पिङ खेल्ने क्रममा एकको मृत्यु
दैलेखमा पिङ खेल्ने क्रममा एक जनाको मृत्यु भएको छ । नारायण नगरपालिका –६ काँडाचौरका १८ वर्षीय नवराज बोगटीको मृत्यु भएको जिल्ला प्रहरी कार्यालय दैलेखका प्रहरी निरीक्षक पुरुषोत्तम कार्कीले बताउनुभयो ।
बाढीपहिरो पीडितलाई राहत सामग्री वितरण
बाजुराको हिमाली गाउँपालिका –४ बोर्ताका ११३ घरपरिवारलाई राहत सामग्री वितरण गरिएको छ । असोज २३ देखि २६ गते सम्म लगातार परेको अविरल वर्षाताका कारण हिमाली गाउँपालिकाका झण्डै ११३ परिवारहरू बाढीपहिरोबाट प्रभावित बनेका थिए ।
चौपन्न कुरीया मगरको आगादेऊ पूजा गरिँदै
तेह्रौँ शताब्दीदेखि निरन्तर हुँदैआएको संस्कार आगादेऊ पूजा मंगला गाउँपालिका –३ बरंजामा सुरु भएको छ । मंगला गाउँपालिका –३ र ४ मा मुख्य बसोबास रहेको ५४ कुरीया मगरहरूले यो पर्व मनाउँदैआएका छन् ।
अस्पताललाई ७० लिटर इन्धन सहयोग
विद्युत् समस्या भोगिरहेका बेला अस्पताललाई इन्धन सहयोग गरिएको छ । आवश्यकताका आधारमा जेनेरेटरबाट अस्पतालले आफ्नो सेवा सुचारु गरोस् भनेर सहयोगी निकायबाट इन्धन सहयोग गरिएको हो ।
आलुखेतीमा महिला कृषकको आकर्षण बढ्दो
गुल्मीका ग्रामीण क्षेत्रका कृषक आलुखेती गर्न निकै व्यस्त छन् । जिल्लाको मुसिकोट नगरपालिकाका महिला कृषक समुहमा आबद्ध भएर आलु खेती गर्न उहाँहरु व्यस्त हुनुभएको हो ।
-(1)-original-thumb.jpg)
अवरुद्ध साँफे–मार्तडी राजमार्ग पाँच महिनापछि सञ्चालन
पहिरोका कारण पाँच महिनादेखि अवरुद्ध बनेको जिल्लाको साँफे–मार्तडी राजमार्ग सञ्चालनमा आएको छ । लामो समय सडक सञ्चालन नआउँदा बाजुराका स्थानीयबासीलाई दशैको समयमा दैनिक उपभोग्य खाद्यान सामग्री ढुवानी गर्न समस्या भएको थियो ।
अत्तरिया चोकमा ‘हाइमास्ट लाइट’ जडान
पछिल्लो समय कैलालीको अत्तरिया चोक व्यवस्थित बन्दै गएको छ । गोदावरी नगरपालिकास्थित उक्त चोक निर्माणको लागि नगरपालिकाले थप आवश्यक संरचनाको निर्माण थालेसँगै चोक थप व्यवस्थित बन्दै गएको हो ।
नेपाल संवत्को महत्त्वलाई उजागर गर्न जरुरी छ : प्रधानमन्त्री देउवा
प्रधानमन्त्री शेरबहादुर देउवाले धर्मसंस्कृति, इतिहास र परम्परासँग अभिन्नरूपमा जोडिएको नेपाल संवत्को जगेर्ना गर्दै यसको महत्त्वलाई उजागर गर्न सबैले मिलेर काम गर्न जरुरी रहेको बताउनुभएको छ ।
-original-thumb.jpg)
देउसी भैलीको मौलिकपन जोगाउनै मुश्किल
लक्ष्मीपूजाको दिन भैली र गोवर्द्धन पूजाको दिन देउसी खेल्ने नेपाली मौलिक धार्मिक परम्परा विस्तारै लोपहुँदै गएको छ । झिलिमिली साँझमा घरका दैलोमा आएर भैली खेल्ने, आगनभरी घुमेर देउसी खेल्ने विगतका सांस्कृतिक मौलिक परम्परा आजभोलि विरलै देख्न पाइन्छ ।
नेपाल संवत् सम्पूर्ण नेपालीको हो: डा. बज्रमुनि बज्राचार्य
