पाँचौँ पूर्ण विस्तारित बैठक सुरु

धनकुटा समाचारदाता

धनकुटा, भदौ ५ गते । नेपाल कम्युनिस्ट पार्टी (माओवादी केन्द्र) को पाँचौँ पूर्ण विस्तारित बैठक तथा जनतासँग माओवादी विशेष रूपान्तरण अभियान सुरु भएको छ । नेकपा (माओवादी केन्द्र) जिल्ला समन्वय समिति धनकुटाले आयोजना गरेको उक्त कार्यक्रममा प्रमुख अतिथि पार्टीका केन्द्रीय सचिव तथा पूर्वकृषि तथा पशुपन्छीमन्त्री चक्रपाणि खनालले अब पुरानै तरिकाले मात्र पार्टी अगाडि बढ्न नसक्ने बताउनुभयो । कार्यक्रममा पार्टीका स्थानीय तहका अध्यक्ष तथा सचिव, जनवर्गीय सङ्गठनका प्रमुखलगायतले आआफ्ना स्थानीय तहको रिपोर्टिङ गर्नुभएको थियो ।  

नेकपा (माओवादी केन्द्र) धनकुटा  जिल्ला समन्वय समिति संयोजक कुसुमकुमारी श्रेष्ठको अध्यक्षतामा भएको कार्यक्रममा केन्द्रीय सदस्यहरू धर्मशीला चापागाईं, धनमाया विक, होमकुमारी खापुङ, टिएन आचार्य, विशेन्द्र चेम्जोङ, प्रदेश समितिका अध्यक्ष हर्कबहादुर नेम्वाङ, उपाध्यक्ष मणिकुमार साङ्पाङलगायतको उपस्थिति थियो ।