गोरखापत्र अनलाइन
वर्षातले यातायात आवागमन ठप्प
अन्य समयमा नियमित रूपमा यातायात सेवा सञ्चालन हुने पहाडी जिल्लाको दुर्गम गाउँबस्ती र सदरमुकामलगायत सहरी क्षेत्रबीचको सम्बन्ध वर्षात्का कारण अवरुद्ध भएको छ । वर्षात् सुुरु हुनासाथ सडक बाढीपहिरोले बगाउने र कच्ची सडकमा हिलो जम्ने भएकाले यातायात सेवा नियमित सञ्चालन नहुँदा यस्तो समस्या आएको हो ।
कपिलवस्तुलाई सांस्कृतिक नगरपालिका बनाइने
कपिलवस्तु नगरपालिकालाई सांस्कृतिक नगरपालिका बनाउन आवश्यक प्रक्रिया अघि बढाइएको छ । १२औँ नगर सभाको दोस्रो बैठकले बुद्धनगरी कपिलवस्तुलाई सांस्कृतिक नगरपालिका बनाउने निर्णय गरेको हो । बुद्धको माध्यमबाट प्राचीन नगरी कपिलवस्तुको चिनारी र पर्यटकीय विकासका लागि यस्तो निर्णय गरिएको नगर प्रमुख सुदीप पौडेलले बताउनुभयो । उहाँले भन्नुभयो “हामीले नगरपालिकालाई सांस्कृतिक नगर बनाउने प्रक्रिया पनि अघि बढाइसकेका छौँ र अब ठोस पहल गर्र्दैछौँ ।” सो नगर सभाबाट आगामी आर्थिक वर्ष २०७९÷८० का लागि नगरपालिकाको ९३ करोड ८४ लाख ७२ हजार बजेट पारित भएको छ ।
नेपाल आज ओन्टारियोसँग खेल्दै
नेपाली राष्ट्रिय क्रिकेट टोलीले आज (शुक्रबार) क्यानडाको स्थानीय ओन्टारियो क्लबसँग मैत्रीपूर्ण अभ्यास खेल खेल्दैछ । क्यानडासँग जुलाई ४ र ५ तारिख एकदिवसीय सिरिज खेल्नुअघि नेपालले ओन्टारियोसँग अभ्यास खेल खेल्न लागेको हो ।
घरमै पुगेर लालपुर्जा वितरण
तनहुँको व्यास नगरपालिका–१४, केशवटारका ५६ घरपरिवारलाई लालपुर्जा प्रदान गरिएको छ । नापी कार्यालयले ‘गाउँब्लक’ अन्तर्गत लालपुर्जा वितरण गरेको हो । साबिकको केशवटार गाउँ विकास समितिअन्तर्गत १३ वटा गाउँब्लकको नापी सम्पन्न गरी सो कार्यालयले ५६ घरपरिवारलाई लालपुर्जा वितरण गरेको हो । गाउँब्लकअन्तर्गत नापी सम्पन्न भई दर्ता भइसकेका जग्गाधनीलाई लालपुर्जा वितरण गरिएको नापी कार्यालय तनहुँका प्रमुख कृष्ण आचार्यले बताउनुभयो । सबै घरपरिवारलाई पुर्जा वितरण गर्ने योजना नापी कार्यालयको छ ।
क्यासब्याक अफर
आईएमई पे एपमा नेपाल लाइफ इन्स्योरेन्स कम्पनीको बीमा किस्ता भुक्तानीमा क्यासब्याक अफर सार्वजनिक भएको छ । आईएमई ग्रुपद्वारा सञ्चालित ‘आईएमई डिजिटल सोलुसन लिमिटेडद्वारा प्रवद्र्धित’ आईएमई पेले नेपाल लाइफ इन्स्योरेन्स कम्पनीको बीमा किस्ता आईएमई पे एपबाट तिर्ने सेवाग्राहीलाई अफर ल्याएको हो ।
नबिलको किसान र उद्यमशील कर्जा
नबिल बैङ्कले ‘नबिल दिगो बैङ्किङ’अन्तर्गत वित्तीय पहुँच न्यून भएका आमजनतालाई लक्षित गर्दै ‘नबिल किसान कर्जा’ र ‘नबिल उद्यमशील कर्जा’ ल्याएको छ । १७ दुर्गम शाखाबाट सुरु गरेको यस कर्जाअन्तर्गत २०७९ जेठ मसान्तसम्म कुल ५७१ किसान तथा साना उद्यमीलाई करिब ४१ करोड रुपियाँ कर्जा प्रवाह भएको र तीमध्ये करिब छ हजार महिला रहेको बैङ्कले जानकारी दिएको छ ।
फिफाद्वारा पाकिस्तानमाथिको प्रतिबन्ध फुकुवा
विश्व फुटबलको सर्वोच्च निकाय (फिफा) ले दक्षिण एसियाली राष्ट्र पाकिस्तान फुटबल फेडेरेसन (पीएफएफ) माथिको प्रतिबन्ध फुकुवा गरेको छ । फिफाले एक विज्ञप्ति निकाल्दै १५ महिनापछि पाकिस्तान फुटबलमाथि लगाएको प्रतिबन्ध फुकुवा गरेको हो ।
‘सरकार निजी क्षेत्रसँग हातेमालो गरेर अगाडि बढ्छ’
