गोरखापत्र अनलाइन
उदीयमान दुई गल्फरको देश चिनाउने सपना
विक्रम गिरी र कमलकुमार बस्नेतकाठमाडौं, चैत १८ गते। रोयल नेपाल गल्फ क्लबमा पुग्दा सद्भाव आचार्य पसिनाले निथ्रुक्क भिज्नु भएको थियो। उहाँगौचरनस्थित सूर्य नेपाल गल्फ टुर, २०२२–२३ अन्तर्गतको दोस्रो दिनको खेलमा भर्खर १८ होल पूरा गरेर फर्किनु भएको थियो। प्रतिभावान् १६ वर्षे ‘एमेच्योर गल्फर’ आचार्य उक्त प्रतियोगिताबाट निकै उत्साहित हुनुहुन्छ।“हालसम्मको खेल प्रदर्शनबाट सन्तुष्ट छु”, उहाँले भन्नुभयो, “अहिलेसम्म ‘अन्डर’मै खेलिरहेको छु, जारी प्रतियोगितामा राम्रै परिणाम आउनेमा आशावादी छु।” प्रत्येक प्रतियोगिता आफ्ना लागि सिकाइ र सीप निखार्ने अवसर भएको आचार्यले बताउनुभयो। त्यसको दुई दिनपछि अर्थात् शुक्रबार प्रतियोगिता सम्पन्न हुँदा उहाँले उपाधि उचाल्नुभयो।आचार्यले उपाधिमात्र चुम्नु भएन उपाधिसँगै उक्त प्रतियोगिता जित्ने सबैभन्दा कम उमेरका खेलाडीको कीर्तिमानसमेत बनाउनुभयो। यसअघि उक्त कीर्तिमान सुभाष तामाङको नाममा थियो। तामाङले १६ वर्ष ११ महिनामा सो कीर्तिमान बनाएका थिए। आचार्यले भने १६ वर्ष १० महिनामै उपाधि जितेर तामाङको कीर्तिमान तोडेका तोड्नु भएको हो। शुक्रबार सम्पन्न प्रतियोगितामा तामाङ चौथो र एमेच्योरतर्फ दोस्रो स्थानमा रहनुभयो।केही समयअघि बङ्गलादेशको राजधानी ढाकामा सम्पन्न ३६औँ बङ्गलादेश एमेच्योर गल्फ च्याम्पियनसीपमा यही तामाङ र आचार्यको जोडी नेपालका लागि स्वर्ण पदक जित्न सफल भएको थियो। आचार्य चार वर्षको उमेरदेखि नै गल्फ खेल्न थाल्नु भएको हो। हाल उहाँ १६ वर्षका हुनुभयो। परिवारमा गल्फ खेल्ने आचार्य तेस्रो पुस्ताका हुनुहुन्छ। उहाँका बुबा दीपक आचार्य नेपाल गल्फ सङ्घमा महासचिवका साथै गोकर्ण गल्फ क्लबका सिनियर निर्देशकसमेत हुनुहुन्छ।बुवा गल्फ खेल्ने भएकाले सद्भावको रुचि सानैदेखि यसतर्फ बढेको हो। फलस्वरुप जुनियर गल्फर हुँदै यतिबेला एमेच्योर गल्फरका रूपमा आफूलाई चिनाउन सफल हुनुभएको हो । “पढाइ र खेल सँगसँगै अघि बढाएको छु”, उहाँले भन्नुभयो, “अहिलेसम्म दुवै कामका लागि समयको व्यवस्थापन गरेकै छु।” सद्भाव हाल अनलाइनमार्फत काठमाडौँ वर्ल्ड स्कुलको पढाइ र भारतको बैङ्ग्लोरस्थित गल्फ एकेडेमीमा बसेर गल्फ प्रशिक्षणलाई अघि बढाउन सफल भएका छन्। “बैङ्ग्लोरको प्रशिक्षणले मलाई एकदमै मद्दत पुगेको छ, दिनप्रतिदिन अभ्यस्त हुँदैगएको छु”, उहाँले भन्नुभयो।