आज बुधबारदेखि नेपाल संवत् नयाँ वर्ष ११४३ सुरू भएको छ । यो संवत् कार्तिक शुक्ल पक्षको प्रतिपदादेखि सुरू हुन्छ । लक्ष्मीपूजाको भोलिपल्टदेखि सुरु हुने यो संवत्मा आधारित रहेर विभिन्न जात्रा र उत्सव निश्चित गरी मनाउने गरेको पाइन्छ ।
एमाले एक्लैको बहुमत आउँछ : उपाध्यक्ष पौडेल
नेकपा (एमाले) का उपाध्यक्ष विष्णु पौडेलले आगामी प्रतिनिधि सभा र प्रदेश सभा निर्वाचनमा आफ्नो पार्टी एक्लैले बहुमत ल्याउने दाबी गर्नुभएको छ । न्युज एजेन्सी नेपालसँग कुरा गर्दै उहाँले सत्तारुढ गठबन्धनले मुलुकको समस्या समाधान नगरेकाले निर्वाचन पछि पुनः एमाले नेतृत्वमा सरकार बन्ने पौडेलले दावी गर्नुभयो ।
नेपाल संवत् ११४३ न्हूदँया भिन्तुना (फाेटाे फिचर)
नेपाल संवत् ११४३ बुधबारबाट शुरू भएकाे छ । शङ्खधर साख्वाः प्रतिष्ठानले बुधबार मध्यपुुरथिमि, भक्तपुरमा आयोजना गरेको नेपाल संवतका प्रवर्तक शङ्खधर साख्वाको प्रतिमामा माल्यार्पण कार्यक्रममा केही दृश्यहरू
पत्रकार रानाको निधन
बुटवललाई कार्यक्षेत्र बनाएर विगत दुई दशकभन्दा बढी समयदेखि निरन्तर पत्रकारितामा सक्रिय पत्रकार टेक मास्की रानाको बुधवार विहान निधन भएको छ । नेपाल पत्रकार महासंघका लुम्विनी प्रदेश सदस्य समेत रहेका पत्रकार रानालाई एक महिना अघि डेंगु संक्रमण भएको थियो ।
त्रिमूर्तिमा देवकोटा जयन्ती: चार जनाबाट कविता वाचन
महाकवि लक्ष्मीप्रसाद देवकोटाको ११४ औं जयन्तीका उपलक्ष्यमा साहित्यकार डा.तुलसी भट्टराई तथा त्रिमूर्ति निकेतनका संस्थापक तथा अध्यक्ष श्रीमती इन्दिरा प्रसाईले महाकवि देवकोटाको पूर्णकदको सालीकमा माल्यार्पण गर्नुभयो । त्यस अवसरमा उहाँहरुले कविशिरोमणि लेखनाथ पौडयाल र नाट्यसम्राट् बालकृष्ण समको पूर्णकदको सालीकमा पनि माल्यार्पण गर्नुभयो ।
जरिवाना नबुझाउने ५५० जनाको नाम बन्दसूचीबाट हट्यो
निर्वाचन आयोगले निर्वाचन आचारसंहिता बमोजिम तोकिएको जरिवाना नबुझाउने ५५० जनाको नाम बन्दसूचीबाट हटाउने निर्णय गरेको छ । आयोगका सहायक प्रवक्ता कमल भट्टराईले मंगलबार विज्ञप्ति जारी गर्नुहुँदै सो जानकारी गराउनुभएको हो ।
सप्तरी क्षेत्र नं. ३ मा चौधरी र यादवबीच मुख्य प्रतिस्पर्धा
सप्तरीको क्षेत्र नं. ३ मा एमाले–जसपाका साझा उम्मेदवार ताराकान्त चौधरी र पाँच दलीय गठबन्धनका उम्मेदवार दिनेशकुमारयादवबीच प्रतिस्पर्धा हुने देखिएको छ । चौधरी एमालेको तर्फबाट उम्मेदवारी दिनुभएको छ भने यादव नेपाली कांग्रेसको तर्फबाट उम्मेदवार हुनुहुन्छ ।
झिनियाँको माग थेग्नै मुस्किल
अघिल्ला वर्षको तुलनामा यस पटक झिनियाँको माग धेरै हुन थालेको छ । दशैं सुरु भएदेखि नै तिहारलाई लक्ष्य गरी झिनियाँ तयार पारे पनि ग्राहकको मागअनुसार यस पटक बजार थेग्न मुस्किल परेको व्यवसायीहरु बताउँछन् ।
खण्डग्रास सूर्यग्रहण अवलोकन गर्न पाइने
