पहिलो सन्तान छोरी जन्माउनेलाई एक हजार भत्ता
कर्मचारीबाट राजीनामा दिएर बैतडीको पाटन नगरपालिका-१० को वडा अध्यक्षमा विजयी हुनुभएका वडा अध्यक्षले पहिलो सन्तानको रुपमा छोरी जन्माउने आमालाई प्रोत्साहन भत्ता उपलब्ध गराउने निर्णय गर्नुभएको छ।
काठमाडौं महानगर- ३१ मा एमालेका ढकाल विजयी
काठमाडौं महानगरपालिका-३१ को वडाअध्यक्षमा नेकपा (एमाले)का सरोज ढकाल विजयी हुनुभएको छ। उहाँले चार हजार ७६७ मत प्राप्त गर्नुभएको हो।
काठमाडौं महानगरपालिका-२४ मा काँग्रेसका राजभण्डारी विजयी
काठमाडौं महानगरपालिका-२४ को वडाअध्यक्षमा नेपाली काँग्रेसका विनोदकुमार राजभण्डारी विजयी हुनुभएको छ। उहाँले एक हजार १३२ मत प्राप्त गर्नुभयो।
नेपाल आफ्नो छिमेकी देश भारत र चीनको सुरक्षा संवेदनशीलताप्रति प्रतिबद्ध
गृहमन्त्री बालकृष्ण खाणसँग अमेरिकी नागरिक सुरक्षा, प्रजातन्त्र र मानव अधिकार उपमन्त्री उज्रा जियाले शिष्टाचार भेटघाट गर्नुभएको छ । आइतबार गृह मन्त्रालयमा भएको भेटमा आपसी सहयोग र द्धिपक्षीय सम्बन्धबारे छलफल भएको छ ।
भंगहा नगरपालिका मेयरमा लोसपा उपमेयरमा काँग्रेस विजयी
महोत्तरीको भंगहा नगरपालिकामा प्रमुखमा लोकतान्त्रिक समाजवादी पार्टी(लोसपा) नेपाल र उपमेयरयमा नेपाली काँग्रेस पार्टीका उम्मेदवार विजयी हुनुभएको छ । भंगहा नगरपालिकाको मेयरमा लोसपा नेपालका संजिव साह र उपमेयरमा नेपाली काँग्रेसका शान्तिकुमारी सिंह निर्वाचित हुनुभएको छ ।
बलात्कारसम्बन्धी कानून संशाेधनको माग गर्दै मन्त्रीलाई ज्ञापन
बलात्कारसम्बन्धी कानून संशाेधनको माग गर्दै नेपाल विद्यार्थी संघले कानून ,न्याय तथा संसदीय मामिला मन्त्रीलाई ज्ञापन बुझाएका छन् ।
प्रधानमन्त्री र अमेरिकी उपविदेशमन्त्री बीच भेटवार्ता
प्रधानमन्त्री शेरबहादुर देउवासँग नागरिक सुरक्षा लोकतन्त्र र मानव अधिकारसम्बन्धी अमेरिकी उपविदेशमन्त्री उज्रा जियाले भेट गर्नुभएको छ ।
काठमाडौंमा ९० हजार मत गणना : प्रमुखमा बालेन, उपप्रमुखमा सुनिता अगाडि
काठमाडौं महानगरपालिकाको ९० हजार ४४७ मत गनिसक्दा महानगर प्रमुखका स्वतन्त्र उम्मेदवार बालेन्द्र शाहले ३३ हजार २५५ मत प्राप्त गर्नुभएको छ।
स्थानीय तह निर्वाचन : ६९२ पालिकाको नतिजा सार्वजनिक
स्थानीय तह निर्वाचनअन्तर्गत हालसम्म ६९२ पालिकाको नतिजा सार्वजनिक भएको छ। जसअन्तर्गत नेपाली कांग्रेसले ३०५ पालिका जितेको छ भने नेकपा (एमाले)ले १८८ पालिका जितेको छ।
समृद्ध हेटौँडा बनाउने उपमहानगर प्रमुख लामाको प्रतिबद्धता
