ट्रम्प प्रशासनको करवृद्धि जापानका लागि ‘राष्ट्रिय सङ्कट’
अमेरिकी राष्ट्रपति डोनाल्ड ट्रम्पले जापानी सामानमा लगाएको करले ‘राष्ट्रिय सङ्कट’ निम्त्याएको जापानका प्रधानमन्त्री शिगेरु इशिबाले शुक्रबार बताउनुभएको छ ।
सिंजाको नराकोटमा मालपोत र नापी कार्यालय स्थापना
सिंजा क्षेत्रको तिनवटा स्थानीय तहलाई लक्षित गरि मालपोत र नापी कार्यालय नरोकोटमा स्थापना गरिएको छ ।
खिजीदेम्बाको मैदानेमा बौद्ध चैत्य निर्माण
ओखलढुङ्गाको खिजीदेम्बा गाउँपालिका–९ मैदानेमा श्रमदान मार्फत बौद्ध चैत्य निर्माण गरिएको छ । सहयोगी दाताहरुको आर्थिक तथा श्रमदान मार्फत चैत्य निर्माण गरिएको हो ।
रिक्सा चालक महिलाको कथाः गुजारा चलाउन सहज
बुटवल उपमहानगरपालिका–८ की रीता अधिकारीको दैनिक गुजारा राम्रो चलिरहेको छ । उहाँ दिनभरि ई–रिक्सा चलाउनु हुन्छ । त्यसबाट उहाँ दैनिक करिब रु एक हजार ७०० कमाउनुहुन्छ ।
सप्तरीमा यस वर्ष चैते धान उत्पानमा वृद्धि हुने
सप्तरीमा यस वर्ष चैते धानको उत्पादनमा वृद्धि हुने भएको छ । गत वर्षभन्दा ३५० हेक्टर क्षेत्रफल बढी जग्गामा चैते धान रोपाई भएकोले उत्पादनमा वृद्धि हुने भएको हो ।
-original-thumb.jpg)
गुल्मी उद्योग वाणिज्य संघमा अध्यक्ष बाहेकका सबै सर्वसम्मत
गुल्मी उद्योग वाणिज्य संघमा अध्यक्ष बाहेकका सबै पद सर्वसम्मत चयन भएका छन् । वाणिज्य संघको उपाध्यक्षमा इश्वरीप्रसाद बेलबासे, गोपालप्रसाद भुसाल र तारा भुसाल सर्वसम्मत निर्वाचित हुनुभएको छ ।
म्याग्दीमा शैक्षिक सत्र अगावै पुस्तक
यहाँ नयाँ शैक्षिक सत्र सुरु नहुँदै पुस्तक वितरण गर्न थालिएको छ । नेपाल पुस्तक तथा स्टेसनरी व्यवसायी महासङ्घले जनक शिक्षा सामग्री लिमिटेडको पोखरा बिक्री केन्द्रबाट पुस्तक ल्याएर विद्यालयलाई वितरण गर्न थालेको हो ।
मध्यनेपालमा रैथाने बाली प्रवर्धन गरिने
कुनैबेला मुख्य बालीमा पर्ने कागुनो खेती अहिले भने लोपोन्मुख अवस्थामा पुुगेको छ ।
सेवारखोला चारलेन पुलकाे काम ३० प्रतिशत सम्पन्न
दाङको घोराही उपमहानगरपालिका–१६ स्थित सेवारखोलामा निर्माण भइरहेको पुलको ३० प्रतिशत काम सम्पन्न भएको छ ।
वनको डढेलो निभाउने क्रममा जलेर एक जनाको मृत्यु
वनमा लागेको डढेलो आगो निभाउने क्रममा एक जना पुरुषको मृत्यु भएको छ । मृत्यु हुनेमा रिव्दीकोट गाउँपालिका–७, पालुङ्मैनादीका ६१ वर्षीय टेकबहादुर सर्तुङ्गीमगर रहनुभएको छ ।
युवालाई दमाहा बजाउने कला सिकाइँदै
भीमदत्त नगरपालिकाले नगर क्षेत्रका युवालाई दमाहा बजाउन सिकाउन थालेको छ । १५ दिने तालिमको व्यवस्था गरी नगरपालिकाले युवाहरुलाई दमाहा बाजा बजाउनमा पोख्त बनाउन थालेको हो ।
सञ्चय कोषद्वारा पाँच अर्ब ३४ करोड मुनाफा वितरण
कर्मचारी सञ्चय कोषले गत आर्थिक वर्षमा आर्जन गरेको कुल मुनाफाबाट सञ्चयकर्ता तथा योगदानकर्तालाई करिब रु पाँच अर्ब ३४ करोड मुनाफा वितरण गरेको छ ।
मैवाखोलाका दुईवटा वडा पूर्णखोप सुनिश्चित घोषणा
ताप्लेजुङको मैवाखोला गाउँपालिकाका दुईवटा वडालाई पूर्णखोप सुनिश्चित वडा घोषणा गरिएको छ । गाउँपालिकाका छमध्ये वडा नम्बर १ र २ ढुङ्गेसाँघुलाई पूर्णखोप सुनिश्चित वडा घोषणा गरिएको हो ।