प्रधानमन्त्री शेरबहादुर देउवाले वर्तमान चुनौतीको सामना गर्न र आत्मनिर्भर अर्थतन्त्र निर्माणका लागि निजी क्षेत्रसँग हातेमालो गर्दै अगाडि बढ्ने बताउनुभएको छ । बैङ्क तथा वित्तीय संस्था परिसङ्घ नेपाल (सिबिफिन) को प्रतिनिधि मण्डलसँग प्रधानमन्त्री निवास बालुवाटारमा बिहीबार छलफल गर्दै प्रधानमन्त्री देउवाले यस्तो बताउनुभएको हो ।
पाँच दिनपछि अबरुद्ध हवाई सेवा सुुचारु
पाँच दिनदेखि अबरुद्ध रहेको कर्णालीका हिमाली जिल्लाहरुमा अबरुद्ध रहेको हवाई सेवा सुुचारु भएको छ । लगातार आन्तरिक रुढको मौसम सफा नभएको हवाई सेवा अबरुद्ध रहदै आएकोमा बिहीबार सुुधार आएपछि हवाई सेवा सुचारु भएको हो ।
असल आमालाई सम्मान
नारायण नगरपालिकाले कुपोषणलाई शून्य अवस्थामा पु¥याउन सहयोग गरेको भन्दै असल आमालाई सम्मान गरेको छ । नगरपालिकाले असल आमा प्रोत्साहनमा तोकिएको मापदण्ड पूरा गरेका १२० असल आमालाई सम्मान गरेको हो । नगरपालिकाको स्वास्थ्य शाखा प्रमुख नगेन्द्र हमालका अनुसार असल आमाका लागि २० वर्ष उमेर पुगी विवाह गरेको हुनुपर्ने, चार पटक गर्भजाँच गरेको हुनुपर्ने, स्वास्थ्य संस्थामा सुत्केरी गराइएको हुनुपर्ने, बच्चालाई पूर्ण खोप लगाएको हुनुपर्ने र दुई सन्तानमात्र हुनुपर्ने मापदण्ड तोकेको छ ।
दसगजा क्षेत्रका स्थानीय भन्छन् ‘दुई देशमा भए पनि समाज एउटै छ’
नेपाल–भारत सीमा दसगजा क्षेत्रका स्थानीयले दुई देश भए पनि एउटै समाजमा आफूहरू रहेको बताएका छन् । भगवानपुर गाउँपालिका वडा नम्बर–४, ठाडीका स्थानीय खाना खाएर घरबाट निस्किएपछि भारतको लौकहामा नपुग्दै हात सुक्छ । यस्तै दसगजा पारि भारतका स्थानीय नेपालमा एक गाउँबाट अर्को गाउँ डुले जसरी आउने–जाने क्रम चल्छ । यस क्षेत्रमा बेटी रोटीको सम्बन्ध मात्रै होइन एक आपसमा दुःख सुखमा साथ दिने अभिन्न अङ्ग दसगजा क्षेत्र बनेको ठाडीका शिक्षक डोमी पासवान बताउनुहुन्छ ।
मदन भण्डारी मार्ग सञ्चालनमा
उदयपुरको त्रियुगा नगरपलिका–७, झोलुङ्गेपुल नजिक पहिरो खस्दा मङ्गलबार रातिदेखि अवरुद्ध बनेको मदन भण्डारी राजमार्गमा एकतर्फी रूपमा सवारी आगमन सुचारु भएको छ। अविरल वर्षासँगै सडकभन्दा माथिबाट आएको पहिरोले सो मार्गको गाईघाट–कटारीखण्ड अवरुद्ध भएको थियो ।
आज हल्कादेखि मध्यम वर्षाको सम्भावना
देशभर आज मौसम आंशिक देखि सामान्य बदली हुने जल तथा मौसम विज्ञान विभागले जनाएको छ । विभागका अनुसार आज मौसम सामान्य बदली भई देशका धेरै स्थानहरूमा हल्का देखि मध्यम वर्षाको सम्भावना रहेको पनि जनाएको छ ।
तामाङ चलचित्र सङ्घमा नयाँ कार्यसमिति
तामाङ चलचित्र सङ्घ बागमती प्रदेशको पहिलो अधिवेशनबाट २१ सदस्यीय नयाँ कार्यसमितिको चयन भएको छ । कार्यसमितिको अध्यक्ष आशमान वाइबा, वरिष्ठ उपाध्यक्ष ध्रुव सिंह तामाङ, उपाध्यक्ष अनिता नेगी तामाङ, उपाध्यक्ष राजकुमार मोक्तान, महासचिव दावा फिन्जो तामाङ, सचिव करण तामाङ, सहसचिव हिरोज लोप्चन तामाङ, कोषाध्यक्ष सुस्मिता घलान, सह कोषाध्यक्ष राखिन्द्रकुमार तामाङ चयन हुनुभएको हो ।
चौँतीस जिससमा कांग्रेस
देशका ७७ जिल्लामध्ये ७६ जिल्ला समन्वय समितिको नतिजा सार्वजनिक हुँदा नेपाली कांग्रेसले ३४ जिससमा प्रमुख जितेको छ । नेकपा (एमाले) २० वटा जिल्लामा प्रमुख जितेको छ । बाजुराको बूढीगङ्गा नगरपालिकामा भने स्थानीय तहको पुनः निर्वाचन गर्नुपर्ने भएकाले जिससको निर्वाचन हुन सकेको छैन ।
