पार्खिवास, महालक्ष्मीमा काँग्रेस, धनकुटा नगरमा एमाले विजयी
नगर प्रमुख र उपप्रमुखमा एमालेको वर्चस्व एमालेका चिन्तन तामाङले कायम राख्दै दोस्रो पटक पनि नगर प्रमुखमा विजयी हासिल गर्नुभएको छ । धनकुटा जिल्लाको धनकुटा नगरपालिकाको पछिल्लो मत परिणाम सार्वजनिक गरिएको छ ।
विराटनगर महानगर : प्रमुखमा काँग्रेसको अग्रता, छवटा वडाको परिणाम सार्वजनिक
स्थानीय तह निर्वाचनमा विराटनगर महानगरपालिकाको प्रमुख पदमा नेपाली कांग्रेसका नागेश कोइरालाको अग्रता कायम नै रहेको छ ।
मोलुङमा गठबन्धनलाई पराजित गर्दै एमाले विजयी
ओखलढुङ्गाको मोलुङ गाउँपालिकामा नेकपा एमालेका उम्मेदवारहरु विजयी भएका छन् । कांग्रेस–माओवादी गठबन्धनका उम्मेदवारलाई फराकिलो मतान्तरले पराजित गर्दै एमालेबाट अध्यक्षमा उत्तम राई र उपाध्यक्षमा उर्मिला खतिवडा निर्वाचित हुनुभएको हो ।
उदयपुरको रौतामाई, ताप्ली र उदयपुरगढी गाउँपालिकामा गठबन्धन विजयी
दयपुरको तीन वटा गाउँपालिकामा गठबन्धनका उम्मेदवार विजयी भएका छन् । पछिल्लो सार्वजनिक मत परणाम अनुसार रौतामाई गाउँपालिकामा गठबन्धनतर्फको नेकपा (माओवादी केन्द्र) का बिरेन्द्र मगर अध्यक्षमा विजयी हुनु भएको छ ।
स्थानीय तह निर्वाचन परिणाम आउने क्रम जारी
प्रदेश १ का विभिन्न गाउँपालिकाका मतगणनाको परिणाम आउने क्रम जारी छ । विराटनगर महानगरपालिका र उपमहानगरपालिकाको मतगणना प्रारम्भिक चरणमै भइरहेकाले यही पार्टीका उम्मेदवारले जित्छ भन्ने स्थिति बनिसकेको छैन । चम्पादेवीमा काँग्रेसका केसी विजयी ओखलढुङ्गा समाचारदाताका अनुुसार, चम्पादेवी गाउँपालिकाका अध्यक्षमा नेपाली काँग्रेसका नवराज केसी पुनः निर्वाचित हुनुभएको छ । निकटतम प्रतिद्वन्द्वी नेकपा एमालेको तर्फबाट अध्यक्षका उम्मेदवार खड्ग कार्कीलाई ५३ मतले पछि पार्दै केसी अध्यक्षमा निर्वाचित हुनुभएको हो । केसीले ४६१३ मत प्राप्त गर्नुभएको छ भने कार्कीले ४५६० मत प्राप्त गर्नुभएको छ । २०७४ को स्थानीय तह निर्वाचनमा केसी नै अध्यक्षमा निर्वाचित हुनुभएको थियो ।
झापाको कमल गाउँपालिका–३ मा एमाले प्यानल विजयी
झापाको कमल गाउँपालिका वडा नं ३ मा नेकपा एमालेका अध्यक्षका उम्मेदवार अग्निप्रसाद कोइरालासहित प्यानल नै निर्वाचित भएको छ । कोइरालाले एक हजार ७३९ मत प्राप्त गर्नुभएको छ ।
लिम्बुवानका उम्मेदवार वडाध्यक्षमा निर्वाचित
ताप्लेजुङको सिदिङ्वा गाउँपालिका–४ साब्लाखुमा सङ्घीय लोकतान्त्रिक राष्ट्रिय मञ्चसम्बद्ध लिम्बुवान मञ्च नेपालले जित हासिल गरेको छ ।