बागमती प्रदेशको राजधानी हेटौँडा उपमहानगरपालिकाले पहिलोपटक जनजाति महिलालाई नगरप्रमुखको रूपमा पाएको छ।
बुढीगण्डकी आयोजना यही वर्ष थाल्न मुख्यमन्त्री पोखरेलको प्रधानमन्त्री समक्ष अनुरोध
पोखरा, ७ जेठ। संघ सरकार नीति तथा कार्यक्रम र वार्षिक बजेटको अन्तिम तयारीमा जुटिरहेका बेला गण्डकी प्रदेशका मुख्यमन्त्री कृष्णचन्द्र नेपाली पोखरेलले प्रधानमन्त्री शेरबहादुर देउवालाई भेटेर ध्यानाकर्षण गराउनुभएको छ। गण्डकी प्रदेशको धार्मिक, सांस्कृतिक तथा पर्यटकीय विकासमार्फत् राष्ट्र निर्मााणका लागि महत्वपूर्ण योगदान पुर्याउन तथा अन्तर प्रदेश समन्वय र विकासलाई सुदृढ बनाउनका लागि संघको बजेटमा समेट्नै पर्ने गण्डकीका योजनाको सूची उहाँले प्रधानमन्त्रीलाई बुझाउनुभएको हो। मुख्यमन्त्री पोखरेलले प्रधानमन्त्री देउवालाई बुझाउनुभएको ध्यानाकर्षण पत्रमा भनिएको छ, ‘‘राष्ट्रिय विकास तथा अन्तर प्रदेश समन्वयात्मक विकासका लागि केही राष्ट्रिय गौरवका, रणनीतिक महत्त्वका र अन्तर प्रदेश विकासमा समेत महत्वपूर्ण हुनसक्ने आयोजनामा संघ सरकार र प्रदेश सरकारको लगानी साझेदारी हुनुपर्ने, आपसी समन्वयमा त्यस्ता आयोजनाहरूको कार्यान्वयन हुन जरुरी छ।"राष्ट्रिय गौरव तथा प्रदेश गौरवका आयोजना सञ्चालित क्षेत्रमा निर्वाध रूपमा आयोजना सञ्चालन हुने वातावरण सुनिश्चित गर्न आवश्यक कानुन तथा मापदण्ड विकास गरेर निर्वाध रूपमा त्यस्ता आयोजना सञ्चालन हुने अवस्था विकास हुनुपर्ने भन्दै मुख्यमन्त्री पोखरेलले प्रधानमन्त्री देउवाको ध्यानाकर्षण गराउनुभएको हो।स्थानीय तहको समृद्धि नै मुलुकको समृद्धि : प्रधानमन्त्री देउवाध्यानाकर्षण पत्र ग्रहण गरेपछि प्रधानमन्त्री देउवाले प्रदेश र स्थानीय तहको समृद्धिमा नै समग्र मुलुकको समृद्धि निर्भर रहेको बताउनुभएको हो। उहाँले गण्डकीबाट आएका योजनालाई प्राथमिकतामा राख्ने उल्लेख गर्नुभएको छ। प्रधानमन्त्री देउवाले ध्यानाकर्षण पत्र राष्ट्रिय योजना आयोग र अर्थमन्त्रालयमा पठाउने र सकेसम्म सबै योजना बजेटमा समेट्ने आश्वासन दिनुभएको छ। ‘‘जलासययुक्त बुढीगण्डकी जलविद्युत आयोजना चालु आवबाट नै सुरु गर्ने गरी कार्य अगाडि बढाउन अनुरोधसहित गण्डकी प्रदेश सरकारको पनि लगानी साझेदारी हुने वातावरण बनाउन अनुरोध गर्छु’’, मुख्यमन्त्रीले बुझाउनुभएको ध्यानाकर्षण पत्रमा थप भनिएको छ। गण्डकी प्रदेश र लुम्बिनी प्रदेशको धार्मिक तथा पर्यटकीय प्रवद्र्धन गर्न दुवै