गोरखापत्र अनलाइन
दुुई गाउँपालिकामा राष्ट्रपति रनिङ शिल्ड प्रतियोगिता सुुरु
सिमकोट र खार्पुनाथ गाउँपालिकामा माध्यामिक विद्यालयस्तरीय राष्ट्रपति रनिङ शिल्ड प्रतियोगिता सुुरु भएको छ । जिल्लास्तरीय प्रतियोगिताका लागि खेलाडी छनौट गर्न सो प्रतियोगिता गाउँपालिकाले सञ्चालन गरेको हो ।
मधेश प्रदेशको बजेट भाषण
जनकपुर, असार १ गते । मधेश प्रदेश सभाको बजेट भाषण सुरु भएको छ । आर्थिक वर्ष २०७९/८० को आय र व्ययको विवरण पेश गर्नुहुँदै मधेश प्रदेशका अर्थमन्त्री शैलेन्द्रप्रसाद साह । संवैधानिक प्रावधान अनुसार अर्थमन्त्री साहले बुधबार प्रदेशको बजेट प्रस्तुत गर्नुभएको हो ।
'सुपर डान्सर नेपाल'को डिजिटल अडिसन सुरु
काठमाडौं, असार १ गते । फेन्चाइज शो ‘सुपर डान्सर नेपाल’को फिजिकल अडिसन सकिएको छ । इटहरी, नेपालगञ्ज, बुटवल, चितवन, पोखरा हुँदै गत शनिबार काठमाडौंमा भव्य अडिसनसँगै ‘सुपर डान्सर नेपाल’को फिजिकल अडिसन सकिएको हो । काठमाडौं अडिसनमा ३ सय प्रतिस्पर्धीले सहभागीता जनाए । ‘सुपर डान्सर’को क्रेज काठमाडौंमा राम्रो देखिएको आयोजक ए.डी. रिलिज प्रा.ली.की कम्युनिकेशन्स शेन म्यानेजर रश्मी अग्रवालले जानकारी दिनुभयो। अडिसनबाट छानिएका प्रस्तुति पर्दामा प्रदर्शन हुन भने बाँकी छ । कान्तिपुर टेलिभिजनबाट प्रशारण हुने शोको पहिलो चरण सकिएसँगै अब प्रशारणको तरखर सुरु भएको छ । यस्तै, भोलीदेखि डिजिटल अडिसन हुने अग्रवालले जानकारी दिनुभयो । छुटेका र थाहा नपाएका ट्यालेन्टहरुलाई पुनः अवसर दिने हेतुले डिजिटल अडिसन राखिएको हो । डिजिटल अडिसनमा भाग लिन एकदेखि डेढ मिनेटसम्मको डान्स भिडियो इमेल superdancernepal@gmail.com मा पठाउन सक्ने आयोजकले जनाएको छ । यस बाहेक ९७७-९८०१७८५३५५० नम्बरमा ह्वाटएप वा भाइवर गर्न सक्ने बताइएको छ । फिजिकल अडिसन दिएका प्रतिस्पर्धीले डिजिटल अडिसन दिने पाउने छैनन् । भिडियो प्रष्ट बुझिने र गुणस्तर हुनुपर्ने बताइएको छ । भिडियो पठाउँदा नाम, ठेगाना, उमेर र सम्पर्क नम्बर पनि उल्लेख गर्नुपर्ने आयोजकले जनाएको छ। आजबाट सुरु हुने डिजिटल अडिसन असार ७ गतेसम्म हुनेछ ।
हुुम्लामा ३१ वटा बस्ती मनसुुनजन्य प्रकोपको उच्च जोखिममा
जिल्लाका सातवटै गाउँपालिकाका ३१ वटा बस्ती मनसुनजन्य बिपदको उच्च जोखिममा रहेको छ । जिल्ला मनसुुनजन्य बिपद तथा प्रतिकार्य योजना २०७९ ले ती वस्तीलाई उच्च जोखिममा रहेको औल्याएको हो ।
कर्णाली प्रदेशको बजेट भाषण
कर्णाली प्रदेश सभाको बजेट भाषण सुरु भएको छ ।
निजगढमा अन्तर्राष्ट्रिय विमानस्थल निर्माण गर्न सरकार प्रतिबद्ध छ : मन्त्री आले
संस्कृति, पर्यटन तथा नागरिक उड्डयनमन्त्री प्रेमबहादुर आलेले निजगढमा अन्तर्राष्ट्रिय विमानस्थल निर्माण गर्न सरकार प्रतिबद्ध रहेको बताउनुभएको छ ।
उपराष्ट्रपति पुनद्वारा भुम्या पर्वको शुभकामना
उपराष्ट्रपति नन्दबहादुर पुनले भुमे (भुम्या पर्व)को अवसरमा शुभकामना व्यक्त गर्नुभएको छ।
कैलालीमा ४१ डिग्री तापक्रम, विद्युत आपूर्ति बन्द
कैलालीको जानकी गाउँपालिका ३ र ६ मा सेवा दिँदैआएको सुवर्णपुर ग्रामीण विद्युत सहकारीको लाइन काटिँदा यहाँको जनजीवन नराम्ररी प्रभावित भएको छ । कैलालीको तापक्रम ४१ डिग्री पुगेकाबेला यहाँका ५०८ घरपरिवारका स्थानीयले विधुत सेवाविहीन अवस्थामा बस्नुपरेको छ । बिधुत महसुल रकम नबुझाएको भन्दै नेपाल विधुत प्राधिकरणले लाइन नै काटिदिएको हो ।
फिल्म 'बाबरी'को गीत सार्वजनिक
