दीर्घरोगीलाई निःशुल्क औषधि
जिल्लामा डाँडापारिको गाउँपालिका भनेर चिनिने लिखुपिके गाउँपालिकाले दीर्घरोगीलाई निःशुल्क औषधि वितरण सुरु गरेको छ। गाउँपालिकाले वार्षिक नीति तथा कार्यक्रमअनुसार दीर्घरोगीलाई पहिलो पटक औषधि वितरण सुरु गरेको गाउँपालिका अध्यक्ष मीना कार्की बस्नेतले जानकारी दिनुभयो। जिल्लाकै पहिलो महिला गाउँपालिका अध्यक्ष कार्कीले गाउँघरमै पुगेर दीर्घरोगीको स्वास्थ्य परीक्षण र औषधि वितरण गरिने बताउनुभयो। “पालिकावासीको स्वास्थ्य, शिक्षा, खानेपानीलगायत सबै समस्यालाई प्राथमिकताका आधारमा अघि बढाउने मेरो प्रयत्न रहनेछ, म जनताको अमूल्य मतको कदर गर्दै अघि बढ्ने छु,” अध्यक्ष कार्कीले भन्नुभयो। आर्थिक अवस्था कमजोर भएर स्वास्थ्य उपचारका लागि समस्या झेलिरहेका पालिकावासीलाई स्थानीय सरकारले राहतस्वरूप यो कार्यक्रम ल्याएको उहाँको भनाइ छ।
सङ्ग्रहालयमा बढ्यो चहलपहल
लिम्बुवानका अन्तिम राजा हिलिहाङले राज्य गरेको ऐतिहासिक तथा पुरातात्त्विक महत्वको पाँचथरस्थित हस्तपुर गढीमा रहेको दरबार परिसरमा सङ्ग्रहालय, गेट र सालिक स्थापना भएपछि आन्तरिक पर्यटकको चहलपहल बढेको छ। हिलिहाङ–४ र याङवरक–६ को सङ्गमस्थलमा अवस्थित हिलिहाङ दरबार परिसरमा स्थानीय सरकारको पहलमा आकर्षक सङ्ग्रहालय निर्माण भएसँगै यस क्षेत्रमा चहलपहल बढेको हो। पुरातात्त्विक महत्वको यो दरबार क्षेत्रको जीर्णोद्धार र संरक्षण गर्दै पर्यटकीय गन्तव्यका रूपमा विकास गर्ने उद्देश्यले हिलिहाङ गाउँपालिकाले दुई वर्षअघि एक करोड २६ लाख रुपियाँ लागतमा प्यागोडा शैलीको सङ्ग्रहालय निर्माण गरेको थियो।
फिदिममा सुम्हात्लुङ मिनि म्याराथन हुने
पाँचथरमा उधौली पर्वको अवसरमा चौथो सस्करणको सुम्हात्लुङ मिनि म्याराथन पुस १४ गते हुने भएको छ । प्रतियोगिता साढे नौ किलोमिटर दुरीको हुने आयोजक सस्थाले आइतवार पत्रकार सम्मेलन गर्दै जानकारी गराएको हो ।
जलथललाई फुटबल उपाधि
झापाको कनकाई नगरपालिका २ जामुनखाडी सिमसार रङ्गशालामा भएको प्रथम हर्क राई स्मृति कप फुटबलको उपाधि जलथल फुटबल क्लब झापाले जितेको छ । उपाधि सगै जलथलले नगद एक लाख ११ हजार रुपियाँ पुरस्कार पायो ।
कोशीटप्पुमा ५० हजारले काटे खर, आरक्षलाई भयो २५ लाख आम्दानी
सप्तरी, सुनसरी र उदयपुरसहित प्रदेश १ र मधेश प्रदेशमा गरी तीन जिल्लामा फैलिएको कोशीटप्पु वन्यजन्तु आरक्षमा ५० हजार स्थानीयले खर काटेका छन् ।
खोटाङमा बस दुर्घटना : ६ घाइते, एकको अवस्था गम्भीर
उदयपुरको गाइघाटबाट खोटाङको दिक्तेल आउँदैगरेको बस दुर्घटना भएको छ । प्रदेश १– ०५–००१ ख ००१७ नम्बरको यात्रुवाहक बस दिक्तेल रुपाकोट मझुवागढी नगरपालिका –१४ बुइपामा दुर्घटना हुँदा ६ जना घाइते भएको जिल्ला प्रहरी कार्यालय खोटाङले जनाएको छ ।