-original-thumb.jpg)
मैवाखोलामा एमालेको विरासत तोड्दै माओवादी विजयी
ताप्लेजुङको मैवाखोला गाउँपालिकामा एमालेको विरासत तोड्दै नेकपा (माओवादी केन्द्र) विजयी भएको छ। मैवाखोलामा सत्ता गठबन्धनबाट अध्यक्ष पदका साझा उम्मेदवार विजयप्रकाश वनेम लिम्बू अत्यधिक मतका साथ विजयी हुनुभएको हो।
चिशङ्खुगढी गाउँपालिका अध्यक्षमा गठबन्धनका निशान्त शर्मा विजयी
शेरबहादुर राईओखलढुङ्गा, जेठ २ गते । चिशङ्खुगढी गाउँपालिकाको अध्यक्ष्यक्षमा गठबन्धन तर्फका उम्मेदवार माओवादी केन्द्रका निशान्त शर्मा विजयी हुनुभएको छ । निकटतम प्रतिद्वन्द्वी नेकपा एमालेको तर्फबाट अध्यक्षका उम्मेदवार अशोक थापालाई पाँच सय सात मतले पछि पार्दै शर्मा अध्यक्षमा पुन विजयी हुनुभएको हो । २०७४ को स्थानिय तहको निर्वाचनमा पनि शर्मा अध्यक्षमा विजयी हुनुभएको थियो । शर्माले तीन हजार एक सय ९८ मत प्राप्त गर्नुभएको छ भने थापाले दुई हजार छ सय ९१ मत पाउनुभएको छ । यसैबीच गठबन्धनकै तर्फबाट नेपाली काँग्रेसका उपाध्यक्षका उम्मेदवार सन्तोषबाबु थापा चिशङ्खुगढी गाउँपालिकाको उपाध्यक्षमा विजयी हुनुभएको छ । नेकपा एमालेको तर्फबाट उपाध्यक्षकी उम्मेदवार सुस्मिका राईलाई एक हजार ६६ मतले पछि पार्दै थापा निर्वाचित हुनुभएको हो । थापाले तीन हजार एक सय १६ र राईले दुईहजार ५० मत प्राप्त गर्नुभएको छ । पालिकाको आठ वडा मध्ये चार वडामा माओवादी केन्द्रका उम्मेदवार वडा अध्यक्षमा प्यानल सहित विजयी हुनुभएको छ । वडा नं.१ उषक कटुवाल, २ मा नरेन्द्र बस्नेत, ५ मा नेत्र भट्टराई र वडा नं.४ हिमाल राईले माओवादी केन्द्रबाट जित्नुभएको हो । यसैगरी वडा नं. ६ मा र ७ मा नेपाली काँग्रेसका उम्मेदवार बलराम कटुवाल र मुघाधन राई विजयी हुनभएको छ । वडा नं. ८ मा नेकपा एमालेका उम्मेदवार शुसिलजङ कार्की वडा अध्यक्षमा विजयी हुनुभएको छ । वडा नं.३ मा वडा अध्यक्षका उम्मेदवारहरुको मत बराबरी भएपछी पुन मत गणना गरिएको छ । अन्य पालिकाहरुको मत गणना भइरहेको मुख्य निर्वाचन अधिकृतको कार्यालय ओखलढुङ्गाले जनाएको छ । जिल्लाको मोलुङ र खिजिदेम्बा गाउँपालिकाको मतगणना अन्तिम चरणमा पुगेको छ ।
सङ्खुवासभा खाँदबारी नगरपालिकाको प्रमुखमा काँग्रेस, उपप्रमुखमा एमाले विजयी