नेपालका नम्बर वान एमेच्योर गल्फर सुभाषको कथा भने ठ्याक्कै विपरीत छ। कक्षा ३ सम्मको मात्र अध्ययन पूरा गरेका तामाङ १० वर्षको उमेरमा ललितपुरको कोन्ज्योसोम गाउँपालिका–४ भारदेउबाट कामको खोजीमा भौँतारिँदै त्रिभुवन विमानस्थल नजिक माइजुकहाँ आइपुग्नु भएको हो। माइजु नजिकैको होटलमा काम गर्थिन् भने माइजुको छोरा गल्फ कोर्समा काम गर्थे। “मैले पनि बल व्यायामका रूपमा गल्फ कोर्समा काम गर्ने मौका पाएँ”, सुभाषले विगत सम्झदै भन्नुभयो, “चार वर्ष गल्फरले खेलेका बल खोज्दैमा बित्यो।” बल व्यायामका रूपमा काम गर्दा उनलाई ‘पकेट खर्च’का लागि अन्यत्र जोहो गर्न जानुपर्ने बाध्यता भएन। बल खोज्दै गरेका तामाङमा विस्तारै गल्फ खेल्ने रहर पलायो। त्यही रहरले आज चल्तीका नेपाली गल्फर बन्नुभएको हो। तामाङ हरेक दिन सफलतातर्फ अघि बढ्दै जानुभएको छ।‘द वर्ल्ड एमेच्योर गल्फ र्याङ्किङ’अनुसार तामाङ नेपालका नम्बर वान एमेच्योर गल्फर हुन्। उहाँले नेपालमा सम्पन्न भएको १३औँ दक्षिण एसियाली खेलकुद प्रयोगितामा नेपाललाई स्वर्ण पदक दिलाउनु भएको थियो। आचार्य र तामाङ दुवैको लक्ष्य गल्फ खेलका माध्यमबाट व्यावसायिक करिअर अघि बढाउँदै नेपाललाई विश्वस्तरमा चिनाउने रहेको छ। समान उद्देश्य बोकेका यी दुवै एमेच्योर गल्फरबीच यही नै एउटै समानता छ।दुवै गल्फर यतिबेला भारतको बैङ्ग्लोरस्थित ‘तरुण सरदेसाइ गल्फ एकेडेमी’मा गल्फ खेल्ने दक्षता र क्षमता बढाइरहेका छन्। यो भारतको पहिलो आवासीय गल्फ एकेडेमी हो। भारतका पूर्वगल्फर तरुण सरदेसाइले यसको सुरुआत गरेका हुन्। एकेडेमीमा उनी आफैँ मुख्य प्रशिक्षकका रूपमा खेलाडीलाई प्रशिक्षण दिँदै आएका छन्। यहाँबाट उत्पादित भारतीय गल्फरले त आफ्नो देशका लागि ओलम्पिकमा पदकसमेत प्राप्त गरिसकेका छन्।यही एकेडेमीमा नेपालका यी दुई गल्फर तामाङ र आचार्यले दैनिक १० घण्टाका दरले कडा मेहनत गरिरहेका छन्। आचार्य पछिल्लो छ महिनायता एकेडेमीमा अभ्यासरत छन्। हाल अध्ययन गरिरहेको कोर्स पूरा गर्न दुई वर्ष लाग्ने आचार्यले सुनाउनुभयो। नेपालको पढाइलाई पनि निरन्तरता दिएको उहाँको भनाइ छ।नेपालका उदीयमान यी गल्फरलाई केही दिनअघिमात्रै गोकर्ण गल्फ कोर्समा आयोजित ‘इन्डियन एम्बेस्डर इन्भाइटेशनल गल्फ टुर्नामेन्ट’को अवसरमा नेपालका लागि भारतीय राजदूत नवीन श्रीवास्तवले विशेष सम्मान गर्नुभएको थियो। सद्भावले प्रतियोगितामा ‘लङ्गेस्ट ड्राइभ’ अवार्डसमेत जित्न सफल हुनुभयो। सो अवसरमा राजदूत श्रीवास्तवले दुई नेपाली महिला गल्फर करिष्मा शाह र जुनी गुरुङलाई समेत पुरस्कारस्वरुप जनही ५० हजार प्रदान गर्नुभएको थियो।आचार्यका अनुसार नेपालमा छँदा उहाँको दैनिक ६ देखि ७ घण्टा गल्फ कोर्समै बित्छ। गल्फर बन्ने सपनामा परिवारले ठूलो लगानी गरेको आचार्यको भनाइ छ।