इलेक्ट्रोनिक पसलको गोदाममा आगलागी

इमानसिं राना

रामपुर (पाल्पा), असार १८ गते । रामपुर नगरपालिका –५ बेझाँडमा एक इलेक्ट्रोनिक पसलको गोदाममा आगलागी भएको छ । बुधबार दिउँसो साढे १ बजेको समयमा दाजुभाइ इलेक्ट्रोनिक्सको गोदाममा आगलागी भएको प्रहरीले जनाएको छ ।

आगलागी रामपुर नगरपालिकाको दमकलको सहयोगमा स्थानीय, प्रहरी र नगर प्रहरीले पूर्णरुपमा नियन्त्रणमा लिएको छ । आगलागीबाट एसी, कुलर,  फ्रिज, वासिङ्ग मेसिनलगायतका इलेक्ट्रोनिक्स सामग्रीहरु जलेर नष्ट भएको इलाका प्रहरी कार्यालय रामपुरका प्रहरी निरीक्षक रामबहादुर नेपालीले जानकारी दिनुभयो । 

गोदामको विद्युत् सट हुँदा आगलागी भएको हुनसक्ने प्रहरीले अनुमान गरेको छ । आगलागीबाट भएको क्षतिको पूर्ण विवरण आउन बाँकी रहेको प्रहरीले जनाएको छ ।