प्रदेशको समन्वय र लगानीमा, संघ सरकारको साझेदारीमा मुक्तिनाथदेखि गौतम बुद्धको जन्मस्थल लुम्बिनीसम्म जोड्ने मुक्तिमार्ग निर्माणको योजना समेट्ने मुख्यमन्त्री पोखरेलले माग गर्नुभएको छ। पोखरालाई नेपालको पर्यटकीय राजधानी घोषणा गर्ने र पोखराको मुख्य आकर्षक फेवातालको संरक्षण र विकासको लागि फेवाताल संरक्षण र विकास गुरूयोजना कार्यान्वयनको लागि लगानी सुनिश्चित हुनुपर्ने ध्यानाकर्षण पत्रमा उल्लेख छ। गण्डकी प्रदेशसँग जोडिएका तीनवटा अन्तर्राष्ट्रिय नाका मुस्ताङको कोरला, नवलपरासीको त्रिवेणी र गोरखाको लार्के सीमा नाकामा भन्सार पूर्वाधार विकास गरेर नेपाल चीन २ देशीय व्यापार तथा वाणिज्य प्रवद्र्धन गर्नुपर्ने मुख्यमन्त्रीले आग्रह गर्नुभएको छ। यसैगरी गोरखाको आरुघाटदेखि चुमनुब्री हुँदै उत्तरी नाका लार्केसम्म मोटरबाटो निर्माणको लागि लगानी गर्नुपर्ने, धार्मिक पर्यटकीय क्षेत्र देवघाटको प्रवद्र्धन गर्न गण्डकी प्रदेशको तनहुँ र नवलपुर तथा बागमती प्रदेशको चितवन जोड्ने गरी त्रिकोणात्मक मोटरेबल पुल निर्माणका लागि उनले माग गर्नुभएको छ।गोरखकाली रबर उद्योग र भृकुटी कागज कारखानालाई पुनः सञ्चालन गर्न साझेदारीमा लगानी सुनिश्चित हुने वातावरण विकासका लागि समेत मुख्यमन्त्रीले पोखरेलले आग्रह गर्नुभएको छ। मनाङको नार्पाभूमि गाउँपालिका अहिलेसम्म सडक सञ्जालसँग नजोडिएको र विकट भएकाले प्रदेश सरकारको क्षमता नपुग्ने हुँदा केन्द्रीय योजनामा समावेश गर्न ध्यानाकर्षण पत्रमार्फत् अनुरोध गरिएको छ। नवलपुरको गैंडाकोटमा बीपी अन्तर्राष्ट्रिय खेलग्राम र नवलपुरमै ट्रमा सेन्टर स्थापनाका लागि पनि केन्द्र सरकारले बजेट विनियोजन गर्नुपर्ने उहाँको भनाइ छ। शनिबार प्रधानमन्त्री निवास बालुवाटारमा भएको भेटमा मुख्यमन्त्रीसँगै प्रदेशका कानुन सञ्चार तथा प्रदेशसभा मामिलामन्त्री बिन्दुकुमार थापाको उपस्थिति थियो। मुख्यमन्त्री पोखरेल शनिबार नै पोखरा फर्किनुभएको छ। मुख्यमन्त्री पोखरेलले यसअघि दुई पटक काठमाठौं आएर प्रधानमन्त्री देउवालाई भेटेर बजेट तथा प्रदेशका योजनाका बारेमा ध्यानाकर्षण गरानउनुभएको थियो।
वीरगञ्ज महानगरमा गठबन्धनको अग्रता कायमै
मधेस प्रदेशस्थित पर्साको वीरगञ्ज महानगरपालिकाको पछिल्लो मतगणनाअनुसार प्रमुख पदमा गठबन्धनका उम्मेदवार जनता समाजवादी पार्टीका राजेशमान सिंहले २८ हजार ३५२ मतसहित अग्रतालाई निरन्तरता दिनुभएको छ।
स्थानीय तह निर्वाचनमा गठबन्धन सफल : अध्यक्ष दाहाल
नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले स्थानीय तहको निर्वाचनमा गठबन्धन मूलभूतरुपमा सफल भएको बताउनुभएको छ ।
कैलालीमा रेशम चौधरीको पार्टीलाई आकर्षक मत
अविनाश चौधरीधनगढी, जेठ ७ गते। १३ स्थानीय तह रहेको कैलालीमा १२ स्थानीय तहको नतिजा सार्वजनिक भएको छ। अहिलेसम्म चार पालिकामा विजयी हुँदै नागरिक उन्मुक्ति पार्टी पहिलो शक्ति बनेको छ। टीकापुर, भजनीमा मेयर र उपमेयर दुवै पद उन्मुक्ति पार्टीले जितेको छ। जोशीपुर गाउँपालिकामा काँग्रेसकाे गढ भत्काउँदै अध्यक्ष, उपाध्यक्ष दुवै र जानकी गाउँपालिकामा गठबन्धनलाई पाखा लगाउँदै अध्यक्ष, उपाध्यक्ष दुवै जितेको छ। १२ पालिकाको नतिजा आउँदासम्म नेपाली काँग्रेसले गोदावरी, लम्कीचुहा नगरपालिका र कैलारी गाउँपालिका गरेर तीन पालिका जितेको छ। नेकपा (एमाले)ले चुरे र बर्दगोरिया गरी दुई, नेकपा (माओवादी केन्द्र)ले गौरीगङ्गा नगरपालिका र मोहन्याल गाउँपालिका गरी दुई पालिकामा प्रमुख जितेका छन्। यसैगरी, नेकपा (एकीकृत समाजवादी) ले घोडाघोडी नगरपालिकामामात्रै प्रमुखमा जित हात पारेको छ। अन्तिम नतिजा आउन बाँकी रहेको धनगढी उपमहानगरपालिकामा स्वतन्त्र उम्मेदवार गोपाल हमाल जित नजिक हुनुहुन्छ। नागरिक उन्मुक्ति पार्टीबाट टीकापुर नगरपालिकाको मेयरमा रामलाल डङ्गौरा थारु निर्वाचित हुनुभएको छ। उहाँले गठबन्धनका तर्फबाट नेपाली काँग्रेसका उम्मेदवार नवराज रावललाई तीन हजार मतान्तरले पराजित गर्नुभयो। थारुले नौ हजार ६४२ मत प्राप्त गर्नु भएको छ। यसैगरी, भजनी नगरपालिकामा गठबन्धनका तर्फबाट माओवादी केन्द्रका उम्मेदवार शेरबहादुर चौधरीलाई तीन हजार ७६८ मतान्तरले पराजित गरेर नागरिक उन्मुक्तिका केवल चौधरी मेयरमा विजयी हुनुभयो। उहाँले आठ हजार ९६६ मत प्राप्त गर्नुभयो। उपमेयरमा सोही पार्टीका राजुदेवी तिरुवा सात हजार ६२२ मत पाएर विजयी हुनुभएको छ। उहाँले नेपाली काँग्रेसका गोकेन्द्र भण्डारीलाई तीन हजार १३२ मत बढी ल्याउनुभएको छ।यस्तै, नेपाली काँग्रेसको गढ मानिएको जोशीपुर गाउँपालिकामा पनि नागरिक उन्मुक्ति पार्टी विजयी भयो। नेपाली काङ्ग्रेसका बन्सराम बडायकलाई एक हजार ५३५ मतान्तरले पराजित गरी अध्यक्षमा चित्रबहादुर चौधरी विजयी हुनुभयो। उहाँले चार हजार ९०३ मत प्राप्त गर्नुभयो। उपाध्यक्षमा चार हजार ५८१ मत प्राप्त गरेर रेखादेवी कठरिया विजयी हुनुभयो। उहाँले ६२० मतान्तरले माओवादी केन्द्रका दीर्घराज बिनाडीलाई पराजित गर्नुभयो। जानकी