काठमाडौं, कात्तिक १५ गते । देशभरि कार्यालयमा काम गर्ने समय बिहीबारदेखि एक घण्टा घट्ने भएको छ । बिहीबार (कात्तिक १६)देखि माघ १५ गतेसम्म सरकारी कार्यालयको काम गर्ने समय एक घण्टा घट्ने भएको हो ।
सरकारी कार्यालयहरू कात्तिक १६ देखि माघ १५ गतेसम्म बिहान १० बजेदेखि अपराह्न ४ बजेसम्म मात्र खुल्नेछन् । शुक्रबारको दिन भने ३ बजेसम्म मात्र कार्यालय खुल्नेछ । माघ १६ देखि सरकारी कार्यालयहरू बिहान १० बजेदेखि बेलुका ५ बजेसम्म नै खुल्नेछन् ।
सरकारले राजपत्रमा सूचना प्रकाशित गरेर वर्षभरि हुने सार्वजनिक बिदा र सरकारी कार्यालय खुल्ने र बन्द हुने समय तय गर्ने गर्छ ।
