सिर्जना खत्री
कोभिड-१९ विरुद्धको खोपमा लक्ष्य हासिल गरेको दाबी
काठमाडौं, साउन १८ गते। स्वास्थ्य सेवा विभाग परिवार कल्याण महाशाखा प्रमुख डा. विवेककुमार लालले नेपालले कोभिड-१९ विरुद्धको खोपमा लक्ष्य हासिल गरेको दाबी गर्नुभएको छ। स्वास्थ्य मन्त्रालयको बुधबारको प्रेस ब्रिफिङमा नेपालले कोभिड-१९ विरुद्धको खोपमा लक्ष्य हासिल गरेको दाबी गर्नुभएको हो। नेपालमा खोप अभियान दक्षिण-पूर्वी एसियाकै उच्च रहेको उहाँको भनाइ छ। खोप अभियान सुरु भएदेखि अहिलेसम्म कुल जनसंख्याको ७३ प्रतिशत भन्दा बढीले कोभिड–१९ विरुद्ध खोप लगाइसकेको डा.लालले जानकारी दिनुभयो। ७० प्रतिशत भन्दा बढीले दोस्रो अथवा पूर्ण मात्रा खोप लगाइसकेका छन्। १२ वर्षमाथिका लक्षित समूहमा पहिलो मात्राको ९२ प्रतिशत भन्दा बढी र दोस्रो मात्राको ८८ प्रतिशत बढीले खोप लगाइसकेको डा. लालले जानकारी दिनुभयो। २७ जिल्लाका ५ देखि ११ वर्षका बालबालिकालाई कोभिड-१९ विरुद्धको खोपको दुवै मात्रा दिइसकिएको छ। बाँकी ५० जिल्लामा भदौ ५ गतेदेखि खोप अभियान सञ्चालन गर्ने तयारी भइरहेको डा.लालले जानकारी दिनुभयो। खोपले सङ्क्रमणको जोखिम कम गर्नुका साथै मृत्युदर घटाउने हुँदा खोप लगाउन छुटेकालाई नजिकैको खोप केन्द्र गएर खोप लगाउन र पूर्ण खोप लगाएको तीन महिना पुगेकालाई बुस्टर डोज लगाउन पनि उहाँले आग्रह गर्नुभयो। हालसम्म नेपालमा ५ करोड ८८ लाख ९१ हजार ५७० मात्रा खोप प्राप्त भएको डा. लालले जानकारी दिनुभयो। यसमा कोभ्याक्स सुविधाबाट दुई करोड ७४ लाख ९१ हजार ६०० खोप प्राप्त भएको छ। कोभ्याक्सबाट खोपबाहेक अन्य खोपजन्य सामग्री पनि प्राप्त भइरहेको उहाँले बताउनुभयो। डा. लालका अनुसार गाभीले अझै पनि खोप तथा खोपजन्य सामग्री उपलब्ध गराउने प्रतिवद्धता गरेको छ।नेपालमा कोभिड-१९ पछि खोप भण्डारणको क्षमतामा व्यापक वृद्धि भएको पनि उहाँले जानकारी दिनुभयो। कोभिड भन्दा पहिले खोप भण्डारणको क्षमता १४५ घनमिटर मात्रै थियो भने अहिले ५३२ प्रतिशत बढेर ९१७ घनमिटर भण्डारण क्षमता रहेको छ। गाभी लगायत अन्य दाता निकायको सहयोगमा यो उपलब्धि हासिल भएको उहाँको भनाइ छ।
सबैभन्दा धेरै कोरोना संक्रमित काठमाडौं र ललितपुरमा
देशभर सक्रिय सङ्क्रमितको संख्या बढ्दै गएको छ। साउन १ गते १४ सय ३९ जना भएका सक्रिय सङ्क्रमित १७ दिनमा बढेर पाँच हजार १४४ पुगेका छन्।
बालबालिकामा भाइरल ज्वरोको सङ्क्रमण बढ्दै
छिल्लो केही दिनदेखि बालबालिकामा भाइरल ज्वरोको सङ्क्रमण बढ्दै गएको छ । महाराजगञ्जस्थित कान्ति बाल अस्पतालका बालरोग विशेषज्ञ डा. अनिल श्रेष्ठले बालबालिकामा भाइरल ज्वरोको सङ्क्रमण बढेसँगै अस्पतालमा बिरामीको भीड बढ्न थालेको जानकारी दिनुभयो ।
स्तनपान गराउँदा १६ देखि २२ प्रतिशतसम्म नवजात शिशुको मृत्युदर घटाउन सकिन्छ
बच्चा जन्मिएको एक घण्टाभित्रमा स्तनपान गराउँदा १६ देखि २२ प्रतिशतसम्म नवजात शिशुको मृत्युदर घटाउन सकिने विभिन्न अध्ययनले देखाएको छ ।
मङ्कीपक्स भित्रिन नदिन सरकारले थाल्यो तयारी
प्रायः मध्य तथा पश्चिम अफ्रिकी देशहरुमा मात्र हुनेगरेको मङ्कीपक्स हाल यसको प्रकोप विश्वका धेरै देशमा दु्रत गतिले फैलिरहेको छ । सन् २०२२ मे १३ पछि यो संक्रमण अन्य देशहरुमा फैलियो । विभिन्न देशमा जनस्वास्थ्यको जोखिम बढ्दै गएपछि साउन ७ गते विश्व स्वास्थ्य सङ्गठन (डब्लुएचओ)ले मङ्कीपक्सलाई जनस्वास्थ्य आपतकाल घोषणा गर्यो ।
