काठमाडौँ, भदौ ५ गते । अभिनेतृ मिरुना मगर र द भ्वाइस अफ नेपाल सिजन–४ विजेता गायक करण राई फिचर्ड ‘पिरतीको मुस्कान’ गीतको म्युजिक भिडियो सार्वजनिक भएको छ ।
लेखक तथा गीतकार लीला सेलिङ माबोको शब्दमा रहेको गीतमा देवेश राईको सङ्गीत, एरेन्ज तथा मिक्सिङ रहेको छ । गीतलाई लीला र अञ्जु सेलिङले निर्माण गर्नुभएको हो । गीतमा करणको स्वर रहेको छ । गीत करण राई युट्युब च्यानलबाट सार्वजनिक गरिएको हो ।
शानद्वारा निर्देशित चलचित्र शैलीमा तयार भएको भिडियोलाई अर्जुन तिवारीले खिच्नुभएको हो भने रोशन विश्वकर्माले कोरियोग्राफी गर्नुभएको छ । गीतमा सुप्रिम पराजुलीको सम्पादन छ ।
