प्रलोभन, पद र पैसाले निर्वाचनलाई प्रभावित पार्नुहुँदैन : प्रमुख निर्वाचन आयुक्त थपलिया
अभिव्यक्तिको स्वतन्त्रतासँग मिथ्या सूचना, दुष्प्रचार र घृणात्मक अभिव्यक्तिलाई मिलाउनु हुँदैन । त्यो त दूषित हुन्छ । त्यो त विष हो ।
‘संसद् भङ्ग गर्ने परम्परा हटायौँ’
प्रधानमन्त्री एवं नेपाली कांग्रेसका सभापति शेरबहादुर देउवाले संसद् भङ्ग गर्ने परम्परा अन्त्य भएको बताउनुभएको छ। गृहजिल्ला डडेल्धुरामा शनिबार आयोजित चुनावी सभालाई सम्बोधन गर्नुहुँदै उहाँले संविधानमा भएको व्यवस्थाअनुसार संसद्बाट सरकार गठनको सम्भावना भएसम्म अबदेखि संसद् भङ्ग नहुने बताउनुभएको हो।
सीमा विवाद कूटनीतिक माध्यमबाट समाधान गरिन्छ : प्रधानमन्त्री देउवा
प्रधानमन्त्री तथा नेपाली कांग्रेसका सभापति शेरबहादुर देउवाले नेपाल–भारतबीच रहेका सीमा विवाद कूटनीतिक सम्बन्ध र वार्ताका माध्यमबाट समाधान गरिने प्रतिबद्धता व्यक्त गर्नुभएको छ।
गठबन्धनका उम्मेदवारलाई विजयी गराउन पुर्व जनमुक्ति सेना प्रतिबद्ध
कात्तिक १९, कोहलपुर। पुर्व जनमुक्ती सेनाका प्रतिनिधिले पाँच दलीय वाम-लोकतान्त्रिक गठबन्धनका उम्मेदवारलाई विजयी गराउने बताएका छन। शनिबार पुर्व जनमुक्ती सेनाका प्रतिनिधि तथा उम्मेदवारबीच कोहलपुरमा भएको छलफलमा वाम–लोकतान्त्रीक गठबन्धनका उम्मेदवारलाई जिताउने प्रतिबद्धता जनाएका हुन।लामो त्याग र बलिदानबाट प्राप्त व्यवस्था र संविधानको रक्षार्थ पाँच दलीय गठबन्धनले खेलेको भुमिका मत्त्वपूर्ण रहेको भन्दै यस्तो प्रतिबद्धता जनाएका हुन्। कार्यक्रमलाई सम्बोधन गर्नुहुँदै गठबन्धनको तर्फबाट बाँके क्षेत्र नम्बर १ का प्रतिनिध सभा सदस्य उम्मेदवार महेश्वर गहतराज (अथक) ले अहिलेको व्यवस्था ल्याउनमा जनमुक्ती सेनले खेलेको भूमिका अतुलनीय रहेको बताउनुभयो। कार्यक्रममा बोल्दै प्रदेश सभा (ख) का उम्मेदवार फुलाराम थारुले गठबन्धनका उम्मेदवारलाई जिताउन सबै लाग्नुपर्नेमा जोड दिनुभएको छ।
एमाले उम्मेदवार वलीलाई आयोगले सोध्यो स्पष्टीकरण
काठमाडौं, कात्तिक १९ गते । निर्वाचन आयोगले प्रतिनिधिसभा सदस्य दाङ क्षेत्र नम्बर ३ का नेकपा (एमाले)का उम्मेदवार कोमल वलीलाई निर्वाचन प्रचार-प्रसारका लागि बालबालिकाको प्रयोग गरेको विषयमा स्पष्टीकरण सोधेको छ ।निर्वाचन आचारसंहिता, २०७९ को दफा १३ मा राजनीतिक दल, उम्मेदवार, दलको भातृ सङ्गठन तथा सम्बन्धित व्यक्तिले पालना गर्नुपर्ने आचरणअन्तर्गत उपदफा (१) को खण्ड (ट) मा ‘निर्वाचन प्रचार-प्रसार, आमसभा तथा जुलुसमा बालबालिकाको प्रयोग गर्न वा गराउन नहुने’, व्यवस्था छ ।