हेपाटाइटिस ‘बी’ र ‘सी’ का कारण हरेक वर्ष करिब ११ लाखको मृत्यु
विश्व स्वास्थ्य सङ्गठनका अनुसार हरेक वर्ष विश्वमा करिब ११ लाख मानिसको मृत्यु हेपाटाइटिस ‘बी’ र ‘सी’ का कारण हुनेगर्छ । त्यसैगरी ९४ लाख मानिस क्रोनिक हेपाटाइटिस ‘सी’ भाइरसबाट सङ्क्रमित हुनेगरेका छन् ।
साउनयता ७ जनाको मृत्यु, मृतक ६ जना खोप नलगाएका
नेपालमा असार १ गतेबाट कोरोना सङ्क्रमणदर पुनः बढेकाे छ । स्वास्थ्य तथा जनसङ्ख्या मन्त्रालयको तथ्याङ्कमा सङ्क्रमणदर बढेसँगै एक महिनाभित्र साउन १ गते एक जना कोरोना सङ्क्रमितको मृत्यु भएकाे छ । सङ्क्रमणका कारण चार महिनाअघि मात्र सङ्क्रमितको मृत्यु भएकाे थियाे । साउन एक गतेदेखि हिजाेसम्म अर्थात १० दिनमा ७ जना सङ्क्रमितको मृत्यु भएको छ ।
बढ्दै कोरोना : आईसीयू र भेन्टिलेटरमा ३४ संक्रमित
नेपालमा कोरोना सङ्क्रमणदर बढेसँगै देशभर सक्रिय सङ्क्रमितको सङ्ख्या बढ्न थालेको छ।
कोरोनाविरुद्धको डेढ लाख खोप खेर गएकाे अनुमान
कोरोनाविरुद्धको करिब डेढ लाख खोप खेर गरेको अनुमान गरिएको छ । स्वास्थ्य सेवा विभाग, आपूर्ति शाखाका वरिष्ठ फार्मेसी अधिकृत बडेबाबु थापाले कोरोनाविरुद्धको कोभिसिल्डको करिब डेढ लाख खोप खेर गएको अनुमान गर्नुभयो ।उहाँका अनुसार जुलाई २३ तारिखसम्म मात्रै कोभिसिल्डको खोपको म्याद रहेको थियो ।
जीवनमा १५–१६ हजार लाशमा छुरा चलाएँ : डा.वस्ती
फरेन्सिक मेडिसिन विज्ञ प्रा.डा. हरिहर वस्तीले फरेन्सिक मेडिसिन भनेको मुर्दा चिर्ने मात्रै नभई कुनै पनि घटना घटी सकेपछि जिउँदा वा मुर्दा मानिसमा के कारणले घटना घट्यो भनेर कानुनलाई प्रमाण जुटाउने विधा भएको बताउनुहुन्छ ।
बिहीबार सङ्क्रमणदर १२ प्रतिशत पुग्यो : उपत्यकामा धेरै सक्रिय संक्रमित
नेपालमा चौंथो लहरमा प्रवेश गरेसँग कोरोना सङ्क्रमणदर बढ्दो क्रममा छ। एक महिना अघि एक प्रतिशत भन्दा काम भएको सङ्क्रमणदर बढेर १२ प्रतिशत भन्दा बढीमा पुगेको छ ।
‘बालबालिकामा हुने क्यान्सर शतप्रतिशत निको हुन्छ’
हरेक वर्ष नेपालमा एक हजारदेखि १५ सयको हाराहारीमा बाल क्यान्सरका नयाँ बिरामी थपिने अनुमान गरिएको छ।नयाँ थपिएका क्यान्सरका सबै बिरामी उपचारको पहुँचमा नभएको चिकित्सकको भनाइ छ।
नेपालमा कोरोना सङ्क्रमणको चौथाे लहरको सङ्केत
नेपालमा कोरोना सङक्रमणदर पुनः बढ्दो क्रममा रहेको छ । सङ्क्रमण बढेसँगै कोरोना सङ्क्रमणको चौथो लहर सुरु भएको अनुमान चिकित्सकहरूको छ ।
औषधिको मूल्य समायोजन मूल्यवृद्धि होइन : महानिर्देशक भट्टराई
औषधि व्यवस्था विभागले मूल्य समायोजन प्रक्रिया अगाडि बढाएको छ । लामो समयदेखि औषधिको मूल्य समायोजन हुन नसकेको भन्दै विभागले मूल्य समायोजन प्रक्रिया अगाडि बढाएको विभागका महानिर्देशक भरत भट्टराईले बताउनुभयो ।
वैशाख २१ पछि पहिलो पटक कोरोनाले एक जनाको मृत्यु : २४ घण्टामा थपिए १३५ सङ्क्रमित
नेपालमा पछिल्लो केही दिनदेखि कोरोना सङ्क्रमणदर बढ्दै गइरहेको छ। स्वास्थ्य तथा जनसङख्या मन्त्रालयाका अनुसार लामो समयपछि २४ घण्टामा एक जना कोरोना सङ्क्रमितको मृत्यु भएको छ।