काठमाडौं, असार १ गते । फिल्म 'बाबरी'को रोमान्टिक गीत सार्वजनिक गरिएको छ । मङ्गलबार राजधानीमा आयोजित एक कार्यक्रमका बीच सिनेमाको गीत रिलिज गरिएको हो । ‘बाबरी रंग’ बोलको गीतमा अभिनेत्री अदिती बुढाथोकी र धिरज मगरलाई फिचर्ड छन् ।सार्वजनिक गीतमा निर्देशक अनमोल गुरुङको शब्द, सङ्गीत तथा स्वर छ । गीत गायनमा अस्मिता अधिकारीले सङ्गीतमा गुरुङलाई साथ दिनुभएको छ । सार्वजनिक गीतमा विक्रम लामा र एञ्जिला खत्रीको कोरियोग्राफी छ । गीत रिलिज कार्यक्रममा उपस्थित भएर निर्माता सङ्घका अध्यक्ष आकाश अधिकारी र अभिनेता भुवन केसीले बाबरीलाई सफलताको शुभकामना दिनुभयो । गीत रिलिज कार्यक्रममा बोल्दै ‘बाबरी’को टिजरले दर्शकको मन जितेकाले पनि गीतबाट धेरै अपेक्षा राखेको अभिनेत्री अदिती बुढाथोकीले बताउनुभयो । फिल्मका मुख्य अभिनेता धिरजले पनि यसको कथा मन परेकै कारण अन्तिम समयमा आएर आफूले ‘बाबरी’मा काम गर्न सहमत भएको बताउनुभयो । त्रिकोणात्मक प्रेमकथामा आधारित सिनेमालाई सुरेन्द्र पौडेलले निर्देशन गर्नुभएको हो । फिल्ममा आगामी भदाै ३१ गतेबाट नेपालभरका सिनेमा घरमा रिलिज हुनेछ । यस्तै, फिल्ममा बादल भट्ट, कमणमणि नेपाल, उर्मिला बस्नेत, ध्रुव कोइराला, सुनीता श्रेष्ठ, नीतेश गुरुङ, त्रिशला तामाङ, दिलीप गुरुङ लगायतका कलाकारको पनि अभिनय छ ।बाबरी फिल्मको प्रस्तुति र सुष्मा प्रोडक्सनको सहकार्यमा निर्माण भएको फिल्मको निर्माता गणेश बुढाथोकी र पुष्पालता बुढाथोकी हुन् । सुष्मा गुरुङ सहनिर्माता रहेको फिल्मको कथा निर्देशक पौडेलले नै लेख्नुभएको हो। फिल्ममा कालीप्रसाद बाँस्कोटा, सुजन चापागाई र अनमोल गुरुङको सङ्गीत र एञ्जिला खत्री र विक्रम लामाको कोरियोग्राफी छ । नरेन्द्र मैनालीको छायाङ्कन रहेको सिनेमाका मुख्य सहायक निर्देशक रितसिंह बोहरा हुन् ।
पहिरोले गोठ र भान्साघर बगाउँदा नौ लाखको क्षति
ताप्लेजुङको सिरिजङ्घा गाउँपालिकामा पहिरोले एक स्थानीयको गाईगोठ र भान्साघर बगाउँदा नौ लाख रुपियाँ बराबरको क्षति भएको छ ।
घोप्टेभीरको पहिरो पन्छाएर राजमार्ग सञ्चालनमा
पृथ्वी राजमार्गमा झरेको पहिरो पन्छाएर अहिले राजमार्ग सञ्चालनमा आएको छ । बुधवार दिउँसो २ वजे चितवन ईच्छाकामना गाउँपालिका ४ घोप्टेभिरस्थित पृथ्वीराजमार्गमा पहिरो झरी बाटो दुईतर्फी अबरोध भएको थियो । सडक ३ वजे खुलेको जिल्ला प्रहरी कार्यालय चितवनका डिएसपी रविन विष्टले जानकारी दिनुभयो ।
देशलाई अमेरिकी सैन्य गठबन्धनमा सहभागी गराउन खोजियो
नेकपा (एमाले) का महासचिव शङ्कर पोखरेलले सरकारले देशलाई अमेरिकी सैन्य गठबन्धनमा सहभागी गराउन खोजेको आरोप लगाउनु भएको छ । नेपालको असंलग्न परराष्ट्र नीति विपरित अमेरिकासँग स्टेट पार्टनरसीप प्रोगाम (एसपीपी) सम्झौता गर्न खोजेको बताउँदै महासचिव पोखरेलले आपत्ति जनाउनुभयो ।
अबैध काठसहित ट्याक्टर नियन्त्रणमा
जिल्ला प्रहरी कार्यालय पाल्पाले अबैध रुपमा निकासी गर्न लागेको काठ नियन्त्रणमा लिएको छ । प्रहरीले रम्भा गाउँपालिका ३ स्थित निकीचउरबाट अबैध रुपमा चिलाउने काठ ट्याक्टरमा लोड गर्ने क्रममा नियन्त्रणमा लिएको हो ।
राज्यमन्त्री वली अस्पताल भर्ना
लुम्बिनी प्रदेशका स्वास्थ्य राज्यमन्त्री विमला खत्री वली अस्वस्थ हुनुभएपछि उहाँलाई लुम्बिनी प्रादेशिक अस्पतालमा भर्ना गरेर उपचार गरिएको छ ।
माछा मार्ने बेला करेन्ट लागेर मृत्यु
बागलुङको बडिगाड गाउँपालिकमा माछा मार्ने क्रममा करेन्ट लागेर एक युवाको मृत्यु भएको छ । बडिगाड खोलामा करेन्ट लगाएर माछा मार्ने क्रममा बडिगाड गाउँपालिका–४ का ३२ वर्र्षीय छबिलाल बलामीको मृत्यु भएको हो ।