ध्यान कुलुङ सङ्खुवासभा, जेठ २ गते। खाँदबारी नगरपालिकाको उपप्रमुखमा नेपाली काँग्रेसका महेश थपलिया र उपप्रमुखमा नेकपा (एमाले)का महेश्वरा बज्राचार्य निर्वाचित हुनुभएको छ। थपलियाले निकटतम् प्रतिद्वन्द्वी एमालेका जीतबहादुर घिमिरेलाई पराजित गर्दै विजेता बन्नुभएको हो। त्यस्तै बज्राचार्य नेकपा (माओवादी केन्द्र)का उमेदवार दिव्यराज बराललाई हराउदै उपप्रमुखमा निर्वाचित हुनुभएको हो। थपलियाले ८ हजार ३४ मत प्राप्त गर्नुभएको छ भने एमालेका घिमिरेले ५ हजार ५ सय ८९ मत प्राप्त गर्नुभएको छ। उपमेयर विजेता बज्राचार्यले ६ हजार ३ सय ८५ मत ल्याउँदा बरालले ५ हजार १ सय ४७ मतमात्र प्राप्त गर्नुभएको छ।खाँदबारी नगरपालिकामा गठबन्धनबाट नेपाली कांग्रेसलाई प्रमुख र नेकपा (माओवादी केन्द्र)लाई उपप्रमुखको उमेदवार बनाइएको थियो। उपमेयर विजेता बज्राचार्यले गठबन्धनको उमेदवारलाई पराजित गर्नुभएको हो। अघिल्लो निर्वाचनमा खाँदबारी नगरपालिकामा दुवै पद एमालेले जितेको थियो।१० स्थानीय तह रहेको सङ्खुवासभामा हालसम्म योसहित ३ पालिकाको अन्तिम मत परिणाम आइसकेको छ। सिलिचोङ गाउँपालिकामा नेपाली काँग्रेसले अध्यक्ष र उपाध्यक्ष जितेको छ भने सभापोखरी गाउँपालिकामा अध्यक्ष नेपाली काँग्रेस र उपाध्यक्ष नेकपा एकीकृत समाजवादीले जितेको छ।
चम्पादेवीमा काँग्रेसका केसी र उपाध्यक्षमा एमालेकी मगर विजयी
शेरबहादुर राईओखलढुङ्गा, जेठ २ गते । चम्पादेवी गाउँपालिकाको अध्यक्षमा नेपाली काँग्रेसका नवराज केसी पुनः निर्वाचित हुनुभएको छ । यसअघि पनि २०७४ मा उहाँ गाउँपालिकाको अध्यक्षमा निर्वाचित हुनुभएको थियो ।निकटम प्रतिद्वन्दी नेकपा एमालेबाट अध्यक्षका उम्मेदवार खड्ग कार्कीलाई ५३ मतले पछि पार्दै केसी गाउँपालिका अध्यक्षमा निर्वाचित हुनुभएको हो । केसीले ४६१३ मत प्राप्त गर्नुभएको छ भने कार्कीले ४५६० मत प्राप्त गर्नुभएको छ । गाउँपालिकाको उपाध्यक्षमा नेकपा एमालेकी दिलामाया मगरले जित्नुभएको छ । काँग्रेसकी कुसा मगरलाई २३७ मतले पछि पार्दै एमालेकी दिलामाया मगर उपाध्यक्षमा निर्वाचित हुनुभएको हो । नेपाली काँग्रेसकी कुसा मगरले ४४७८ र एमालेकी दिलामाया मगरले ४७१५ मत प्राप्त गर्नुभएको छ । पालिकाको १० वडा मध्ये सात वडामा नेपाली काँग्रेसले जितेको छ । बाँकी रहेको तीन मध्ये दुई वडा नेकपा एमाले र एउटा माओवादी केन्द्रले जितेको हो । वडा नं. १ कुलबहादुर श्रेष्ठ, २ मा विष्णु पुलामी मगर, ४ मा ईन्द्र केसी, ५ मा मोहन तामाङ, ८ मा खड्गबहादुर बराल, ९ मा सुजन पौडेल र वडा नं.