तामाङको भने खर्चको जोहो गर्ने माध्यम अलिक फरक नै छ। आर्थिक रुपमा कमजोर पृष्ठभूमि भएका उनलाई नेपाल गल्फ सङ्घले सहयोग गर्दै आएको छ। छात्रवृत्ति पाएका तामाङ यसबाट आफूलाई निकै ठूलो सहयोग पुगेको बताउँछन्। “बैंग्लोरमा सङ्घ र एकेडेमीले ठूलो सहयोग गरेको छ, नेपालमा पनि रोयल नेपाल गल्फ क्लबले निःशुल्क खेल्ने व्यवस्था मिलाएको छ”, उहाँले भन्नुभयो।यो जोडीले नेपालका लागि अन्तर्राष्ट्रिय प्रयोगितामा पदक जित्नेमात्रै नभई नेपाललाई खेलमार्फत विश्वस्तरमा अझ बढी चिनाउने र पर्यटकीय विकासमा सहयोग पु¥याउने लक्ष्य बोकेको छ। अबको केही समयपछि दुवै गल्फर जापान र सिङ्गापुरमा हुने प्रयोगितामा सहभागिता जनाउँदैछन्। भर्खरै सम्पन्न प्रतियोगिताबाट उनीहरु थप निखारिएका छन्।नेपाल गल्फ सङ्घका महासचिव आचार्य १३औँ दक्षिण एसियाली खेलकुदमा तामाङले स्वर्ण पदक जितेपछि राज्यले गल्फ खेलप्रति हेर्ने दृष्टिकोणमा अझ बढी सकारात्मक छाप छाड्न सफल भएको बताउँछन्। यही कारण थियो, राखेपले तामाङलाई केही समयका लागि भए पनि छात्रवृत्ति उपलब्ध गरायो। सङ्घकै पहल र सहयोगमा त तामाङका लागि पक्की घरसमेत बन्यो। आचार्य र तामाङको अबको लक्ष्य एसियाली खेलकुदमा हालसम्मकै उत्कृष्ट खेल प्रदर्शन गर्ने लक्ष्य छ।गल्फलाई विश्वस्तरमा ‘धनीहरूको खेल’ पनि भनिन्छ। तर तामाङजस्ता प्रतिभाशाली गल्फरका हकमा भने यो भनाइ लागू हुँदैन। सीप र क्षमता हुने हो भने यो धनीहरूको मात्र होइन, गरिबको पनि खेल हुनसक्छ भन्ने उदाहरण तामाङ बनेका छन्। रासस
रेसुङ्गा संरक्षण समितिको अध्यक्षमा भुसाल
रेसुङ्गा संरक्षण समितिको नेतृत्व सर्वसम्मत चयन भएको छ । तम्घासमा भएको रेसुङ्गा संरक्षण समितिको छैटौँ अधिवेशनले सुरेशचन्द्र भुसालको अध्यक्षतामा नयाँ कार्य समिति सर्वसम्मत चयन गरेको हो ।
असिना पानीले दार्चुलामा बालीनाली सखाप
शुक्रबारदेखि वर्षासँगै परेको असिनाले दार्चुलाका विभिन्न गाउँका किसानले लगाएको बालीनाली सखाप बनाएको छ । असिना पानीले किसानले लगाएको तरकारी, फलफूलका साथै गहुँ, जौँलगायत अन्नबाली सखाप पारेको हो ।
डोल्पामा ६९ बोरा अवैध जटामसी बरामद
अवैधरुपमा घरमा लुकाइछिपाई राखिएको अवस्थामा ६९ बोरा जटामसी डिभिजन बन कार्यालय डोल्पाले बरामद गरेको छ ।
बब र मारगारेटालाई एसिया ट्रायथलन कप उपाधि
एसिया कप ट्रायथलन कपको उपाधि पुरुषतर्फ लक्जम्बर्गका बब हेलर र महिलातर्फ स्लोभाकियाकी मारगेटा बिकानोभाले जित्नुभएको छ ।
वर्तमान गठबन्धनले पाँच वर्षसम्म सरकार चलाउँछ : महामन्त्री थापा
