भुवन कार्की
रुपन्देही, जेठ ४ गते । रुपन्देहीका दुई छुट्टाछुट्टै स्थानमा भएको सवारी दुर्घटनामा दुई जनाको मृत्यु भएको छ । बुटवल उपमहानगरपालिका वडा नं. २ पाखापानीस्थित सडकमा लु ६३ प ८१८५ नम्बरको मोटरसाइकल अनियन्त्रित भई सडकबाट करिब ६ मिटर तल खसेर दुर्घटना भएको हो ।
गएराति दुर्घटना हुँदा चालक प्युठान झिमरुक गाउँपालिका ५ बस्ने ५० वर्षीय श्रीधर पोखरेलको मृत्यु भएको प्रहरीले जनाएको छ । दुर्घटनामा गम्भीर घाइते भएका पोखरेलको लुम्बिनी प्रादेशिक अस्पताल बुटवलमा उपचारको क्रममा मृत्यु भएको हो ।
त्यस्तै, रुपन्देहीको मायादेवी गाउँपालिका वडा नं. ४ मोतिपुरस्थित सडकमा बागमती प्रदेश ०१–०२७ च ११४४ नम्बरको भ्यानले लु २ प ७५७८ नम्बरको मोटरसाइकललाई ठक्कर दिँदा सोही गाउँपालिका वडा नंं. ५ बस्ने ६० वर्षीय खलिल धुनिया मुसलमानको मृत्यु भएको रुपन्देही प्रहरीले जनाएको छ ।