१० मा रोहितप्रसाद ढुङ्गेलले नेपाली काँग्रेसबाट वडा अध्यक्ष जित्नुभएको छ । यसैगरी, वडा नं. ३ मा धनबहादुर श्रेष्ठ र ७ मा सुरेश थापाले नेकपा एमाले बाट वडा अध्यक्षमा विजयी हुनुभएको छ । वडा नं. ६ माओवादी केन्द्रका गणेश खत्रीले चुनाव जित्नुभएको छ । एक नगरपालिका सहित बाँकी रहेका चार गाउँपालिकाको मतगणना भइरहेको मुख्य निर्वाचन अधिकृतको कार्यालय ओखलढुंगाले जनाएको छ । जिल्लाको मोलुङ, खिजिदेम्बा, लिखु गाउँपालिकाको मत गणना अन्तिम चरणमा पुगेको छ । सुनकोशी गाउँपालिकाको मत गणना कार्य ढिलो भइरहेको छ । उक्त पालिकाको दश वडा मध्ये अहिलेसम्म चार वडाको मात्र मतगणना कार्य सकिएको निर्वाचन अधिकृतको कार्यालयले जनाएको छ ।
विराटनगरको प्रमुखमा कांग्रेसका कोइरालाको अग्रता
विराटनगर महानगरपालिकाको प्रमुख पदा सोमबार प्राप्त पछिल्लो मतपरिणाम अनुसार गठबन्धनबाट नेपाली कांग्रेसका उम्मेदवारले अग्रता लिइरहनुभएको छ ।
मानेभञ्ज्याङ्ग अध्यक्षमा स्वतन्त्र उम्मेदवार ज्ञानेन्द्र रुम्दाली विजयी
मानेभञ्ज्याङ्ग गाउँपालिकाको अध्यक्षमा ज्ञानेन्द्र रुम्दाली विजयी हुनुभएको छ । नेपाली काँग्रेससँग गठबन्धन गरी स्वतन्त्र उम्मेदवार बन्नुभएका रुम्दालीले पाँच हजार २१ मत ल्याएर विजयी हुनुभएको हो ।
काँग्रेस र एमालेको बराबरी मत, परिणाम अस्वीकार गर्दा मतगणना स्थगित
वैशाख ३० गते सम्पन्न निर्वाचनको मत गणनाको क्रममा झापाको गौरीगञ्जमा खसेको मतभन्दा बढि गणनाको क्रममा मतपत्र देखिएको भन्दै विवाद सृजना भएको छ ।
सङ्खुवासभाको सिलिचोङमा नेपाली काँग्रेस विजयी
जिल्लाको सिलिचोङ गाउँपालिका अध्यक्ष र उपाध्यक्ष पदमा नेपाली काँग्रेसका उम्मेदवार निर्वाचित हुनुभएको छ । अध्यक्ष पदमा भुपालराज मेवाहाङ र उपाध्यक्ष पदमा देविता कुलुङ निर्वाचित हुनुभएको हो ।
सङ्खुवासभा सभापोखरीमा काँग्रेस नेतृत्वको गठबन्धन विजयी
ध्यान कुलुङसङ्खुवासभा, जेठ १ गते । जिल्लाको सभापोखरी गाउँपालिकामा नेपाली काँग्रेस नेतृत्वको गठबन्धनले अध्यक्ष र उपाध्यक्ष पद जितेको छ । अध्यक्ष पदमा काँग्रेसका भिमबहादुर लिम्बु र नेकपा (एकिकृत समाजवादी) का उपाध्यक्ष लक्ष्मी चापागाई निर्वाचित भएका हुन् । अध्यक्ष पदका उम्मेदवार लिम्बुले ३ हजार ७ मत प्राप्त गर्नुभएको छ । उपाध्यक्ष पदका उम्मेदवार चापागाईले २ हजार ४३९ मत प्राप्त गर्नुभएको छ । निकटतम् प्रतिद्वन्दी नेकपा एमालेका अध्यक्ष रत्नबहादुर सुब्बाले २ हजार ३०५ मत प्राप्त गर्नुभएको छ । त्यस्तै उपाध्यक्षका निकटतम् प्रतिद्वन्दी एमालेका सविता बरालले २ हजार ३७६ मत प्राप्त गर्नुभयो । सभापोखरी गाउँपालिकाका ६ वडाहरु मध्ये वडा १, २ र ३ एमालेले जितेको छ । वडा नम्बर ४, र ६ मा गठबन्धन अन्तर्गतको काँग्रेसले जितेको छ । मित्रवत प्रतिष्पर्धा भएकोमा वडा नम्बर ५ मा पनि काँग्रेसले नै जितेको छ ।