गाउँपालिकाको अध्यक्षमा नागरिक उन्मुक्ति पार्टीका गणेश चौधरी सात हजार १५१ मत पाएर अध्यक्षमा विजयी हुनुभयो। उहाँले एक हजार ९०९ मतान्तरले गठबन्धनका तर्फबाट नेपाली काँग्रेसका उम्मेदवार परशुराम महतौं (कठरिया) लाई पराजित गर्नुभयो। उपाध्यक्षमा छ हजार ५६२ मत पाएर नागरिक उन्मुक्ति पार्टीकै लालमतिदेवी कठरिया विजयी हुनुभयो। उहाँले एक हजार ७०४ मतान्तरले नेकपा (एमाले) का गीता चौधरीलाई पराजित गर्नुभयो। २०७८ पुस २० मा नागरिक उन्मुक्ति पार्टी दर्ता भएको थियो। यसको नेतृत्व रेशम चौधरीकी पत्नी रञ्जिता श्रेष्ठले गरिरहनुभएको छ। नागरिक उन्मुक्ति पार्टीले फागुनमामा चुनाव चिन्ह पाएको थियो।
धनुषाको सबैला नगरपालिकामा माओवादी विजयी
धनुषाको सबैला नगरपालिकामा नवनिर्वाचित नगर प्रमख कारीराम यादव र उपप्रमुख रहिमा खातुन। तस्बिर : विजयकुमार साह
सरकारी गाडीको दुरुपयोग रोक्न बनेन योजना
गृह मन्त्रालयका आन्तरिक व्यवस्थापन महाशाखा प्रमुख शिवराम पोखरेले सरकारले दुई दिन बिदा दिने निर्णय गरे पनि सरकारी गाडीको दुरुपयोग हुनबाट के कसरी बचाउने भन्ने विषयमा कुनै योजना बनी नसकेको बताउनुभयो ।
तीन सय स्थानमा विजयी भई कांग्रेस सबैभन्दा अगाडि
यस पटकको स्थानीय तहको निर्वाचनमा नेपाली काँग्रेसका तर्फबाट प्रमुख-अध्यक्ष निर्वाचित हुने स्थानीय तहको सङ्ख्या तीन सय पुगेको छ । शुक्रबार राति अबेरसम्म आएको मत परिणामअनुसार काँग्रेसका उम्मेदवारहरूले तीन सय स्थानीय तहमा प्रमुख तथा अध्यक्ष पदमा विजय हासिल गरेका छन् ।
११ उपमहानगरपालिका : कहाँ कसको अग्रता ?
देशैभरमा ११ उपमहानगरपालिकामध्ये प्रमुखमा गठबन्धनका तर्फबाट मधेस प्रदेशको जीतपुर सिमरा र लुम्बिनी प्रदेशको नेपालगञ्ज गरी दुई उपमहानगरपालिका प्रमुखमा नेपाली कांग्रेस विजयी भइसकेको छ।
६६१ स्थानीय तहको नतिजा सार्वजनिक : कांग्रेसले जित्यो २९६ पालिका
स्थानीय तह निर्वाचनअन्तर्गत अहिलेसम्म ६६१ पालिकाको नतिजा सार्वजनिक भएको छ। जसअन्तर्गत नेपाली कांग्रेसले २९६ पालिका जितेको छ भने नेकपा (एमालेले) १८२ पालिका जितेको छ।
बलात्कारविरुद्ध कडा कानुन बनाउन डा. आरजुको अनुरोध