नेपाली कांग्रेसका महामन्त्री एवम् पूर्वमन्त्री गगनकुमार थापाले वर्तमान गठबन्धनले नै पाँच वर्षसम्म सरकार चलाउने दाबी गर्नुभएको छ।
मौरीको घार
दाङको तुलसीपुर उपमहानगरपालिका–१ स्थित चक्रपानी उपाध्यायको घरमा परम्परागत शैलीबाट पालन गरिएको मौरी । पछिल्लो समय गाउँमा यस्ता घारहरु विरलै देख्न पाइन्छ । तस्बिरः दीपक बोहरा/रासस
वैशाख १० गतेदेखि पशुपति क्षेत्रमा सन्त सम्मेलन
वैशाख १० गतेदेखि पशुपति मन्दिर क्षेत्रमा सन्त सम्मेलन एवम् विभिन्न धार्मिक कार्य हुने भएको छ।
बझाङमा बसको ठक्करबाट बालकको मृत्यु, घटनास्थल तनावग्रस्त
बझाङमा बसको ठक्करबाट एक बालकको ज्यान गएको छ । शनिबार दिउँसो सुर्मा गाउँपालिका–३ का धनबहादुर बोहराका तीन वर्षीय छोरा सरगम बोहराको ज्यान गएको हो ।
असन्तुष्ट पक्षको बहिस्कारबीच सकियो एन्फा बैठक
असन्तुष्ट पक्षले बहिस्कार गरेपनि अखिल नेपाल फुटबल सङ्घ (एन्फा) को आकस्मिक बैठक विभिन्न निर्णय गर्दै सकिएको छ । एन्फाले शनिबार कार्यसमितिको आकस्मिक बैठक डाकेको थियो ।
ट्याक्टर दुर्घटनामा बुबाको मृत्यु, छोरा घाइते
तनहुँमा ट्याक्टर दुर्घटना हुँदा एक जनाको मृत्यु भएको छ । एक जना घाइते हुनुभएको छ । डुम्रे–वेशीसहर सडक खण्डमा पर्ने तनहुँको भानु नगरपालिका –२ भकुन्थोकबाट मल बोकेर वेशीसहर जाँदैगरेको बा ३००१ त २२६ नम्बरको ट्याक्टरको इन्जिन र ट्रली जोड्ने भाग भाँचिएर दुर्घटना भएको प्रहरीले जनाएको छ ।
तनहुँमा मुख्य निर्वाचन अधिकृत कार्यालय स्थापना
मङ्सिर ४ गते हुने प्रतिनिधि तथा प्रदेश सभाको निर्वाचनका लागि तनहुँमा मुख्य निर्वाचन कार्यालय स्थापना गरिएको छ ।
चितवन-२ मा लामिछाने, तनहुँ-१ मा वाग्ले र बारा-१ मा खरेल रास्वपाको उम्मेदवार
राष्ट्रिय स्वतन्त्र पार्टी (रास्वपा) ले आगामी वैशाख १० गते हुने उपनिर्वाचनका लागि पार्टी सभापति रवि लामिछाने, डा स्वर्णिम वाग्ले र रमेश खरेललाई उम्मेदवार बनाउने भएको छ ।
नेता रावलसँग संवाद गर्न टोली गठन, संवाद गर्न तयार रहेको रावलको भनाइ
नेकपा (एमाले) ले पार्टीका नेता डा. भीमबहादुर रावलसँग संवाद गर्न तीन सदस्यीय संवाद टोली गठन गरेको छ । शनिबार पार्टी केन्द्रीय कार्यालय च्यासलमा बसेको पार्टीको केन्द्रीय सचिवालय बैठकले सो संवाद टोली गठन गरेको हो ।
सकियो ‘बुद्ध थिएटर फेस्टिभल’
काठमाडौंमा जारी ‘बुद्ध थिएटर फेस्टिभल’ को तेस्रो संस्करण सम्पन्न भएको छ । यही चैत १३ गतेदेखि जमलस्थित सांस्कृतिक संस्थानमा सुरु भएको महोत्सव पाँचौँ दिन वीरेन्द्र हमाल निर्देशित नाटक ‘चक्षु’ देखाउँदै समापन गरिएको हो ।