झापाको हल्दिबारीमा राप्रपाले खाता खोल्यो
विष्णुप्रसाद पोखरेलदमक, जेठ १ गते । झापाको हल्दिबारी गाँउपालिकामा राष्ट्रिय प्रजातन्त्र पार्टीले वडामा पहिलो पटक खाता खोलेको छ । पार्टी अध्यक्ष राजेन्द्र लिङ्देनको वार्ड हल्दिबारी १ मा वडाध्यक्षसहित पूरै प्यानल राप्रपाले जितेको छ । निवर्तमान वडाध्यक्ष एमालेका त्रिलोचन सापकोटालाई उछिन्दै राप्रपाका देवीबहादुर थापा प्यानलसहित वडाध्यक्ष विजयी बन्नुभएको हो । वडा सदस्यमा प्रकाश कार्की, कुलबहादुर राई, महिला सदस्यमा शान्ता खतिवडा शिवाकोटी र र दलित महिला सदस्यमा रुपादेवी रसाइली विजयी बन्नुभएको छ । हल्दिबारी गाउँपालिकाको अध्यक्षमा राप्रपाकै रविन्द्र लिङ्देनको फराकिलो अग्रता छ । हल्दिबारी गाँउपालिकामा यसभन्दा अघिको निर्वाचनमा राप्रपाले नै अध्यक्ष जितेको थियो ।
दमक नगरपालिका र कमल गाँउपालिकाको मत परिणाम सार्वजनिक
विष्णुप्रसाद पोखरेलदमक, जेठ १ गते । झापाको दमकमा २ वटा वार्डको निर्वाचन मत परिणाम सार्वजनिक भएको छ । दमक १ मा नेकपा एमालेका प्यानल विजयी भएको छ भने दमक २ मा अध्यक्षमा गठबन्धनले जितेको हो ।दमक १ को वडाध्यक्ष हरी न्यौपाने र २ मा गठबन्धनको तर्फ उम्मेदवार बन्नुभएका नेपाली काँग्रेसका राजेन्द्र भण्डारी विजय हुनुभएको छ । नगर प्रमुखमा गठबन्धनका उम्मेदवार राप्रपाका राम थापा र उपप्रमुखमा नेपाली काँग्रेसकी रेगिना भट्टराईले अग्रता लिइरहनु भएको छ ।यसैगरी, झापाको कमल गाँउपालिकामा १ र २ मा गठबन्धनका वडाध्यक्ष उम्मेदवारहरुले विजय हासिल गर्नुभएको छ । कमल १ मा केदार कट्वाल र २ मा नेकपा एकीकृत समाजवादीका अशोक सुब्बा वडाध्यक्षमा विजयी हुनुभएको हाे ।
ओखलढुङ्गामा २६ वडाको मत परिणाम सार्वजनिक
शेरबहादुर राईओखलढुङ्गा, जेठ १ गते । ओखलढुङ्गामा ७५ वटा वडामध्ये २६ वडाको मत परिमाण सार्वजनिक भएको छ । आईतबार दिउँसोसम्म २६ वडाको अन्तिम मत परिणाम आएको हो । प्राप्त जानकारी अनुसार १७ वडामा नेपाली काँग्रेसका उम्मेदवार विजयी हुनुभएको छ । ६ वडामा भने नेकपा एमालेको तर्फका वडा अध्यक्षको उम्मेदवार विजयी हुनुभएको छ । यसैगरि, माओवादी केन्द्रले दुई र जनता समाजवादी पार्टीले एउटा वडामा विजयी हासिल गर्नुभएको हो । कहाँ को विजयी ?