“तपाईँले निर्वाचन आचारसंहिताको दफा १३ को उपदफा (१) को खण्ड (ट)को प्रतिकूल हुने गरी निर्वाचन प्रचार-प्रसार गर्नु भएको होइन भन्ने आधार, प्रमाण के छ ? निर्वाचनका प्रक्रिया अगाडि बढिसकेको तथा निर्वाचन आचारसंहिता लागू भइसकेको अवस्थामा तपाईँले किन जानाजान रूपमा निर्वाचन आचारसंहिताको उल्लङ्घन हुने कार्य गर्नुभएको हो ?”, आयोगको स्पष्टीकरणमा भनिएको छ ।आयोगले निर्वाचन प्रचार–प्रसारमा बालबालिकाको प्रयोग गर्नु हुँदैन भन्ने जानकारी हुँदाहुँदै सो कार्य गरेको देखिएकाले आचारसंहिताको उल्लङ्घनमा निर्वाचन आयोग ऐन, २०७३ को दफा २३ को उपदफा (३) र (४) बमोजिमको कारबाही किन हुनु नपर्ने हो ? भनी पत्र प्राप्त भएको २४ घण्टाभित्र आफैँ वा आफ्नो प्रतिनिधिमार्फत निर्वाचन आयोगमा वा जिल्ला निर्वाचन कार्यालय दाङमा प्राप्त हुने गरी जवाफ पठाउन उम्मेदवार वलीलाई भनेको छ ।
झुटको राजनीति गर्नेका दिन सकिए : रामकुमारी झाँक्री
नेकपा (एकीकृत समाजवादी)की सचिव तथा गुल्मी–२ बाट प्रतिनिधिसभाका उम्मेदवार रामकुमारी झाँक्रीले गुल्मीको पोटफोलियो बदल्ने बताउनुभएको छ। उहाँले चुनाव जितेपछि गुल्मीका अवसर, चुनौतीको पहिचान गरेर इमानका साथ काम गर्ने प्रतिबद्धता जनाउनुभयो।
लोकतन्त्रको नाममा लुटतन्त्र : अध्यक्ष लिङदेन
राष्ट्रिय प्रजातन्त्र पार्टीका अध्यक्ष राजेन्द्र लिङदेनले लोकतन्त्रको नाममा देशमा लुटतन्त्र मच्चिरहेको बताउनुभएको छ।
आचारसंहिता उल्लङ्घन भइरहे आयोग चुप लागेर बस्दैन : आयुक्त जबरा
निर्वाचन आयोगका आयुक्त सगुन शमशेर जबराले निर्वाचन आचारसंहिता उल्लङ्घन भइरहे आयोग चुप लागेर नबस्ने बताउनुभएको छ ।
विकासका लागि गठबन्धन जरुरी छ : नेता पौडेल
नेपाली कांग्रेसका वरिष्ठ नेता तथा तनहुँ-१ बाट प्रतिनिधिसभा सदस्यको उम्मेदवार रामचन्द्र पौडेलले संविधान बचाउन र अग्रमनको लागि सत्ता गठबन्धनलाई मत दिन आग्रह गर्नुभएको छ।
करको दरमा छुट दिने निर्णय बदर गर्न गण्डकी प्रदेश सरकारलाई निर्देशन
निर्वाचन आयोगले करका दरहरू परिवर्तन गरेकोबारे गण्डकी प्रदेश सरकारलाई स्पष्टीकरण सोधेको छ । निर्वाचन आचारसंहिता लागू भइसकेको अवस्थामा प्रदेश राजपत्रमा सूचना प्रकाशित गरी करका दरहरू परिवर्तन गरेको देखिएको भन्दै स्पष्टीकरण सोधेको हो ।
महानगर प्रमुख साहलाई स्पष्टीकरण
निर्वाचन आयोगले काठमाडौं महानगरपालिकाका प्रमुख वालेन्द्र साहलाई स्पष्टीकरण सोधेको छ ।
निर्वाचनमा तीन दिन सीमा बन्द हुने
मङ्सिर ४ गते हुने प्रतिनिधिसभा र प्रदेशसभा सदस्यको निर्वाचनको समयमा मङ्सिर १ गते राति १२ बजेदेखि मंसिर ४ गते राति १२ बजेसम्म नेपाल–भारत बीचको सीमा नाका बन्द गरिने भएको छ ।
निर्वाचनपछि गठबन्धनकै सरकार : प्रधानमन्त्री देउवा
