सत्ता पक्षकै सांसदहरुद्वारा प्रदेशसभा बैठक वहिस्कार
कर्णाली प्रदेश सभाको मंगलबारको बैठक सत्तापक्षकै प्रदेश सभा सदस्यहरुले बहिस्कार गरेका छन् । सरकार एकलौटी ढंगले अघि बढेको भन्दै नेकपा (माओवादी केन्द्र) का प्रदेशसभा सदस्यहरुले प्रदेशसभा बैठक बहिस्कार गरेका हुन् ।
दुई वर्षपछि हट्यो दशगजा क्षेत्रमा रहेको चेकपोष्ट र काँडेतार
कपिलवस्तुको कृष्णनगर नगरपालिकाका दशगजा क्षेत्रमा भारतीय पक्षले एकतर्फी रुपमा निर्माण गरेको चेकपोष्ट र काँडेतार हटाएको छ।
देख्ने भन्छन् ‘यो पनि सरकारी स्कुल हो र ?’
झट्ट हेर्दा निजी विद्यालयको भन्दा राम्रो भवन । बाहिरीस्वरुप मात्रै होइन भित्र हेर्दा पनि बालबालिकालाई बस्न र पढ्न सजिलो हुने टेबुल, कुर्सी देखिन्छ । विज्ञानको प्रयोगशालामा विद्यार्थीले प्रयोग गरेरै सिक्छन् । खानेपानी र शौचालय पनि बालमैत्री छन् ।
चलचित्र विकास बोर्ड नेतृत्वका लागि १० जनाको दाबी
सञ्चार तथा सूचना प्रविधि मन्त्रालयले चलचित्र विकास बोर्डको अध्यक्षका लागि १० जना उम्मेदवारको औपचारिक सूची सार्वजनिक गरेको छ । सूचीमा १० जना दाबेदारको नाम सोमबार सार्वजनिक गरिएको हो ।
कोरोना बढेपछि झापामा उच्च सतर्कता
झापामा कोरोना सङ्क्रमणदर बढ्न थालेको भन्दै झापाका प्रमुख जिल्ला अधिकारी छविलाल रिजालको अध्यक्षमा बसेको विपद् व्यवस्थापन समितिले तत्काल यसको रोकथामका लागि सबै प्रकारका आवश्यक तयारी गर्ने र सय बेडको होल्डिङ सेन्टरलाई दुरुस्त राख्ने निर्णय गरेको छ।
वर्षाको आशमा किसान
बागलुङ नगरपालिका– १२ अमलाचौरका ज्ञानेन्द्र ढकालको वर्ष दिन खान पुग्ने धान फल्ने खेत साउन सुरु हुँदासमेत बाँझै छ । विगतका वर्षमा यो बेलासम्म रोपाइँ सक्ने मेसो चलिरहेको हुन्थ्यो ।
‘बिरामी चुरेलाई झन् बिरामी पार्ने काम भएको छ’
राष्ट्रिय गौरवको आयोजनाको रुपमा रहेको राष्ट्रपति चुरे संरक्षण आयोजनामा चुरे क्षेत्रमा भइरहेको उत्खननले चुनौति थपिएको विज्ञको भनाइ छ । चुरेसम्बन्धी जानकार तथा अनुसन्धानकर्ता डा. विनोद भट्टले चुरे क्षेत्रको सरकारले संरक्षण गर्ने भने पनि त्यसतर्फ ध्यान नदिएको बताउनुभयो । चुरे क्षेत्र अन्त्यन्तै संवेदनशील क्षेत्र भएकाले यसको संरक्षण गर्नु सरकारको दायित्व भएपनि त्यसतर्फ खासै ध्यान नदिएको उहाँको आरोप रहेको छ ।
१० तलासम्म आगो निभाउन सक्ने दमकल ल्याइयाे
काठमाडौं महानगरपालिकाले इन्डोनेसियाबाट मङ्गलबार तीन वटा दमकल ल्याएको छ ।
निजगढ विमानस्थलबारे विज्ञ समूह गठनको तयारी
बाराको निजगढमा प्रस्तावित निजगढ अन्तर्राष्ट्रिय विमानस्थल निर्माण गर्न विज्ञ समूह गठन गरेर अध्ययन अगाडि बढाइने भएको छ । नेपाल नागरिक उड्डयन प्राधिकरणको आइतबार बसेको सञ्चालक समितिको बैठकले विमानस्थल निर्माणबारे अध्ययन गर्न विज्ञ समूह गठन गर्ने निर्णय गरेको छ । सो प्रस्ताव संस्कृति, पर्यटन तथा नागरिक उड्डयन मन्त्रालयमार्फत मन्त्रिपरिषद्मा पठाउने तयारी भइरहेको छ ।
‘संस्कृतिको विकासले समृद्धि’