त्रिभुवन अन्तर्राष्ट्रिय विमानस्थल सफाइ कर्मचारीका समस्या समाधानको पहल
तलब नपाएको भन्दै आन्दोलनमा रहेका सरसफाइ कमर्चारीको समस्या समाधानका लागि पहल सुरु भएको त्रिभुवन अन्तरराष्ट्रिय विमानस्थल व्यवस्थापन पक्षले जनाएको छ ।
ट्राफिक अनुगमन तीव्र, सात लाख ७९ हजारभन्दा बढी राजस्व सङ्कलन
नयाँ वर्ष नजिकिँदै जाँदा बझाङमा ट्राफिक प्रहरीले सार्वजनिक सवारीसाधनको अनुगमनलाई तीव्र बनाएको छ । यात्रुको सुरक्षित आवागमन सुनिश्चित गर्न सवारी जाँच तथा निगरानी कडाइका साथ गरिएको जिल्ला ट्राफिक प्रहरी कार्यालय बझाङले जनाएको छ ।
सुनचाँदीको मूल्य घट्यो
सुनचाँदीको मूल्य घटेको छ । बिहीबार प्रतितोला रू एक लाख ८० हजार तीन सयमा कारोबार भएर हालसम्मकै उच्च बिन्दुमा पुगेको सुनको मूल्य आज तोलामा रू तीन हजार नौ सय घटेको हो ।
सभामुख घिमिरेसहित नेपाली प्रतिनिधिमण्डल उज्वेकिस्तान प्रस्थान
सभामुख देवराज घिमिरे अन्तरव्यवस्थापिका सङ्घको १५०औँ वार्षिकसभा तथा असंलग्न आन्दोलन संसदीय सञ्जालको चौथो शिखर सम्मेलनमा सहभागी हुन नेपाली प्रतिनिधिमण्डलको नेतृत्व गर्दै आज उज्वेकिस्तान प्रस्थान गर्नुभएको छ ।
जङ्गलमा आगो लगाउनेविरुद्ध अपराधिक उपद्रव मुद्दा
सार्वजनिक र नीजि जङ्गलमा आगो लगाउने प्रवृत्ति बढेपछि पाँचथरमा वनमा जथाभावी आगो लगाउनेलाई पक्राउ गरेर मुद्दा चलाउन थालिएको छ ।
बागलुङको गलकोटमा सघन सहरी विकास आयोजना सञ्चालन
पश्चिम बागलुङको गल्कोट नगरपालिकामा सघन सहरी विकास आयोजना सञ्चालनमा आएको छ । नगरका शहरी क्षेत्रलाई व्यवस्थित बनाउने, विकासले प्रभाव पारेका स्थानीयलाई आयआर्जनमा जोड्ने, पूर्वाधारमा अब्बल र नगरको आफ्नै सहरी शासकीय क्षमता विकास गर्ने लक्ष्यसहित सघन सहरी विकास आयोजना सञ्चालनमा ल्याइएको हो ।
फुसको छानामुक्त हुने अभियानमा मैवाखोला
ताप्लेजुङको मैवाखोला गाउँपालिकालाई फुस (खर) को छानामुक्त पालिका बनाउने अभियान सुरु गरिएको छ । गाउँपालिकाले हालसम्म फुसको छाना भएका सबै परिवारको घरको छाना विस्थापन गरी जस्तापाता लगाउने र पालिकालाई नै फुसको छानामुक्त बनाउने अभियान सुरु गरेको हो ।
हावाको गतिले घटायो वायु प्रदूषण
हावाको गति बढेसँगै आज वायु प्रदूषणको मात्रा पनि घटेको छ । केही दिनयता विश्वकै पहिलो प्रदूषित सहरको रूपमा सूचीकृत भएको काठमाडौँ उपत्यका आज भने प्रदूषणको मात्रा घटेर सातौँ नं मा सूचीकृत भएको छ ।
अभौतिक सांस्कृतिक सम्पदा सूचीकरण गर्न संस्कृति मन्त्रालयको आह्वान
संस्कृति, पर्यटन तथा नागरिक उड्डयन मन्त्रालयले अभौतिक सांस्कृतिक सम्पदा सूचीकरण गर्नका लागि आवेदन आह्वान गरेको छ ।
दक्षिण कोरियाको संवैधानिक अदालतद्वारा राष्ट्रपति युनको महाभियोगलाई समर्थन
दक्षिण कोरियाको संवैधानिक अदालतले राष्ट्रपति युन सुक–योललाई छोटो समयका लागि मार्शल ल लगाएकोमा महाभियोग लगाउने राष्ट्रियसभाको प्रस्तावलाई समर्थन गरेको छ ।
भालुको आक्रमणबाट एक जना गम्भीर घाइते
जङ्गली भालुको आक्रमणबाट बर्दिवासका एक जना गम्भीर घाइते भएका छन् । घाइते हुनेमा बर्दिवास नगरपालिका–३ पाटुका ५१ वर्षीय जिस्नुप्रसाद दुलाल रहेको इलाका प्रहरी कार्यालय ढल्केबरले जनाएको छ ।