काठमाडौं, जेठ ६ गते। नेपाली कांग्रेसका केन्द्रीय सदस्य डा. आरजु राणा देउवाले बलात्कारसम्बन्धी कानून संशोधन गर्न संसद्लाई अनुरोध गर्नुभएको छ।उहाँले बलात्कारको कानून संशोधनका लागि समिति गठन गरेर संशोधनको प्रक्रिया जतिसक्दो चाँडै अघि बढाउन र उक्त कानून छिटो प्रक्रिया (फास्ट ट्रयाक) बाट पारित गर्न पनि संसद्लाई अनुरोध गर्नुभएको छ।यसबारे सामाजिक सञ्जालमार्फत् धारणा शुक्रबार सार्वजनिक गर्नुहुँदै डा. देउवाले भन्नुभएको छ, ‘‘बलात्कार सहेर बाँचेका महिलाले जीवनभर त्यसको चोट महसुस गर्छन्। उनीहरूका लागि जिन्दगीको सबैभन्दा त्रासद् क्षणमा पुगेर समयको घडी ठप्प रोकिएजस्तो हुन्छ।’’बलात्कारको पीडाबारे बोल्ने र कानूनी उपचार खोज्ने कुनै समय सीमा नभएको उहाँको भनाइ छ। डा. देउवाले न्यायको लडाइँ सुरु गर्ने साहस जुटाउन धेरै वर्ष लाग्नसक्ने बताउनुभयो। उहाँले भन्नुभएको छ, ‘‘अन्य राष्ट्रहरूले दशकौंपछि पनि बाल यौन दुराचारी र बलात्कारीमाथि अभियोग लगाउन र कानूनी कठघरामा ल्याउन अनुमति दिने समय सीमा रहेका कानूनहरू परिवर्तन गरेका छन्।’’बलात्कारको उजुरी दिने समय सीमाबारे प्रश्न गर्दै डा. देउवाले भन्नुभएको छ, ‘‘अपराध सबै अपराध नै हुन्, कुनै अपराधमा २० औं वर्षपछि पनि अभियोग लगाउन सकिन्छ भने बलात्कारीलाई एक वर्षभित्र अभियोग लगाउनुपर्ने समय सीमा किन ?’’नेपालले अब कानून परिवर्तन गर्दै समय सीमा हटाएर महिलालाई सुरक्षाको प्रत्याभूति दिन ढिलाइ गर्नु नहुने उहाँको भनाइ छ। ‘‘एकजना बैनीले आफूमाथि भएको बलात्कारको पीडाबारे सार्वजनिक रूपमा बोल्ने हिम्मत गरिन्, म उनको साहसलाई कदर गर्छु’’, उहाँले थप्नुभयो।यससम्बन्धी कानुनलाई शीघ्र पारित गर्न आग्रह गर्नुभएको छ। साथै उहाँले महिला हिंसाबाट बचाउन सम्बन्धित निकायलाई अनुरोधसमेत गर्नुभएको छ। उहाँले थप्नुभएको छ, ‘‘म नेपाल सरकार र विशेष गरी महिला, बालबालिका तथा ज्येष्ठ नागरिक मन्त्रालय र राष्ट्रिय महिला आयोगलाई बलात्कारको कानून संशोधनका लागि समिति गठन गरेर संशोधनको प्रक्रिया जतिसक्दो चाँडै अघि बढाउन र संसद्लाई उक्त कानून फास्ट ट्रयाकबाट पारित गर्न अनुरोध गर्दछु।’’
खानेपानी, सरसफाइ तथा स्वच्छताको क्षेत्रमा लगानी गर्न आह्वान
काठमाडौं, जेठ ६ गते। खानेपानी मन्त्री उमाकान्त चौधरीले विश्वव्यापी रुपमा फैलिएको कोभिड–१९ को महामारीसहित अन्य प्रकारका रोगको रोकथाम गर्न खानेपानी, सरसफाइ तथा स्वच्छताको महत्त्व बढ्दै गएको बताउनु भएको छ। संयुक्त राष्ट्र संघअन्तर्गतको ‘स्यानिटेसन एण्ड वाटर फर अल’ द्वारा इन्डोनेसियाको राजधानी जकार्तामा जेठ ४ र ५ गते आयोजना भएको मन्त्रीस्तरीय बैठकमा नेपालको प्रतिनिधित्व गर्दै यस्तो धारणा व्यक्त गर्नुभएको हो। मन्त्री चौधरीले जलवायु परिवर्तनको असरबाट