गोरखापत्र अनलाइन
चुरे अतिक्रमण हुँदा बर्सेनि नयाँ खहरे
सिन्धुली जिल्लाको चुरे जङ्गल क्षेत्रमा भइरहेको अतिक्रमणले बर्सेनि नयाँ खहरे बन्ने क्रम बढेको छ। यस जिल्लाको कमलाखुँज र मरिण क्षेत्रमा सुकुम्बासीका नाममा चुरे जङ्गलको विनाश हुँदा बर्सेनि नयाँ खहरे जन्मने क्रम बढेको हो। चुरे जङ्गल क्षेत्र भएर मदन भण्डारी लोकमार्ग निर्माण भएपछि त सडक छेउमा पक्की घर निर्माण गर्न पाइने लोभमा अतिक्रमण झन् बढेको छ।
तनहुँका सबै मतदान केन्द्रमा निर्वाचन सुरु
तनहुँ–१ को सबै मतदान केन्द्रमा उपनिर्वाचनको मतदान सुरु भएको छ । आइतबार बिहान ७ बजेदेखि ६९ मतदानस्थलका १५२ मतदान केन्द्रमा मतदान सुरु भएको हो ।
अत्यावश्यक बाहेकका सबै सवारी बन्द
चितवनमा आज (आइतबार) अत्यावश्यक बाहेकका सबै सवारी साधन सञ्चालनमा रोक लगाइएको छ ।
नीलम गुरुङ ‘द पोयट आइडल’
रियालिटी सो ‘द पोयट आइडल’को उपाधि नीलम गुरुङले जित्नुभएको छ । शुक्रबार भएको कार्यक्रममा अन्य तीन प्रतिस्पर्धीलाई पछि पार्दै नीलमले पहिलो ‘द पोयट आइडल’को उपाधि जित्नुभएको हो ।
‘ताप्लेजुङदेखि अक्सफोर्डसम्म’
पूर्वगोर्खा सैनिक, शिक्षासेवी, अभियन्ता डा. चन्द्रकुमार लक्सम्बाको स्मृतिमा ‘ताप्लेजुङदेखि अक्सफोर्डसम्म’ शीर्षकको पुस्तक सार्वजनिक भएको छ । सेन्टर फर नेपाल स्टडिज यूकेद्वारा शनिबार आयोजित कार्यक्रममा स्व. लक्सम्बाको करिब ६० वर्षको जीवनयात्रा, योगदान, संस्मरणलाई पुस्तकका रूपमा सार्वजनिक गरिएको हो । यस पुस्तकमा उहाँको बहुआयामिक जीवनी र आलेखहरू समेटिएका छन् । संविधान सभाका सभापति देवराज घिमिरेले ताप्लेजुङदेखि अक्सफोर्डसम्म शीर्षकको पुस्तक सार्वजनिक गर्दै बेलायती सेनाबाट सेवानिवृत्त भएर देशको सेवा गर्छु भनेर स्वदेश फर्केका ताप्लेजुङका होनहार प्रतिभालाई छिट्टै गुमाउनुपर्दा देशलाई ठूलो नोक्सानी भएको बताउनुभयो ।
आयो जीवनस्तरमा परिवर्तन
रणनीतिक महत्वको धरान–चतरा–सिन्धुली–हेटौँडा सडक बनेपछि मकवानपुरदेखि सुनसरीसम्मको भित्री मधेशमा चहलपहल बढ्दै गएको छ। सडक पहुँच विस्तारपछि बस्ती बाक्लिँदै गएसँगै सामाजिक र आर्थिक गतिविधि बढेका हुन्। धरान–चतरा–सिन्धुली–हेटौँडा सडक आयोजनाले निर्माण गरेको मदन भण्डारी राजमार्ग नामकरण गरिएको यो सडक सुनसरीदेखि मकवानपुर जिल्लासम्मको भित्री मधेशको लाइफलाइन बन्दै गएको हो। वि.सं. २०६२ पछि सुनसरीदेखि उदयपुर, सिन्धुली हुँदै मकवानपुरसम्मको यो सडक चुरेको काँछैकाछ सवारीसाधन सञ्चालन हुन थालेका थिए। आव २०६४/६५ मा आयोजना कार्यालय काठमाडौँमा स्थापना गरी निर्माण सुरु भएको हेटौँडा–सिन्धुली–चतरा–धरान सडकले आव २०७२/७३ देखि राष्ट्रिय प्राथमिकता प्राप्त गरेको छ।
