काठमाडौं, भदौ २३ गते । चेल्सी वर्ल्ड स्कुलको आयोजनामा तेस्राे चेल्सी अन्तरविद्यालय रेड रेस भदौ २७ गते हुने भएको छ ।
रेसमा विभिन्न १९ विद्यालयका ३ सय ४२ प्रतिस्पर्धीको सहभागिता निश्चित भइसकेको चेल्सीका अत्तिरिक्त क्रियाकलाप प्रमुख राजन न्यौपानेले जानकारी दिनुभयो ।
रेसमा कक्षा ८ देखि १० सम्म अध्ययनरत विद्यार्थीले भाग लिन पाउनेछन् । शीर्ष ५ स्थानमा रहने खेलाडीलाई पुरस्कृत गरिने आयोजकले जनाएको छ । समग्रमा टिम च्याम्पियनको पनि घोषणा गरिनेछ ।
दौड नेपाल मेडिकल चोकबाट सुरु भई जोरपाटी, नारायणटार हुँदै अत्तरखेलस्थित चेल्सीकै प्राङ्गणमै पुगेर सकिनेछ ।
