गोरखापत्र अनलाइन
नेपालको मुख्य रोग नै भ्रष्टाचार र गरिबी हो : सांसद भण्डारी
नेपाली कांग्रेसका केन्द्रीय सदस्य तथा प्रतिनिधिसभा सदस्य डा. चन्द्र भण्डारीले मुलुकको मुख्य रोग भ्रष्टाचार र गरिबी भएको बताउनुभएको छ । जेसिस महाधिवेशनको कार्यक्रममा उहाँले आज सो कुरा बताउनुभएको हो ।
रुखबाट लडेर एकको मृत्यु
पाल्पाको तिनाउ गाउँपालिका –५ कोलडाँडाका ४६ बर्षीय शेरबहादुर गाहाको दालचिनी रुखबाट लडेर मृत्यु भएको छ ।
चार महिनामा ५२ क्षयरोगी भेटिए
बाँकेको कोहलपुर नगरपालिका क्षयरोगको उच्च जोखिममा रहेको छ । सो पालिकामा गत चार महिनामा ५२ जना क्षयरोगका बिरामी भेटिएका छन् ।
-original-thumb.jpg)
विवाहपञ्चमी महोत्सव मनाइँदै
त्रेतायुगमा मर्यादा पुरुषोत्तम राम र जगतजननी माता सिताविच भएको विवाहको सम्झनामा प्रत्येक वर्ष जनकपुरधाममा मनाइने सप्ताहव्यापी सिताराम विवाहपञ्चमी महोत्सव यस वर्ष पनि हर्षोल्लाससाथ मनाइँदै छ ।
नेवाः ताम्सालिङको माग गर्दै प्रदर्शन
बागमति प्रदेशको नाम नेवाः ताम्सालिङ हुनुपर्ने माग गर्दै तामाङ र नेवार समुदायले आज काठमाडौंमा प्रदर्शन गरेका छन् ।ताम्सालिङ संयुक्त संघर्ष समिति, नेपाल तामाङ घेदुङ र नेवा दय दवु थिथि खलः पुचःले काठमाडौंको भुगोलपार्क न्युरोडदेखि असनचोकसम्म प्रदर्शन गरेका हुन् ।
‘काली–कर्णालीको लोकसाहित्य र संस्कृति’ कृति लोकार्पित
लेखक तथा साहित्यकार यज्ञराज उपाध्यायद्वारा लिखित ‘काली–कर्णालीको लोकसाहित्य र संस्कृति’ नामक कृतिको यहाँ एक कार्यक्रमबीच लोकार्पण गरिएको छ । सो कृतिको वरिष्ठ संस्कृतिविद् जगमान गुरुङ आज लोकार्पण गर्नुभएको हो ।
अहिलेको व्यवस्था सबैभन्दा उत्तम हो : महामन्त्री थापा
रेखीराम रानातानसेन, मङ्सिर ३० गते। नेपाली कांग्रेसका महामन्त्री गगनकुमार थापाले अहिलेको व्यवस्था सबैभन्दा उत्तम व्यवस्था रहेको बताउनुभएको छ। शनिबार पाल्पाको तानसेनमा कांग्रेसको प्रथम सम्मेलनको उद्घाटन गर्नुहुँदै उहाँले सङ्घीयता, शासकीय स्वरुपका विषयमा छलफल गर्न सकिने भए पनि व्यवस्थाको विषयमा छलफल हुन नसक्ने बताउनुभयो। केही दुई/चार जना नेताको कारणले व्यवस्था नै नराम्रो हो भन्ने तरिकाबाट कांग्रेस अगाडि बढ्न नसक्ने उहाँको भनाइ छ। व्यवस्था मात्र परिवर्तन गर्ने बहसले अर्को पुस्ताले थप २० वर्ष दुःख पाउने उहाँको भनाइ छ। महामन्त्री थापाले यही संविधानलाई टेकेर शासकीय स्वरुप, सङ्घीयताको विषयमा छलफल गरेर अघि बढ्नुपर्नेमा जोड दिनुभयो। महामन्त्री थापाले भन्नुभयो, ‘‘कांग्रेस व्यवस्थाका विषयमा अलमलियो भने जनताले दुःख पाउने भएकाले अब कांग्रेस व्यवस्थाका विषयमा अलमलिनु हुँदैन। पार्टीलाई जनताको आशा र भरोसाको केन्द्र बनाउँदै अगाडि जानुको विकल्प छैन। ’’ नागरिकले अहिले पनि राम्रो दिन आएको महसुस गर्न नपाएकाले राम्रो दिन आयो भनेर जनताले भन्न सक्ने वातावरण बनाउनुपर्नेमा उहाँको जोड थियो। विगतदेखि भइरहेको भ्रष्टाचार र कुशासनको कारणले नागरिकमा व्यापक असन्तुष्ट रहेको महामन्त्री थापाले बताउनुभयो। देशमा व्याप्त भ्रष्टाचार र कुशासनलाई नेपाली कांग्रेसले नागरिकलाई जवाफ दिन सक्नुपर्ने महामन्त्री थापाले प्रष्ट पार्नुभयो । अन्य दललाई जस्तो कांग्रेसलाई नागरिकको प्रश्नबाट भाग्न मिल्ने अवस्था नरहेकाले प्रत्येक प्रश्नको जवाफ कांग्रेसले दिनुपर्ने उहाँको जिकिर छ। अहिले चर्चामा रहेको सुनकाण्ड र एनसेल प्रकरणको पनि कांग्रेसले के हो भनेर जवाफ दिन सक्नुपर्ने बताउनुभएको छ। वि.