नेपाली कांग्रेसका सभापति एवम् प्रधानमन्त्री शेरबहादुर देउवाले निर्वाचनपछि पनि गठबन्धनकै सरकार बनाउनुपर्ने आवश्यकता रहेको बताउनुभएको छ ।
निर्वाचनमा ४४ राष्ट्रिय र तीनवटा अन्तर्राष्ट्रिय संस्थालाई पर्यवेक्षण अनुमति
मङ्सिर ४ गते सम्पन्न हुने प्रतिनिधि तथा प्रदेशसभाको निर्वाचनमा ४४ राष्ट्रिय र तीनवटा अन्तर्राष्ट्रिय गैरसरकारी संस्थालाई निर्वाचन पर्यवेक्षण गर्न अनुमति दिइएको छ ।
बदर मत घटाउन सल्यानमा नमुना मतदान
सल्यान, कात्तिक १९ गते। बदर मत घटाउन सल्यानमा नमुना मतदान भएको छ। जिल्लाका ४ वटा पालिकामा नमुना मतदान भएको हो । मङ्सिर ४ गते हुने प्रदेश र प्रतिनिधि सभा निर्वाचनलाई दृष्टिगत गर्दै दार्मा, शिद्धकुमाख गाउँपालिका, वागचौर र शारदा नगरपालिका नमुना मतदान भएको जिल्ला निर्वाचन कार्यालय सल्यानले जनाएको छ। एक प्रतिनिधि सभा र दुई प्रदेश सभा रहेको सल्यानमा १० स्थानमा नमुना मतदान सञ्चालन गरिने छ। निर्वाचन कार्यालयका प्रमुख निमराज भट्टराईले निर्वाचनमा बदर मत घटाउने र मतदातालाई मतदाता शिक्षा दिने उदेश्यले नमुना मतदान गरिएको बताउनुभयो। उहाका अनुसार निर्वाचनमा मतदान गर्ने तरिका लगायतका विषयमा जानकारी दिएर मतदाता शिक्षा कार्यक्रम सञ्चालन गरिएको हो। निर्वाचन कार्यालयले स्थानीय तहको एकजना अधिकृत तहको कर्मचारीलाई निर्वाचन सम्पर्क व्यक्ति (अनुगमन अधिकृत)को रूपमा जिम्मेवारी तोकेको छ। जिल्ला निर्वाचनका कार्यालय सल्यानका सूचना अधिकारी तेजेन्द्र चन्दले निर्वाचनलाई स्वच्छ, निष्पक्ष, भयरहित बनाउन, निर्वाचन आचारसंहिता पालनाका लागि पनि जनचेतनामूलक कार्यक्रम सञ्चालन गरिएको बताउनुभयो।
जसपाको आर्थिक एजेण्डा : प्रतिव्यक्ति आय पाँच हजार डलर पुर्याउने
कुल गार्हस्थ उत्पादनको ५० प्रतिशत स्थीर पुँजीको रुपमा विकास गर्ने, पाँच वर्षमा निरन्तर २ अङ्कको आर्थिक वृद्धि हासिल गर्ने र प्रति व्यक्ति आय पाँच हजार डलर पर्याउने जसपाको लक्ष्य छ ।
सप्तरीमा उम्मेदवारहरू घरदैलाेमा व्यस्त
प्रतिनिधिसभा र प्रदेशसभाको निर्वाचनको लागि यतिबेला उम्मेदवारहरू घरदैलोमा व्यस्त छन् । सप्तरीको चार वटै निर्वाचनमा सत्तारुढ गठबन्धन र एमाले जसपा गठबन्धनबीच कडा प्रतिस्पर्धा हुने भएको छ ।
‘लोकतन्त्र र गणतन्त्रको रक्षाका लागि गठबन्धनको विकल्प छैन’
सिराज खान नेपालगञ्ज, कात्तिक १९ गते । नेपाली कांग्रेसका केन्द्रीय सहमहामन्त्री किशोरसिंह राठोरले नेपाली कांग्रेसको नेतृत्वमा मात्रै नेपालमा विकास, स्थायित्व र समृद्धि हुने बताउनुभएको छ।बाँके क्षेत्र नम्बर-३ का प्रतिनिधिसभा सदस्य उम्मेदवार सहमहामन्त्री राठोरले चुनावी सभालाई सम्बोधन गर्दै संविधान, लोकतन्त्र र गणतन्त्रको रक्षाका लागि गठबन्धनको विकल्प नरहेको बताउनुभयो।