खानेपानी, सरसफाइ तथा स्वच्छताको क्षेत्रमा परिरहेको असर न्यूनीकरण गरेर दिगो समाधान गर्न उपयुक्त संस्थागत क्षमता विकास तथा थप लगानीको आवश्यकताको क्षेत्र पहिचान गरी सिकाइको आदान प्रदान गर्न सम्मेलनले योगदान पुग्ने विश्वास व्यक्त गर्नुभयो। ‘बिल्डिङ फरवार्ड बेट्टर फर रिकोभरी एण्ड रिसाइलेन्स’ विषयमा भएको छलफलमा बोल्दै मन्त्री चौधरीले संघीय प्रणाली अनुरुप खानेपानी सरसफाइ र स्वच्छता सेवामा प्रभावकारिता कायम गर्न तथा चुनौतीको सामना गर्न तीन तहकै सरकार र सरोकारवालासँगको सहकार्यमा जोड दिनुभयो। मन्त्री चौधरीले कार्यक्रममा सहभागी विकास साझेदारहरुलाई नेपालको खानेपानी, सरसफाइ तथा स्वच्छताको क्षेत्रमा लगानी गर्न आह्वानसमेत गर्नुभयो। सम्मेलनमा भाग लिने खानेपानी मन्त्रालयका सचिव सुरेश आचार्यसहितको टोली जकार्ता गएको थियो।
सरकारको नीति तथा कार्यक्रम मंगलबार हुने
सरकारको नीति तथा कार्यक्रम जेठ १० गते संघीय संसद्का दुवै सदनको संयुक्त बैठकमा प्रस्तुत हुने भएको छ।
आधारभूत सुविधा सबल बनाउने गरी बजेट ल्याउन सांसदको सुझाव
काठमाडौं, जेठ ६ गते। सांसदले आगामी बजेटमा जनताका आधारभूत सुविधालाई सबल र सर्वसाधारणको सहज पुहँच पुग्ने गरी कार्यक्रम ल्याउन सुझाव दिनुभएको छ। प्रतिनिधिसभाको शुक्रबारको बैठकमा आगामी आर्थिक वर्षको विनियोजन विधेयकका सिद्धान्त र प्राथमिकतामाथिको छलफलमा उहाँहरुले मुलुकको वर्तमान आर्थिक सङ्कटलाई मध्यनजर गर्दै बजेटमा कार्यक्रम ल्याउनुपर्नेमा जोड दिनुभएको हो।छलफलमा सहभागी सांसद देवप्रसाद तिमिल्सिनाले कडा र जटिल रोगका उपचारका लागि सर्वसाधारण जनतालाई सहज सुविधा प्रदान गर्नुपर्ने व्यवस्था गर्न माग गर्नुभयो। उहाँले द्रुत मार्ग समयमै निर्माण गरेमात्र देशले फड्को मार्ने बताउँदै किसानलाई दिने भनिएको सहुलियत टाठाबाठाले पाउने गरेका सम्बन्धमा सरकारको ध्यानाकर्षण गराउनुभयो। सांसद यज्ञराज सुनुवारले मुलुकको अर्थतन्त्र सङ्कटमा परेको विषयलाई आफ्नो पार्टीले गम्भीररुपमा लिएर दायित्व बोध गर्दै संसद्को अवरोध एकतर्फीरुपमा हटाई सङ्घर्षको स्वरुप परिवर्तन गरेको बताउनुभयो। उहाँले संसद्मा जारी यो छलफल औपचारिकताका लागि मात्र नहोस् भन्दै सांसदले उठाएका विषयलाई बजेटमा समेट्नुपर्ने बताउनुभयो।