स. २०४६ पछि सबै उच्च तहमा बसेका व्यक्तिको सम्पत्ति छानबिन गर्नुपर्ने र त्यसका लागि आफूले संसदमा प्रस्ताव लैजान लागेको महामन्त्री थापाले जानकारी दिनुभयो। कांग्रेसमा भएका थोरै मानिसले गरेको अपराधको भारी आठ लाख नेता कार्यकर्ताले बोक्नुपर्ने अवस्था आएको भन्दै सबैले खराब प्रवृत्तिविरुद्ध बोल्न सक्नुपर्नेमा उहाँको जोड छ। सरकारमा कांग्रेस भए पनि अहिलेको सरकारले यो काम गर्यो भनेर भन्न सक्ने अवस्था भने नरहेको भन्दै उहाँले असन्तुष्टि व्यक्त गर्नुभयो।
पराल बोकेको गाडीमा आगजनी
पहिचान पक्षधर बन्दकर्ताले इलामको रोङ गाउँपालिका ४ किटेनीमा पराल बोकेको गाडीमा आगजनी गरेका छन् ।
‘चुनावको होइन देशको चिन्ता गरौँ’
नेपाली कांग्रेसका महामन्त्री विश्वप्रकाश शर्माले राजनीतिक दलहरुले चुनावको नभई देशको चिन्ता गर्नुपर्ने बताउनुभएको छ । कांग्रेस प्रतिनिधिसभा क्षेत्रीय कार्यसमिति क्षेत्र नम्बर २ बागलुङको क्षेत्रीय सम्मेलनमा बोल्दै उहाँले देशलाई समुन्नतिको यात्रामा अगाडि बढाउनुपर्ने आजको आवश्यता रहेको औँल्याउनुभयो ।
संस्कार, संस्कृतिको जगेर्नामा नयाँ पुस्ता सक्रिय हुनुपर्छ : सञ्चारमन्त्री शर्मा
सञ्चार तथा सूचना प्रविधिमन्त्री रेखा शर्माले नेपालको संस्कार, संस्कृति र परम्पराको जगेर्नामा नयाँ पुस्ता सक्रिय हुनुपर्ने बताउनुभएको छ ।
साहित्यकार श्रेष्ठ र पत्रकार झा पुरस्कृत
दधिराज सुवेदी पुरस्कार प्रतिष्ठानबाट शनिबार विराटनगरमा दुई जना स्रष्टा पुरस्कृत हुनुभएको छ ।
लागुऔषध सेवनकर्तासँग गर्नुपर्ने व्यवहार बुझाउँदै प्रहरी
नेपाल प्रहरीको लागुऔषध नियन्त्रण व्यूरो लागुऔषध सेवनकर्तासँग गर्नुपर्ने व्यवहार बुझाउन स्थानीय तहसम्म पुगेको छ ।
DHORP{ATAN_IMG_4417-(1)-original-thumb.jpg)
सडक किनारका परम्परागत घर
राष्ट्रिय गौरवको आयोजना मध्यपहाडी लोकमार्ग अन्तर्गत काठेखोला गाउँपालिका–५ घोडाबाँधेमा रहेका परम्परागत घर। पछिल्लो समय यस्ता परम्परागत घर बनाउने प्रचलन हराउँदै गएको छ ।
एमालेको विरोध गर्नेहरू समृद्धिका बाधक हुन् : अध्यक्ष ओली
नेकपा (एमाले)का अध्यक्ष तथा पूर्व प्रधानमन्त्री केपी शर्मा ओलीले एमालेको अवरोध गर्ने विकास, परिवर्तन र समृद्धिका बाधक भएको बताउनुभएको छ।
हाँगा सुक्न थालेपछि सङ्कटमा ‘सुन्तला जोन’
दैलेखको दुल्लु नगरपालिका –११, कालभैरवका जगत पन्तले २०५३ सालमा पाँच रोपनी जग्गामा सुन्तला खेती सुरु गर्नुभयो । २४ वर्षपछि नै उहाँले आफ्नो सुन्तला खेती १५ रोपनीमा बिस्तार गर्नुभयो । सुन्तला खेती सप्रेका बेला उहाँको वार्षिक आम्दानी पाँच लाखसम्म भयो ।
