केदार तिमल्सिना
काभ्रेपलाञ्चोक, मङ्सिर २७ गते । काभ्रेपलाञ्चोक जिल्लाको बेथानचोक गाउँपालिका-४ चलालगणेशस्थान नजिकै सल्लाफेदमा यात्रु बस दुर्घटना भएको छ। ढुङ्खर्कबाट पनौतीतर्फ आउँदै गरेको बा ३ ख ४३८५ नम्बरको रिजर्भ बस मङ्गलबार साँझ दुर्घटना भएको जिल्ला प्रहरी कार्यालय काभ्रेपलाञ्चोकले जनाएको छ।
जिल्ला प्रहरी प्रमुख प्रहरी उपरीक्षक चक्रराज जोशीले दुर्घटनामा केहीको मृत्यु भएको खबर आए पनि पुष्टि भने भई नसकेको बताउनुभयो। उहाँले दुर्घटनाका घाइतेलाई उपचारका लागि धुलिखेल तथा बनेपास्थित शिरमेमोरियल अस्पतालमा ल्याउने काम भएको बताउनुभयो।
उहाँले दुर्घटनाका २२ जना घाइतेलाई अस्पताल ल्याइएको बताउनुभयो। दुर्घटनाका घाइतेको उद्धारको काम भइरहेको बेथानचोक गाउँपालिका-४ का वडा अध्यक्ष कृष्णबहादुर लामाले बताउनुभयो। उक्त बस बेथानचोक–५ च्याल्टीमा रिजर्भ गएर फर्कँदै गरेको थियो।