चिशंखुगढी गाउँपालिकावडा नं. १ उषक कटुवाल, माओवादी केन्द्रवडा नं. ८ शुसिल जंग कार्की, नेकपा एमालेसिद्धिचरण नगरपालिकावडा नं. १ तिर्थ घिमिरे, नेपाली काँग्रेसवडा नं. २ बसन्त कटुवाल, माओवादी केन्द्रवडा नं. ११ विनोद ताम्राकार, नेपाली काँग्रेसवडा नं. १२ उमङ्ग श्रेष्ठ, नेपाली काँग्रेसमोलुङ गाउँपालिकावडा नं. २ टङ्क कार्की, नेपाली काँग्रेसवडा नं. ८ सुधिर राई, नेकपा एमालेवडा नं. ७ हेमबहादुर सुनुवार, नेकपा एमालेखिजीदेम्बा गाउँपालिकावडा नं. १ कुमार सुनुवार, जनता समाजवादी पार्टीवडा नं. ९ ङवाङफुरी शेर्पा, नेपाली काँग्रेसवडा नं. ३ टङ्क सुनुवार, नेपाली काँग्रेस वडा नं. २ सुरेन्द्र घिमिरे, नेपाली काँग्रेसवडा नं. ८ नगेन्द्र बस्नेत, नेपाली काँग्रेसलिखु गाउँपालिकावडा नं. १ हिरा कार्की, नेकपा एमालेवडा नं. ९ केशव ढुङ्गेल, नेकपा एमालेमानेभञ्ज्याङ्ग गाउँपालिकावडा नं.१ राजकुमार रुम्दाली, नेपाली काँग्रेस वडा नं. २ राममणि राई, नेपाली काँग्रेस वडा नं. ७ विष्णु प्रसाद गौतम, नेपाली काँग्रेस वडा नं. ८ भिम बलाम्पाकी मगर, नेपाली काँग्रेस वडा नं. ९ पुर्णबहादुर मगर, नेकपा एमालेसुनकोशी गाउँपापलिकावडा नं. १ प्रकाश सापकोटा, गठबन्धन नेपाली काँग्रेसचम्पादेवी गाउँपालिकावडा नं. १० रोहित प्रसाद ढुङ्गेल, नेपाली काँग्रेस वडा नं. १ कुलबहादुर श्रेष्ठ, नेपाली काँग्रेस वडा नं. ९ सुजन पौडेल, नेपाली काँग्रेस वडा नं. ८ खड्गबहादुर बराल, नेपाली काँग्रेस यस्तै, अन्य वडा तथा पालिकाहरुको धमाधम मतगणना भईरहेको मुख्य निर्वाचन अधिकृतको कार्यालय ओखलढुङ्गाले जनाएको छ ।
ताप्लेजुङमा १९ वटा वडाको परिणाम सार्वजनिक
चन्द्र पन्दाकताप्लेजुङ, जेठ १ गते । ताप्लेजुङमा हालसम्म विभिन्न १९ वटा वडाको परिणाम (नतिजा) सार्वजनिक भएको छ । स्थानीय तह निर्वाचनको परिणाम आउने क्रमसँगै जिल्लाका नौ स्थानीयका ६१ वडामध्ये अहिलेसम्म उक्त सङ्ख्यामा वडा तहको नजिता सार्वजनिक भएको हो । आइतबार दिउँसो १ः४० बजे सम्ममा सार्वजनिक भएको चुनावी परिणामअनुसार १० वटा वडामा विजयी हुँदै नेकपा एमालेले अग्रता लिएको छ । यस्तै नेकपा (माओवादी केन्द्र) ले छ वटा र नेपाली काँग्रेसले चार वडामा विजयी हासिल गर्दै क्रमशः द्वितीय र तृतीय स्थानमा रहेको छ । मुख्य निर्वाचन अधिकृतको कार्यालयका अनुसार एमालेको तर्फबाट मेरिङ्देन गाउँपालिका १ को वडाध्यक्षमा सविनकुमार चोङ्बाङ, वडा ५ मा जसमान