ताप्लेजुङ प्रहरीलाई उल्लेख्य सफलता
विभिन्न घटनाका दोषी तथा आरोपीलाई पक्राउ गर्ने कार्यमा ताप्लेजुङ प्रहरीले उल्लेख्य सफलता हासिल गरेको छ । चालू आर्थिक वर्षको पुसको पहिलो साता सम्ममा दोषी तथा आरोपीमध्ये करिब ९३ प्रतिशतलाई प्रहरीले पक्राउ गरेको हो ।
सडक सौन्दर्यीकरण हुँदै, छिट्टै सञ्चालनको तयारी
विराटनगरको हिमालय सडकलाई सौन्दर्यीकरण गर्ने काम एक महिनाभित्र सम्पन्न गर्ने विराटनगर महानगरपालिकाले जनाएको छ। निर्माण सम्पन्न भएसँगै त्यसलाई व्यावसायिक उपयोगमा ल्याउने महानगरको तयारी छ।
जहाँ बाटो त्यहाँ अटो
कात्तिक तेस्रो साता पाँचथरको फिदिम–१ की डोमा शेर्पा फिदिमबाट स्कुटर लिएर हिलिहाङ गाउँपालिका–५ मा रहेको आगेजुङ गुम्बातर्फ प्रस्थान गर्नुभयो। गोपेटार बजारसम्म सडक कालोपत्रे भएकाले त्यहाँसम्म पुग्न कठिन भएन। त्यहाँबाट आठ किलोमिटर कच्ची सडक पार गर्दा गुम्बा पुगिन्थ्यो। स्कुटर भर्खरै सिकेकी उहाँलाई कच्ची सडकमा लैजाने हिम्मत भएन। कसरी जाने होला भनेर सोच्न नभ्याउँदै ‘अटो रिक्सा’ आइपुग्यो। एक सय भाडा तिरेर उहाँ गुम्बा पुग्नुभयो र फर्किदा पनि अटोमै फर्कनुभयो।
पुर्ख्यौली व्यवसायमा फर्किँदै माझीटारका युवा
पाँचथरका हिलिहाङ गाउँपालिका र फिदिम नगरपालिकाको सङ्गममा पर्ने माझी टारका युवाले पुर्ख्यौली पेसालाई निरन्तरता दिने अभियान सुरुवात गरेका छन् ।
तस्बिरमा मौलिकता र पहिचान
पाँचथर र तेह्रथुम जिल्लालाई सिमाना छुट्याएर बग्ने तमोर नदी किनारमा शनिबार एउटा बेग्लै मौलिकता र पहिचान देखियो।
प्रदेश १ मा एक वर्षमा पाँच वटा हात्ती मरे
सुनसरीसहित प्रदेश १ मा एक वर्षमा पाँच वटा जङ्गली हात्तीको मरेका छन् । प्रदेश १ को झापा, सुनसरी र उदयपुर गरेर तीन जिल्लामा वर्षमा पाँच वटा हात्ती मरेका हुन् ।
भेडेटारमा खाना महोत्सव हुँदै
पूर्वको प्रमुख पर्यटकीय स्थल भेडेटारमा तीनदिने दसौँ भेडेटार खाना महोत्सव आयोजना हुने भएको छ।
सर्पदंश उपचार सेवालाई व्यवस्थित बनाइँदै
झापाको दमकस्थित नेपाल रेडक्रस सोसाइटी उपशाखाले सञ्चालन गर्दैआएको सर्पदंश उपचार सेवालाई थप प्रभावकारी बनाउने तथा सिकिस्त बिरामीको उपचारका लागि भेन्टिलेटर सुविधा उपलब्ध गराउने साधारण सभाबाट निर्णय गरेको छ ।
ठेकेदारले काम नगरेपछि दिक्तेल–गाईघाट सडक कालोपत्रको ठेक्का तोडियो
सगरमाथा राष्ट्रिय राजमार्गअन्तर्गत पर्ने गाईघाट–दिक्तेल सडकखण्डको दुई वटा प्याकेज (खण्ड) कालोपत्रको ठेक्का तोडिएको छ ।
गठबन्धन टुटे एमाले सरकारमा जान्छ: पोखरेल
वर्तमान गठबन्धन टुटे एमाले पनि सरकारमा सामेल हुनसक्ने नेकपा (एमाले) का वरिष्ठ उपाध्यक्ष ईश्वर पोखरेलले बताउनु भएको छ ।
