पुरुष मृत अवस्थामा फेला

रेखीराम राना

पाल्पा, बैशाख ६ गते । जिल्लाको रिव्दीकोट –५, ढकालटोलमा एक जना पुरुष मृत अवस्थामा फेला परेका छन् । ढकालटोलमा बस्ने ६३ वर्षका राजकुमार घिमिरे आफ्नो घरदेखि डेढ किलोमिटर परको भैरव सामुदायिक वनमा बुधबार बिहान मृत अवस्थामा फेला परेको प्रहरीले जनाएको छ । 

घिमिरेको के कारणले मृत्यु भएको हो भन्ने बारेमा खुल्न नसकेको प्रहरीले जनाएको छ । घिमिरे एकदिन अघि घरबाट हिँडेका थिए । तर खोजतलास गर्ने क्रममा घिमिरे मृत भेटिएको जिल्ला प्रहरी कार्यालय पाल्पाका सूचना अधिकारी वीरेन्द्र थापाले जानकारी दिनुभयो ।