सांसद छक्कबहादुर लामाले कृषि, ग्रामीण विकास र पिछडिएका क्षेत्रलाई आगामी बजेटमा प्राथमिकतामा राख्न सुझाव दिँदै समाजिक न्यायको क्षेत्रमा न्यायोचित वितरणमा ध्यान दिन आग्रह गर्नुभयो। सांसद मीना सुब्बाले किसानलाई समयमै बीउबिजन, मलखादको व्यवस्था तथा अन्य सुविधा प्रदान गर्नसके मुलुक खाद्यान्नमा आत्मनिर्भर हुने धारणा व्यक्त गर्नुभयो। स्वास्थ्य, शिक्षा क्षेत्रमा बजेट बढाउन माग गर्दै उहाँले सांसदका सुझाव कार्यान्वयन गर्न अर्थमन्त्रीको ध्यानाकर्षण गराउनुभयो।सांसद खेमप्रसाद लोहनीले आगामी आवको विधेयकका सिद्धान्त र प्राथमिकता राम्रो भएको उल्लेख गर्दै कार्यान्वयन पक्ष प्रभावकारी बनाउन सुझाव दिनुभयो। उहाँले बजेटमा कृषिलाई आत्मनिर्भर बनाउन र शिक्षा, स्वास्थ्यजस्ता आधारभूत सुविधालाई सर्वसुलभ बनाउने कार्यक्रम ल्याउन सुझाव दिनुभयो। सांसद रङ्गमति शाहीले उत्पादनशील क्षेत्रमा लगानी बढाउनुपर्नेमा जोड दिँदै सरकारले प्रदान गर्ने सहुलियतमा वास्तविक किसानको पहुँच पुग्न नसकेका सन्दर्भमा यो विषय बजेटको प्राथमिकताको विषय हुनुपर्ने बताउनुभयो।बजेटमा उद्यमशीलता कार्यक्रम ल्याई रोजगारी सिर्जना गर्ने विषयमा जोड दिनुपर्ने उहाँको भनाइ थियो।रासस
कृष्णनगर नगरपालिका प्रमुख र उपप्रमुखमा कांग्रेस विजयी
नारद कोहारतौलिहवा, जेठ ६ गते । कपिलवस्तुको कृष्णनगर नगरपालिकाको प्रमुख र उपप्रमुखमा नेपाली कांग्रेसका उम्मेदवार निर्वाचित भएका छन् । नगर प्रमुखमा रजतप्रताप शाह र उपमेयरमा कांग्रेसकै आरती चौधरी निर्वाचित हुनुभएको हो ।कृष्णनगरको मेयरमा निर्वाचित शाहले राप्रपाका उम्मेदवार दीपक रजौरीयालाई १ हजार ४९४ मतले पराजित गर्नुभयो । शाहले ५ हजार ६०६ मत ल्याउँदा राप्रपाका रजौरीयाले ४ हजार ११२ मत प्राप्त गर्नुभएको हो । निर्वाचित भएका शाह २०७४ को निर्वाचनमा स्वतन्त्रबाट नगर प्रमुखमा विजयी हुनुभएको थियो । शाह केही महिना पहिले नेपाली कांग्रेसमा प्रवेश गर्नुभएको हो ।उपप्रमुखमा निर्वाचित कांग्रेसकी चौधरीले ५ हजार ६९१ मत ल्याउदा उहाँको निकटतम प्रतिद्वन्द्वी जनता समाजवादी पार्टी (जसपा)की आरती सिंह यादवले ३ हजार २८२ मत प्राप्त गर्नुभएको हो । कृष्णनगर नगरपालिकामा १२ वटा वडा छन् । जसमध्ये कांग्रेसले तीन, एमाले तीन, जसपाले दुई, माओवादीले दुई, राप्रपा र बहुजन शक्ति पार्टी एक–एक वडामा विजयी भएका छन् ।
विर्तामोड नगरपालिका प्रमुख र उपप्रमुखमा एमाले विजयी
झापाको विर्तामोड नगरपालिकाको प्रमुख र उपप्रमुखमा नेकपा (एमाले)का उम्मेद्वार विजयी भएका छन्। नगर प्रमुखमा पवित्रा महतारा (प्रसाईं) र उपमेयरमा एमालेकै नगेन्द्र संग्रौला निर्वाचित हुनुभएको हो।