सञ्चार तथा सूचना प्रविधिमन्त्री ज्ञानेन्द्रबहादुर कार्कीले सनातन वैदिक धर्म र संस्कृति जोगाउन सबै पक्षको महत्त्वपूर्ण भूमिका रहने धारणा व्यक्त गर्नुभएको छ । पशुपति मन्दिर परिसरमा जगत्गुरु रामानन्दाचार्य सेवा पीठ तथा महायोगी सिद्धबाबा आध्यात्मिक प्रतिष्ठानले आयोजना गरेको नौदिने अतिरुद्र महायज्ञ सोमबार उद्घाटन गर्दै मन्त्री कार्कीले सो कुरा बताउनुभएको हो ।
दैनिक छ सय जनाले नाम दर्ता गर्न पाउने
अनलाइनबाट गरिने मतदाता नामावली दर्तामा चाप बढेपछि निर्वाचन आयोगले उपत्यकाका तीनवटै जिल्लामा दैनिक दर्ता गराउनेको सङ्ख्या सीमा बढाएको छ । आयोगले प्रत्येक जिल्लामा दैनिक छ सय जनाले ‘प्री रजिस्ट्रेसन’ गरेर बायोमेट्रिकका लागि समय पाउने व्यवस्था गरेको हो ।
जुत्ता–चप्पल राख्नै सकस
जीवनराम श्रेष्ठ गत असार २० गते संस्कृति, पर्यटन तथा नागरिक उड्डयनमन्त्रीमा नियुक्त हुनुभएपछि दलबलसहित पशुपति क्षेत्र जानुभयो । पशुपतिनाथको मूल प्रवेशद्वार अगाडि उहाँले खिचाएको तस्बिरको सामाजिक सञ्जालमा निकै आलोचना भयो । कारण थियो– अन्य भक्तजनले जुत्ता–चप्पल लगाएर जान नपाइने ठाउँमा उहाँहरूले जुत्ता लगाएर खिचिएको तस्बिर ।
एम अधिकारीको विवादले गभर्नरलाई दबाब
नेपाल राष्ट्र बैङ्कका गभर्नर महाप्रसाद अधिकारी प्रमुख प्रतिपक्षी दल नेकपा (एमाले)को अर्थ तथा योजना विभाग सदस्य रहे नरहेको विषयमा निचोड निस्कन सकेको छैन । उपलब्ध गराइएका कागजात र प्रमाणले गभर्नर अधिकारी एमाले सदस्य नरहेको देखिए पनि आमसमुदाय भने त्यसप्रति विश्वस्त हुन सकिरहेका छैनन् । यसकै कारण मौद्रिक नीति सार्वजनिक गर्ने काममा दबाब आएको छ ।
दस दिनमा पाँच न्यायाधीश बर्खास्त
न्यायपरिषद्ले थप दुई न्यायाधीशलाई बर्खास्तको सिफारिस गरेको छ । परिषद्को सिफारिसअनुसार अब प्रधानन्यायाधीशबाट निर्णय कार्यान्वयन हुनेछ । पछिल्लो समय न्यायाधीशमाथि छानबिन र कारबाहीलाई तीव्रतासाथ अघि बढाएको परिषद्ले दस दिनयता पाँच न्यायाधीश बर्खास्त गरेको हो । प्राप्त उजुरी र परिषद्को निगरानीमा छानबिनपछि न्यायाधीश पदमुक्त भएका हुन् ।
नेपालमा कोरोना सङ्क्रमणको चौथाे लहरको सङ्केत
नेपालमा कोरोना सङक्रमणदर पुनः बढ्दो क्रममा रहेको छ । सङ्क्रमण बढेसँगै कोरोना सङ्क्रमणको चौथो लहर सुरु भएको अनुमान चिकित्सकहरूको छ ।
-original-thumb.jpg)
गोरखामा करिब २७ किलोमिटर सडक कालोपत्रे
गण्डकी प्रदेश सरकार मातहतको पूर्वाधार बिकास कार्यालयमार्फत जिल्लामा झण्डै २७ किलोमिटर सडक कालोपत्रे गरिएको छ । कार्यालयले अहिलेसम्म कुल २६.५ किलोमिटर सडक कालोपत्रेको काम सम्पन्न गरेको हो ।
बस्ती विस्तार शीर्षकको बजेट फिर्ता, गाउँ जोखिममै
जोखिममा रहेका बस्ती प्रवर्धनका लागि आएको बजेट फिर्ता गएको पाइएको छ । सिमकोट गाउँपालिका –४ को उच्च जोखिममा रहेको स्याम्ने गाउँको बस्ती बिस्तारका लागि आएको बजेट फिर्ता गएको हो ।
एटिएम मेसिन फोर्न खोज्ने पक्राउ
एनआईसी एशिया बैंकको एटिएम मेसिन फोर्न खोजेको अभियोगमा प्रहरीले एकजनालाई पक्राउ गरेको छ । पक्राउ पर्नेमा रुकुम घर भई हाल पोखरा महानगरपालिका–९ पृथ्वी चोक बस्ने १९ वर्षीय नरेश पुन मगर रहेका छन् ।
बागमती प्रदेशसभा बैठक साउन ५ गते