लामो समयमसम्म जनताले गरेको सङ्घर्ष, बलिदान र त्यागबाट प्राप्त भएको संविधान र लोकतन्त्रको रक्षाका लागि सबै नेपाली पुनः एकजुट हुनुपर्नेमा उहाँले जोड दिनुभएको छ । सहमहामन्त्री राठोरले निर्वाचनले देशलाई विकास र समृद्धिको बाटोमा अगाडि बढाउने बताउनुभयो।‘हामीले चुनाव जितेपछि गर्न सक्ने काम मात्रै जनतालाई भन्ने हो । गर्न नसक्ने झुटो आश्वासन दिने होइन,’ उहाँले भन्नुभयो ‘कांग्रेसले अहिलेसम्म जनतालाई झुटो आश्वासन दिएको छैन, अब पनि जनतालाई झुटो र उधारो आश्वासन दिँदैन । संविधान, लोकतन्त्र र गणतन्त्रको रक्षाका लागि गठबन्धनको जित आवश्यक छ ।’ गठबन्धनले जितेपछि बाँके क्षेत्र नम्बर-३ मात्र नभएर सिङ्गो मुलुकको समृद्धि र विकास हुने उहाँको भनाइ छ।
नेता नेपाल र गुप्ताबीच चुनावमा पुनः प्रतिस्पर्धा
प्रतिनिधिसभा सदस्यको लागि रौतहट क्षेत्र नं. १ मा वाम लोकतान्त्रिक गठबन्धनका उम्मेदवार नेकपा (एकीकृत समाजवादी)का अध्यक्ष माधवकुमार नेपालसँग गौर नगरपालिकाका पूर्व नगरप्रमुख तथा नेकपा एमालेका उम्मेदवार अजय गुप्ताले याे पटक पनि कडा टक्कर दिने सम्भावना बढेकाे छ ।
ओखलढुङ्गामा नमुना मतदान
ओखलढुङ्गा सदरमुकाममा नमुना मतदान गरिएको छ । आगामी मङ्सिर ४ गते हुन गइरहेको निर्वाचनलाई लक्षित गरी जिल्ला निर्वाचन कार्यालयको आयोजनामा नमुना मतदान गरिएको हो ।
जसपाको चुनावी प्रतिबद्धता पत्र सार्वजनिक (पूर्णपाठसहित)
जसपाले सार्वजनिक गरेको ३५ पृष्ठ लामो प्रतिबद्धता पत्रमा संविधान संशोधन, परिमार्जन तथा पुनर्लेखनको आवश्यकता उल्लेख गरिएको छ ।
रसुवामा १० जना उम्मेदवारबीच प्रतिस्पर्धा
एकमात्र निर्वाचन क्षेत्र रहेको रसुवामा १० जना उम्मेदवारबीच प्रतिस्पर्धा हुँदै छ ।
मकवानपुरमा २६ जना उम्मेदवारबीच प्रतिस्पर्धा
दुई निर्वाचन क्षेत्र रहेको मकवानपुरमा २६ जना उम्मेदवारबीच प्रतिस्पर्धा हुँदैछ । मङ्सिर ४ गते हुन लागेको प्रतिनिधिसभा र प्रदेशसभा सदस्य निर्वाचनका लागि मकवानपुर निर्वाचन क्षेत्र नं. १ र २ गरी २६ जना उम्मेदवार चुनावी प्रतिस्पर्धामा रहेको निर्वाचन आयोगले जनाएको छ ।
गृहमन्त्री खाणलाई सिङ्गो गाउँको साथ
रुपन्देहीको सिद्धार्थनगर नगरपालिका वडा नं ८ स्थित भैरहवा बसडिलियाको सिङ्गो गाउँ नै नेपाली कांग्रेसमा प्रवेश गर्दै गृहमन्त्री बालकृष्ण खाणलाई समर्थन गरेको छ ।
गोवरगाढामा हेलिकप्टरद्वारा मतपेटिका लगिने
भौगोलिक रूपमा सप्तकोसी नदीले चारैतिरबाट घेरिएको गोवरगाढा मतदानस्थलमा मङ्सिर – ४ मा हुन गइरहेको निर्वाचनको लागि मतपेटिकालगायतका निर्वाचन सामग्रीहरु हेलिकप्टरबाट लगिने तय भएको सप्तरीका प्रमुख जिल्ला अधिकारी भूपेन्द्र थापाले जानकारी दिनुभयो ।