कार्तिक कृष्ण औँसीका दिन मंगलबार लाग्ने ग्रस्तास्त खण्डग्रास (थोरै सूर्य ढाकेर ग्रहणकै अवस्थामा सूर्यास्त हुने) सूर्यग्रहण बत्तीसपुतलीलस्थित नेपाल एष्ट्रोनोमिकल सोसाइटीको कार्यालयमा देखाइने भएको छ।
निर्वाचन देशको परिस्थिति जाँच्ने ब्यारोमिटर: नेता बिजुक्छे
नेपाल मजदुर किसान पार्टीका अध्यक्ष नारायणमान बिजुक्छेले आसन्न प्रतिनिधि सभा र प्रदेश सभा सदस्य निर्वाचन देशको परिस्थिति जाँच्ने ब्यारोमिटर भएको बताउनुभएको छ । प्रतिनिधि सभा र प्रदेश सभा निर्वाचनका लागि पार्टीको घोषणापत्र सार्वजनिक गर्दै मंगलबार उहाँले सो कुरा बताउनुभएको हो ।
बाढीले जलविद्युत केन्द्रमा क्षति पुर्याउँदा मुगु विद्युतविहीन
गत असोजको अन्तिम सातामा आएको भारी वर्षाका कारण गमगाड साना जलविद्युतगृहमा क्षति पुर्याउँदा कर्णाली प्रदेशको मुगु जिल्ला विद्युतविहीन बनेको छ ।
हाम्रो समृद्धिको बाधक सीमापारिको बजार
सीमापारिको भारतीय बजारमा स्थानीय नागरिक किनमेलमा जाने भएपछि आन्तरिक बजार सुकेको छ । खुला सीमाका कारण विना भन्सार सामान आयात हुने भएपछि लाखौँ रुपियाँ बरावरको राजस्व दैनिक खेर गइरहेको स्थानीय व्यापारीको बुझाइ छ ।
गहते गाउँको मुखियामा गुरुङ
लमजुङको सुन्दरबजार नगरपालिका वडा नं. ५ गहते गाउँका स्थानीयले नयाँ मुखिया पाएका छन् । गाउँमा भएको गाउँसभा २०७९ बाट ५५ बर्षीय पालबहादुर गुरुङ मुखियामा चुनिनुभएको हो ।
बाँकेमा राति १० बजेसम्म देउसीभैलो खेल्न पाइने
शान्ति सुरक्षाको अवस्थालाई मध्येनजर गरेर बाँकेमा प्रहरीले सुरक्षा व्यवस्था कडा पार्दै देउसीभैलोको समय निर्धारण गरेको छ । बाँकेमा राति १० बजेसम्म मात्र देउँसी भैलो खेल्ने समय निधारुण गरिएको प्रहरीले जनाएको छ ।
सर्वोच्च अदालत बिहान ११ देखि दिउँसो ३ बजेसम्म खुल्ने
काठमाडौं, कात्तिक ८ गते। सर्वोच्च अदालत तिहार र छठ पर्वमा पनि बन्दीप्रत्यक्षीकरणको रिट निवेदन सुनुवाइका लागि बिहान ११ बजेदेखि अपराह्न ३ बजेसम्म खुल्ने भएको छ।सर्वोच्च अदालत १३ गतेसम्म पूर्णरुपमा बन्द रहने भए पनि शनिबार र भाइटीकाको दिनबाहेक अन्य दिन बन्दी प्रत्यक्षीकरणको रिट निवेदन सुनुवाइका लागि खुला हुने अदालतका प्रवक्ता विमल पौडेलले जानकारी दिनुभयो। न्याय प्रशासन ऐन, २०७३ मा बिदाको दिनमा पनि बन्दी प्रत्यक्षीकरणको रिट निवेदनको सुनुवाइ गर्ने व्यवस्था छ। अदालत पूर्णरुपमा भने तिहार र छठपछि मात्र खुल्नेछ।
सिमकोटमा अन्धकार भएपछि तिहार खल्लो
तेइस दिनदेखि सिमकोट र खार्पुनाथ गाउँपालिकामा अन्धकार छाएको छ । तिहारका बेला बत्ती नभएपछि तिहार खल्लो भएको हो । हिल्दुुम साना जलबिधुुत आयोजनाको नहरलाई पहिरोले क्षति गरेपछि बिधुुत आपुर्ती बन्द भएकाले यहाँको तिहार खल्लो भउको स्थानीयको भनाइ छ ।