वाणिज्य बैङ्कहरूलाई कारबाही, साढे छ करोडसम्म जरिवाना
तोकिएको कर्जा/निक्षेप अनुपात (सीडी रेसियो) उल्लङ्घन, सहुलियतपूर्ण कर्जाको दुरुपयोग, सम्पत्ति शुद्धीकरणसम्बन्धी ऐन निर्देशनको उल्लङ्घन गर्ने ‘क’ वर्गका नौवटा वाणिज्य बैङ्कलाई नियामक निकाय नेपाल राष्ट्र बैङ्कले कारबाही गरेको छ । राष्ट्र बैङ्कको कारबाहीमा पर्ने अधिकांश बैङ्कले तोकिएको कर्जा÷निक्षेप अनुपात (सीडी रेसियो)लाई उल्लङ्घन गरेका छन् । केही बैङ्क भने सहुलियतपूर्ण कर्जाको दुरुपयोगमा कारबाही गरिएको राष्ट्र बैङ्कले जनाएको छ ।
श्रम इजाजत लिनेमा सबभन्दा बढी चिनियाँ नागरिक
नेपालमा सञ्चालित विदेशका ठूला परियोजनामा उच्च पदमा काम गर्ने प्राविधिक जनशक्ति विदेशबाट ल्याइने गरिएको छ । विशेष गरी चीन, भारत, कोरिया, जापानबाट सञ्चालित परियोजनामा उच्च पदमा काम गर्नका लागि आ–आफ्नो देशबाट प्राविधिक ल्याउने गरेको पाइएको हो । नेपालमा चीनको अनुदानमा सञ्चालित परियोजनामा आवश्यक अधिकांश प्राविधिकदेखि श्रमिकसम्म आपूर्ति हुँदै आएको सरकारी तथ्याङ्कले देखाएको छ ।
पर्यटक आगमन बढाउन भारतमा प्रचार
भारतका प्रमुख सहरहरूमा पर्यटन प्रवद्र्धन गर्दै पोखरासहित समग्र नेपालको पर्यटकीय सम्भावना बढाउँदै भ्रमण सकिएको छ । कोभिड–१९ को प्रभाव एवं अन्य विभिन्न घटनाक्रमले पर्यटन क्षेत्र प्रभावित भइरहेका अवस्थामा नेपालका लागि महत्वपूर्ण पर्यटन स्रोत बजार भारतको पटना, वाराणासी, अयोध्या र गोरखपुरलगायतका सहरमा प्रवद्र्धनात्मक कार्यक्रम गर्ने लक्ष्यका साथ वैशाख ३ गते हिँडेको २३ सदस्यीय टोली प्रवद्र्धन गरेर फर्किएको छ ।
बारा, चितवन र तनहुँमा शान्तिपूर्णरूपमा मतदान सुरु
बारा निर्वाचन क्षेत्र नं. २, चितवन निर्वाचन क्षेत्र नं. २ र तनहुँ निर्वाचन क्षेत्र नं. १ मा आज आइतबार बिहान ७ बजेबाट प्रतिनिधि सभा सदस्यका लागि मतदान सुरु भएको छ ।
तनहुँमा ११४ वर्षीया गोपीमाया पोख्रेलले मतदान गर्नुहुँदै
