काठमाडौं, भदौ १७ गते । राष्ट्रिय खेलकुद परिषद् (राखेप) का सदस्य–सचिव टङ्कलाल घिसिङ आइतबार श्रीलङ्का प्रस्थान गर्नुभएको छ । एसिया कपमा सहभागी नेपाली क्रिकेट टोलीको हौसला बढाउन सदस्य सचिव घिसिङ श्रीलङ्का प्रस्थान गर्नुभएको हो ।
एसिया कपको समूह चरणको आफ्नो दोस्रो खेलमा नेपालले सोमबार भारतसँग खेल्दैछ । सदस्य सचिव घिसिङसँगै राखेपका सदस्य लेखबहादुर (एलबी) क्षेत्री पनि श्रीलङ्का प्रस्थान गर्नुभएको छ ।
सदस्य सचिव घिसिङलाई राखेपका निमित्त सदस्य सचिव अञ्जन धमला, प्रशासन विभागका प्रमुख प्रेमबहादुर मल्ल, खेलकुद विकास विभागका प्रमुख मीनकुमार शर्मा र सङ्घ संस्था समन्वय शाखाका प्रमुख चन्द्रकुमार राईले त्रिभुवन अन्तर्राष्ट्रिय विमानस्थलमा बिदाइ गर्नुभयो ।
