प्रथम उपमेयर कप छात्रा लिग क्रिकेट हुने

अर्जुन काफ्ले
स्याङ्जा, कात्तिक ११ गते । पुतलीबजार नगरपालिका–१ मालेबगरमा प्रथम उपमेयर कप रनिङ शिल्ड अन्तर विद्यालय छात्रा लिग क्रिकेट प्रतियोगिता हुने भएको छ ।

यही कात्तिक २० देखि २४ गतेसम्म चल्ने प्रतियोगिता जिल्लमा हुने पहिलो छात्रा क्रिकेट प्रतियोगिता समेत हो ।

नगरपालिका भित्रका १६ विद्यालयको सहभागिता रहने प्रतियोगिता नगरपालिकाको आर्थिक सहयोगमा जिल्ला क्रिकेट सङ्घको प्राविधिक सहयोगमा हुन लागेको हो ।

छात्रा क्रिकेट खेलाडीलाई क्रिकेटमा आकर्षित गर्ने उद्देश्यले पुतलीबजार नगरपालिकामा आयोजना गर्न लागेको क्रिकेट सङ्घका अध्यक्ष दिवाकर थापाले बताउनुभयो ।

प्रतियोगिताको मैदान निर्माण, टिम दर्ता, खेल तालिका प्रकाशन लगायतका सबै तयारी सकेको थापाले बताउनुभयो ।