केदेम, वडा ६ मा मनोजकुमार तुम्बाहाम्फे, सिदिङ्वा गाउँपालिका १ मा गोपाल बानिया, निर्वाचित हुनुभएको छ । यस्तै मिक्वाखोला गाउँपालिका १ मा राम फेम्सोहाङ लिम्बू र वडा २ मा झरेन्द्रप्रसाद थापा, पाथीभरा याङ्वरक गाउँपालिका १ मा दिलकुमार सुनुवार निर्वाचित हुनुभएको छ । सिरिजङ्घा गाउँपालिका १ मा सिंहबहादुर इवारम, मैवाखोला गाउँपालिका ६ मा राजुमान थोप्रा र आठराई त्रिबेणी गाउँपालिका ४ मा अर्जुन आङ्बुहाङ वडाध्यक्षमा निर्वाचित हुनुभएको छ । काँग्रेसको तर्फबाट फुङ्लिङ नगरपालिका १ मा रुद्र मादेन, सिदिङ्वा गाउँपालिका ७ मा लक्षुमन तामाङ, मैवाखोला गाउँपालिका ४ मा फुर्वा शेर्पा र सिरिजङ्घा गाउँपालिका ८ मा कृष्णकुमार गुरुङ वडाध्यक्षमा निर्वाचित हुनुभएको छ । माओवादी केन्द्रको तर्फबाट फुङ्लिङ नगरपालिका १० मा सन्तोष नुगो लिम्बू र वडा ११ मा युवराज भट्टराई (योगेश) निर्वाचित हुनुभएको छ । त्यस्तै फक्ताङ्लुङ गाउँपालिका १ मा यज्ञप्रसाद लिम्बू र वडा २ मा भूपेन्द्र चौलागाईं, आठराई त्रिबेणी गाउँपालिका ५ मा लक्ष्मण राई र मैवाखोला गाउँपालिका ५ को वडाध्यक्षमा केशरकुमार लिम्बू निर्वाचित हुनुभएको छ । जिल्लाका सबै स्थानीय तहमा मत गणना जारी रहेको मुख्य निर्वाचन अधिकृतको कार्यालयले जनाएको छ ।
सुनसरीमा पाँच वडाको मत परिणाम सार्वजनिक
जयकृष्ण यादव इनरुवा, जेठ १ गते । सुनसरीका चार पालिकामा पाँच वटा वडाको मतपरिणाम सार्वजनिक भएको छ । इनरुवा नगरपालिका १ वडामा नेपाली काँग्रसको प्यानल विजयी भएको हाे । दुहवी नगरपालिका १ मा र सीमावर्ती बर्जु गाउँपालिका १ मा नेकपा एमाले र सीमावर्ती हरिनगर गाउँपालिका ७ मा नेकपा एकीकृत समाजवादी र भोक्राहा नरसिंह गाउँपालिका १ मा राप्रपाको प्यानल विजयी भएको छ । जिल्लाको भोक्राहा नरसिंह गाउँपालिका १ मा राष्ट्रिय प्रजातन्त्र पार्टी र भोक्राहा नरसिंह गाउँपालिका १ को वडा अध्यक्षमा राष्ट्रिय प्रजातन्त्र पार्टीका लक्षमण मेहता र उहाँका प्यानलैबाटै चार जना सदस्य निर्वाचित भएका छन् । मेहताले एक हजार ९० मत ल्याएर वडा अध्यक्षमा निर्वाचित हुनुभएको निर्वाचन अधिकृत मोहनबहादुर अधिकारीले जानकारी दिनुभयो । यस वडामा ३ हजार २ सय २८ मतदाता रहेकोमा त्यसमध्ये २ हजार ४ सय ७८ मत खसेकोमा मेहताका निकटम प्रतिद्वन्द्वी नेपाली काँग्रेसका युवराज दाहालले ५ सय ४७ मत ल्याएर पराजित हुनुभएको छ । सदस्यहरूमा राप्रपाकै अकुल महतो ७२९, अमजाद मिँया ६१५, सरिता उराँव ८२५ र दलित महिला सदस्यमा आरतिदेवी शर्माले ८४६ मत ल्याइ निर्वाचित हुनुभएको छ । त्यसैगरी, सीमावर्ती हरिनगर गाउँपालिका ७ मा नेकपा एकीकृत समाजवादी पार्टीको प्यानल र ७ को वडा अध्यक्षमा नेकपा ऐसका मोज्जमिल खान र उहाँका प्यानलैबाटै चार जना सदस्य निर्वाचित हुनुभएको निर्वाचन अधिकृत मोहन घिमिरेले जानकारी दिनुभयो । यस वडाका सदस्यहरूमा नेकपा एसकै सैमुल खातुन, बबितादेवी सरदार, तफेजुल अन्सारी र सईदुरहमान अन्सारी निर्वाचित हुनुभएको छ । दुहबी नगरपालिका १ को वडा अध्यक्षमा नेकपा एमालेका मो.अजुल हुसेनले ९२९ मत ल्याएर विजयी हुनुभएको छ । उहाँका निकटतम प्रतिद्वन्द्वी नेपाली काँग्रेसका जाकिर हुसेन मियाँले ८१३ मत ल्याउनुभएको छ ।साथै, इनरुवा नगरपालिका १ मा नेपाली काँग्रेसको प्यानल र वडा अध्यक्षमा काँग्रेसका प्रमोद पोखरेल र उहाँका प्यानलैबाटै चार जना सदस्य निर्वाचित भएका छन् । बर्जु गाउँपालिका १ मा वडा अध्यक्षमा नेकपा एमालेका दिलबहादुर गुरुङ ९१६ मत ल्याएर विजयी हुनुभएको छ । उहाँका निकटतम प्रतिद्वन्द्वी नेपाली काँग्रेसका मनोज गच्छदारले ६८९ मत प्राप्त गर्नुभएको हो ।
उठेन मृतकको लास र मतपेटिका, कटारी १० को सोरुङ्गछविसे तनावग्रस्त
उदयपुरको कटारी नगरपालिका वडा नं १० स्थित जनता कालिका माध्यमिक विद्यालयमा रहेको मतदान केन्द्रमा प्रहरी र स्थानीयबीच झडप हुँदा प्रहरीले चलाएको गोली लागेर मृत्यु भएका एक युवकको शव अझै घटनास्थलमैै रहेको छ । कटारी नगरपालिका वडा नं १० सोरुङ्गछविसेका १९ वर्षीय नविन कटुवालको शव तीनदिनदेखि मतदान केन्द्रमै रहेको छ ।
जनकपुरधाम–१ मा काँग्रेसको प्यानल विजयी
धनुषा जिल्लाको जनकपुरधाम उपमहानगरपालिका वडा नं. १ मा नेपाली काँग्रेसको प्यानल विजयी भएको छ । शनिबार अबेर राति सम्पन्न भएको मतगणनाबाट ११४३ मत प्राप्त गरी वडाध्यक्षमा दीपनारायण यादव विजयी हुनुभएको हो ।
धरान उपमहानगरपालिकामा काँग्रेसको अग्रता
धरान उपमहानगरपालिकामा तीन हजार ५०० मत गणना गर्दा मेयर पदमा गठबन्धनका उम्मेदवार किशोर राई अग्रस्थानमा हुनुहुन्छ । पछिल्लो मत परिणामअनुसार उहाँले एक हजार ३४० प्राप्त गर्नुभएको छ । स्वतन्त्रका उम्मेदवार हर्क साङपाङले ९२२ प्राप्त गरेका गर्नुभएको छ ।
सुनकोशी–१ मा गठबन्धनको प्यानल विजयी
सुनकोशी गाउँपालिका–१ ओखलढुङ्गामा गठबन्धनका उम्मेदवार विजयी हुनुभएको छ । गठबन्धनको वडा अध्यक्षका उम्मेदवार प्रकाश सापकोटाको प्यानल विजयी भएको हो ।