उद्योगबाट पुर्जी जारी
सुनसरीको बर्जुस्थित इस्टर्न सुगर मिलले दैनिक १८ हजार क्विन्टल उखु क्रसिङमा लगाउन बुधबार पुर्जी जारी गरेको छ । मिलका महाप्रबन्धक झाले सरकारले मूल्य नतोके पनि समयमै क्रसिङ सुरु नगरे उखुको तौल घट्ने भएकाले किसान र मिल दुवैलाई घाटा हुने बताउनुभयो । “सरकारले समर्थन मूल्य तोकेपछि त्यसका आधारमा भुक्तानी दिनेछौँ । अहिले उखु काटेर ल्याउन भनेको छौँ,” महाप्रबन्धक झाले भन्नुभयो ।
सुनसरी–मोरङ कोरिडोरमा थपियो ठूलो उद्योग
कोभिड–१९ सङ्क्रमणपछि सुनसरी–मोरङ औद्योगिक कोरिडोरमा ठूलो लगानीमा नयाँ डन्डी उद्योग सञ्चालनमा आएको छ । सुनसरीको दुहबी नगरपालिका–१, परास्टोकीमा दुई अर्ब ५० करोड रुपियाँको लगानीमा स्वस्तिक रोलिङ मिल सञ्चालनमा आएको हो ।
तराईसँग सडक सम्पर्कमा खोटाङ
पहाडी जिल्ला खोटाङ तराईसँग सिधा सडकमा जोडिएको छ। दिक्तेल–गाईघाट सडकखण्डमा पर्ने सुनकोसीस्थित फोक्सिङटारमा मोटरेबल पक्की पुल सञ्चालनमा आएपछि खोटाङ तराईसँग सिधा सडकमा जोडिएको हो। सगरमाथा राष्ट्रिय राजमार्गअन्तर्गत वारिपारि सडक बने पनि नदीमा पुल नहुँदा पूर्वी तराईका विभिन्न जिल्ला जोड्ने सबैभन्दा छोटो दूरीको दिक्तेल–गाईघाट सडकखण्डबाट यात्रा गर्न सास्ती थियो। हिउँदमा अस्थायी रूपमा फोक्सिङटार बेलिब्रिज जडान गरेर सवारीसाधन वारपार हुने गरेको थियो। बर्खाको समयमा भने बेलिब्रिज हटाएपछि कटारी–घुर्मी–जयराम हुँदै यात्रा र दैनिक उपभोग्य सामग्री ढुवानी गर्नुपर्ने बाध्यता थियो।
दिगो बजारीकरणमा सहयोग गर्न सरकारसँग किसानको आग्रह
धनकुटाका किसानले एकल उत्पादन र सामूहिक व्यवस्थापनसँगै दिगो बजारीकरणमा सहयोग गर्न किसानहरूले सरकारसँग आग्रह गरेका छन् ।
झापामा जेठाजुको हत्या आरोपमा बुहारी पक्राउ
आफ्नै जेठाजुको विभत्स हत्या गरेको आरोपमा झापा कनकाई नगरपालिका ४ इलुवावारीकी ४९ वर्षीया रनमाया बाँस्तोलालाई १२ घण्टा नबित्दै प्रहरीले पक्राउ गरेको छ।
हिमालय रोड सौन्दर्यकरणको काम अघि बढ्यो
विराटनगरको हिमालय रोडलाई सौन्दर्यकरण गर्ने काम अब एक महिनाभित्र सम्पन्न गर्ने विराटगनर महानगरपालिकाले जनाएको छ । निर्माण सम्पन्न भएसँगै त्यसलाई व्यावसायिक उपयोगमा ल्याउने महानगरको तयारी छ ।
दुई अर्ब ५० करोड लगानीमा फलामे उद्योग
सुनसरी मोरङ औद्योगिक करिडोरमा दुई अर्ब ५० करोड रुपियाँ लगानीमा स्थापना भएको स्वस्तिक रोलिङ्ग मिलले व्यवसायिक उत्पादन सुरु गरेको छ।
धरानको साबुन फ्याक्ट्रीमा उच्च अदालतको रोक
धरान उपमहानगरपालिकाको नगरप्रमुख हर्कराज राईले निर्माण गर्नुभएको साबुन फ्याक्ट्री ऐन विपरीत सञ्चालन गर्नुभएको भन्दै उच्च अदालत विराटनगरले रोक लगाएको छ।