बागमती प्रदेशसभाको बैठक यही साउन ५ गते बस्ने भएको छ । प्रदेशसभाको १० औँ अधिवेशनको २६ औँ बैठक साउन ५ गते बिहीबार दिनको १ बजे बस्ने निर्णय भएकोे प्रदेशसभा सचिवालयले जनाएको छ ।
औषधिको मूल्य समायोजन मूल्यवृद्धि होइन : महानिर्देशक भट्टराई
औषधि व्यवस्था विभागले मूल्य समायोजन प्रक्रिया अगाडि बढाएको छ । लामो समयदेखि औषधिको मूल्य समायोजन हुन नसकेको भन्दै विभागले मूल्य समायोजन प्रक्रिया अगाडि बढाएको विभागका महानिर्देशक भरत भट्टराईले बताउनुभयो ।
माओवादी अध्यक्ष दाहालसहितका नेताहरूसँग गृहमन्त्री खाण र कानुनमन्त्री शर्माको भेट
गृहमन्त्री बालकृष्ण खाण र कानुन न्याय तथा संसदीय मामिलामन्त्री गोविन्दप्रसाद शर्मा ९कोइराला०ले नेकपा९माओवादी केन्द्र०का अध्यक्ष तथा पूर्वप्रधानमन्त्री पुष्पकमल दाहालसहितका माओवादी नेताहरूसँग छलफल गर्नुभएको छ ।
शङ्कास्पद आगलागीको छानबिन गर्न समिति
काठमाडौँकोे भृकुटीमण्डपस्थित समाज कल्याण परिषद्को गोदामघरमा गत बुधबार भएको आगलागीको छानबिन गर्न समिति गठन गरिएको छ । आगलागीबाट परिषद्का महत्त्वपूर्ण दस्तावेज नष्ट भएको थियो तर त्यसको क्षतिको विवरण अहिलेसम्म आएको छैन ।
पहिलोपटक नागढुङ्गामा ‘भेइकल स्क्यानिङ मेसिन’ जडान गरिँदै
काठमाडौँ उपत्यका प्रवेश गर्ने प्रमुख नाका नागढुङ्गामा सवारी साधन जाँच तथा अभिलेख राख्न अत्याधुनिक उपकरण जडान गरिने भएको छ । उपत्यका भित्रिने र बाहिरिने सवारी साधनका दैनिक ‘रेकर्ड’ ट्राफिक प्रहरीले हातले नै राख्दै आएका छन् भने आशङ्का लागेका सवारी साधन तथा यात्रुलाई खानतलासी गर्ने काम उनीहरुले नै गरिरहेका छन् । उपत्यका भित्रिने प्रमुख नाकामा अवस्थित चन्द्रागिरि नगरपालिकाले देशमा नै पहिलोपटक ‘भेइकल स्क्यानिङ मेसिन’ सो स्थानमा राख्न गृहकार्य सुरुआत गरेको छ । यसका लागि नगरपालिकाले पहिलो चरणमा नेपाल प्रहरीका उच्च नेतृत्व, सडक विभागलगायत अन्य सरोकार निकायसंँग संवाद गरिसकेको छ ।
विवरण दिन ताकेता
प्रतिनिधि सभाअन्तर्गतको विकास तथा प्रविधि समितिको निर्देशन तथा बारम्बारको लिखित र मौखिक ताकेतापछि पनि सहरी विकास मन्त्रालयले बाहिरी चक्रपथ विकास आयोजनाबारे अहिलेसम्मको अवस्थाबारे जानकारी गराएको छैन ।सो समितिको असार १० गतेको बैठकले बाहिरी चक्रपथ विकास आयोजनाबारे अहिलेसम्मको अवस्था तथा सत्यतथ्यबारे दुई हप्ताभित्र समितिमा लिखित जवाफ दिन सहरी विकास मन्त्रालयलाई निर्देशन दिएको थियो ।
विशेष समितिले पाएन सीसीटीभी फुटेज
आर्थिक वर्ष २०७९/८० को वार्षिक बजेटको करका दर हेरफेरमा अनधिकृत व्यक्ति प्रवेशको छानबिन गरिरहेको संसदीय विशेष समितिलाई सीसीटीभी फुटेज दिन अर्थ मन्त्रालयले आनाकानी गरेको छ । मन्त्रालयलाई दुई पटक ताकेता गर्दा पनि जेठको सीसीटीभी फुटेज समितिले नपाएको हो तर असार महिनाको फुटेज भने समितिलाई मन्त्रालयले दिएको छ । समितिलाई जेठको फुटेज भए वा नभएको जवाफसमेत मन्त्रालयले दिएको छैन । लिखित रूपमा फुटेज भए वा नभएको जानकारी दिन समितिले मन्त्रालयलाई पुनः ताकेता गरेको छ । समितिले बिहीबार दिउँसो २ बजेसम्मको समय दिएर पहिलो पटक फुजेट मागेको थियो । समयमा प्राप्त नभएपछि स