समयमै काम गर्दा पनि भुक्तानी नपाएपछि व्यवसायी तनावमा
टोपलाल अर्यालरेसुङ्गा, चैत २२ गते । गुल्मी जिल्लामै दर्जनौँ विकास योजना निर्माण व्यवसायीले काम नगरेर अलपत्र छन् । तर समयमै काम गर्ने निर्माण व्यवसायीलाई सरकारले पुरस्कार र ऊर्जाको सट्टा मानसिक र आर्थिक दण्ड दिइरहेको पाइएको छ । त्यसको उदाहरण रेसुङ्गा नगरपालिका–९ का निर्माण व्यवसायी विजय खनाल हो । उहाँले धेरै योजनाहरू समयमै गरे पनि पैसा नपाएर पीडित हुनुहुन्छ । देशभर १५ शय्याको अस्पताल निर्माणको अभियान चलेपछि विभिन्न स्थानीय सरकारले अस्पतालको टेन्डर खोले । निर्माण व्यवसायी खनालले आर्थिक वर्ष ०७७/०७८ मा बिकेओआइ–अर्जुन–न्यु लिजा जे.भी मार्फत गुल्मी दरबार काम गर्नुभयो । उहाँले जिल्लामा सबैभन्दा छिटो अस्पताल बनाएपछि गुल्मी दरवारको सवैतिर चर्चा भयो । तर निर्माण व्यवसायी खनालले सम्झौता अनुसारको रकम पाउनु भएन । श्रोत, साधन नभएपछि लामो समय अस्पताल निर्माण भएर पनि अलपत्र बन्यो । अहिले दुई महिनादेखि पालिकाले आधारभूत अस्पताल सञ्चालन गरेको छ । निर्माण व्यवसायीले आफूले पाउनुपर्ने रकम ७४ लाख ४६ हजार ९५ रुपियाँ पालिकाले नदिएपछि दर्दनाक पत्र पठाउनु भएको छ । पालिकाले अस्पतालबाट सेवा दिन थाले पनि सम्झौता अनुसारको बाँकी पैसा नदिएका कारण आर्थिक अवस्था निकै बिग्रेको, मानसिक तथा नैतिक समस्यासँगै रोगहरू समेत लागेको निर्माण व्यवसायी विजय खनालले पत्रमा लेख्नु भएको छ । ‘पैसाको कारण मानसिक र नैतिक रूपमा कमजोर र रोग समेत लागेका छन् । पैसाको लागि पालिकादेखि मन्त्रीसम्म गुहार मागे पनि काम लागेन,’उहाँले भन्नुभयो,‘ यही कारण म बाट केही भए कार्यालयले सबै जिम्मेवारी लिनुपर्नेछ ।’ अस्पताल निर्माणको पैसा स्वास्थ्य मन्त्रालयबाट नआएका कारण आफूहरूलाई भुक्तानीमा समस्या परेको गुल्मी दरवार गाउँपालिकाका योजना शाखा प्रमुख टङ्क पन्थीले बताउनुभयो । उहाँले गत वर्ष पालिकाले केही पैसा बिनियोजन गरेर निर्माण व्यवसायीलाई दिए पनि अब अवस्था नरहेको बताउनुभयो । निर्माण व्यवसायी खनालले गुल्मीको अग्लुङ्ग फेदी खोला पुल चार महिनामै निर्माण गर्नुभयो । गुल्मीको पञ्चमी पोखरी–अग्लुङ्ग हुँदै प्युठान जोड्ने सडकमा पुल चार महिनामै निर्माण गरे पनि भौतिक पूर्वाधार कार्यालयले साढे दुई करोड रकम दिएको छैन । आफूले निर्माण गर्ने ९९ प्रतिशत योजनामा म्याद थप नगरेको खनालले बताउनुहुन्छ । तर, काम गरेको पैसा समयमै नपाउँदा निकै पीडा बोकेर हिँड्नु परेको उहाँको गुनासो छ । खनालले गुल्मी र पाल्पाबाट समयमै काम गरेका योजनाको १२ करोड बढी रकम पाउनुपर्ने रहेको दाबी गर्नुभयो । सडक पूर्वाधार कार्यालय गुल्मीका इन्जिनियर सचिदानन्द चौधरीले गत र अहिले गरेर निर्माण व्यवसायीलाई भुक्तानी गर्नुपर्ने ३८ करोड दायित्व रहेको बताउनुभयो । उहाँले भन्नुभयो, ‘‘पुँजीगत बजेट खर्च नगरे पनि सुख छैन ।’’ ‘‘समयमै काम गरे निर्माण व्यवसायीले रकम पाउँदैनन्,’’ चौधरीले भन्नुभयो, ‘‘गत वर्ष भौचर काटेको १२ करोड प्रदेशबाट भुक्तानी भएन ।’’ यो वर्ष सडक पूर्वाधार कार्यालयमा २१३ योजना रहेका छन् । योजना धेरै बजेट कम भएका कारण कार्यालय सङ्कटमा रहेको छ ।
