• २२ असार २०८२, आइतबार

क्रिकेट टोलीलाई प्रधानमन्त्रीको बधाई

blog

प्रधानमन्त्री केपी शर्मा ओली नेपाली टोलीलाई बधाई तथा शुभकामना व्यक्त गर्नुहुँदै ।

गोरखापत्र अनलाइन

काठमाडौँ, असार २१ गते । प्रधानमन्त्री केपी शर्मा ओलीले एसिसी यू–१६ इस्ट जोन कप क्रिकेट प्रतियोगिताको उपाधि जित्न सफल नेपाली टोलीलाई बधाई ज्ञापन गर्नुभएको छ । आज सामाजिक सञ्जालमार्फत प्रधानमन्त्री ओलीले  प्रतियोगिताको अन्तिम खेलमा सशक्त प्रदर्शन गर्दै उपाधि हासिल गरेको भन्दै नेपाली यू–१६ राष्ट्रिय टोलीलाई बधाई ज्ञापन गर्नुभएको हो ।  

“एसिसी यू–१६ इस्ट जोन कप क्रिकेट प्रतियोगिताको अन्तिम खेलमा सशक्त प्रदर्शन गर्दै उपाधि हासिल गर्न सफल नेपाली यू–१६ राष्ट्रिय टोलीलाई हार्दिक बधाई १ यस गौरवमय सफलताका लागि प्रशिक्षक, व्यवस्थापन समूहलगायत सबैलाई धन्यवाद” प्रधानमन्त्री ओलीले लेख्नुभएको छ । आज मलेसियामा भएको फाइनल प्रतियोगितामा नेपाली टोलीले सिङ्गापुर टोलीलाई पराजित गरेको छ ।