत आज बिहानैदेखि उत्साहजनक रूपमा मतदान भइरहेको छ। जिल्लामा दिउँसो ३ बजेसम्म ४४.८३ (करिब ४५) प्रतिशत मत खसेको छ।
बाँकेमा ५० प्रतिशत मतदान
प्रतिनिधिसभा सदस्यको निर्वाचनका लागि बाँके जिल्लामा शान्तिपूर्ण मतदान भइरहेको छ।
उपत्यकामा ४७ प्रतिशत मत खस्यो, देशभर ३३ प्रतिशत
निर्वाचन आयोगका अनुसार प्रतिनिधिसभा सदस्य निर्वाचनका लागि दिउँसो २ बजेसम्म देशभर ३३ प्रतिशत मत खसेको छ ।
कालाशिल्तामा एक घण्टादेखि स्थगित मतदान पुनः सुरु
एक घण्टादेखि स्थगित भएको सिमकोट गाउँपालिका–१, कालाशिल्ता मतदान केन्द्रको मतदान कार्य सुरु भएको छ। मतदान स्थलमा बसेको सर्वदलीय बैठकमा सहमति भएपछि मतदान कार्य सुरु भएको हो।
मकवानपुरमा ४० प्रतिशत मतदान
प्रतिनिधिसभा सदस्य निर्वाचनका लागि मकवानपुर जिल्लाका सबै मतदान केन्द्रमा शान्तिपूर्ण रूपमा मतदान जारी रहेको छ ।
नवलपुरमा ३५ प्रतिशत मत खस्यो
नवलपुरमा ३५ प्रतिशत मत खसेको छ । दिउँसो पौने १ बजेसम्म ३५ प्रतिशत मतदान भएको प्रमुख जिल्ला अधिकारी भविश्वर पाण्डेले जानकारी दिनुभयो।
काभ्रेमा ३७ प्रतिशत मतदान
काभ्रेपलान्चोक जिल्लामा दिउँसाे २ बजेसम्ममा ३७ प्रतिशत मतदान भएको छ । निर्वाचन आयोगका अनुसार जिल्लामा महिला ५४ हजार ९२५ र पुरुष ६८ हजार २३४ जनाले मतदान गरेका हुन् ।
बैतडीमा २ बजेसम्म ३० प्रतिशत मत खस्यो
आज बिहान ७ बजेदेखि सुरु भएको प्रतिनिधिसभा सदस्य निर्वाचन अन्तर्गत बैतडीमा शान्तिपूर्ण रूपमा मतदान जारी रहेको छ ।
धनकुटामा २ बजेसम्म ३१ प्रतिशत मत खस्यो
धनकुटामा दिउँसो २ बजेसम्म ३१ प्रतिशत मत खसेको छ । जिल्ला प्रहरी कार्यालय धनकुटाको निर्वाचन सेलले दिएको जानकारीअनुसार दिउँसो २ बजेसम्म ३६ हजार ८ सय ६ मत खसेको छ ।
कांग्रेस नेता खड्काले गर्नुभयो सुर्खेतबाट मतदान
नेपाली कांग्रेसका नेता पूर्ण बहादुर खड्काले सुर्खेतबाट मतदान गर्नुभएको छ । उहाँले सुर्खेतको निर्वाचन क्षेत्र नं. १ को सूर्यज्योती माध्यमिक विद्यालय, मेहेलकुनाबाट मतदानन गर्नुभएको हो ।
