रुखबाट लडेर एकको मृत्यु

बिन्दु थापा 

पाल्पा, मंसिर ३० गते । पाल्पाको तिनाउ गाउँपालिका –५ कोलडाँडाका ४६ बर्षीय शेरबहादुर गाहाको दालचिनी रुखबाट लडेर मृत्यु भएको छ । 

गाहाको चिनडेया गैराको जंगलमा दालचिनीको हाँगा काट्नेक्रममा आज दिउँसो लडेर मृत्यु भएको प्रहरी नायब उपरीक्षक सुगन्ध श्रेष्ठले जानकारी दिनुभयो । 

श्रेष्ठका अनुसार मृतकको शब पाल्पा जिल्ला अस्पतालमा पोष्टमार्टमका लागि लगिएको छ । घटनाको थप अनुसन्धान भइरहेको उहाँले बताउनुभयो ।