आज यहाँ हुने उपनिर्वाचनमा ११३ वर्षिय महिलाले मतदान गर्नुहुने भएको छ । भानु नगरपालिका–५ सेपावगैचाकी गोपीमाया पोख्रेलले मतदान गर्नु हुने भएको हो । गोपीमायाले सोही ठाउँ स्थित महादेवता आधारभूत विद्यालयको ‘क’ केन्द्रमा पुगेर मतदान गर्दै हुनुहुन्छ । मतदान सबैभन्दा महत्वपूर्णदान भएकोले भोट हाल्न जान्छु भनेको उहाँको नाती भरत पोख्रेलले बताउनुभयो ।
चितवनमा मतदान गर्न मतदाताको उत्साहजनक उपस्थिति
चितवन क्षेत्र नं. २ मा मतदान गर्न मतदाताको उत्साहजनक उपस्थिति देखिएको छ । आज बिहानैदेखि लाइनमा बसि मतदान गर्न मतदाता उत्सुक देखिएका छन । आज हुने उपनिर्वाचनमा चितवन २ ,बारा २ र तनहुँ १ मा बिहान ७ बजेदेखि साँझ ५ बजेसम्म मतदान गर्ने समय तोकिएको निर्वाचन आयोगले जनाएको छ । निर्वाचनका लागि सुरक्षा व्यवस्था कडा पारिएको छ ।
निगमको ६८ बिघा जग्गा प्रयोगविहीन
नेपाल आयल निगमले विभिन्न चार ठाउँमा खरिद गरेको जग्गा उपभोगमा आउन सकेको छैन । इन्धन भन्डारण क्षमता बढाउने सरकारको नीतिअनुरूप निगमले आर्थिक वर्ष २०७३/७४ मा रुपन्देही, चितवन, सर्लाही र झापामा दुई अर्ब ६६ लाख ४८ हजार रुपियाँ लागतमा खरिद गरेको ६८ बिघा जग्गा प्रयोगमा नल्याएको महालेखा कार्यालयको ६०औँ प्रतिवेदनमा उल्लेख छ । निगमले भण्डारण गृह निर्माण गर्न विभिन्न स्थानमा जग्गा खरिद गरे पनि कुन मोडालिटीमा जाने भनेर सरकारले निर्णय नगर्दा प्रक्रिया अगाडि बढ्न नसकेको हो ।
छात्रवृत्ति उपलब्ध गराउन महानगरको निर्देशन
काठमाडौँ महानगरपालिकाले गरिब, जेहेनदार र उत्कृष्ट विद्यार्थीलाई छात्रवृत्ति उपलब्ध गराउन आफ्नो क्षेत्रभित्रका निजी तथा संस्थागत विद्यालयलाई निर्देशन दिएको छ । महानगरपालिकाका मेयर बालेन्द्र साहले सार्वजनिक अपिल गर्दै नियमअनुसार छात्रवृत्ति दिन नमान्ने विद्यालयलाई कारबाही गर्ने चेतावनीसमेत दिनुभएको छ । साथै यस विषयमा आनाकानी गर्ने विद्यालयबारे महानगरपालिकाको कल सेन्टर ११८० मार्फत आफूहरूलाई जानकारी गराउन पनि उहाँले अनुरोध गर्नुभएको छ ।
उपनिर्वाचन आज
बारा निर्वाचन क्षेत्र नं. २, चितवन निर्वाचन क्षेत्र नं. २ र तनहुँ निर्वाचन क्षेत्र नं. १ मा आइतबार प्रतिनिधि सभा सदस्यको उपनिर्वाचन हुँदै छ। निर्वाचन आयोगले उपनिर्वाचन सहज, स्वच्छ, स्वतन्त्र, निष्पक्ष र भयमुक्त रूपमा सम्पन्न गर्न सम्बद्ध राजनीतिक दल, उम्मेदवार तथा उम्मेदवारका प्रतिनिधिलाई आग्रह गरेको छ।
