आज हामी भन्टाङ भुन्टुङ
सबै साना साना
हामी पनि बन्छौँ भोलि
हाम्रै घरको छाना ।
दिनभरि बाबाआमा
जान्छन् मेला पात
घर धन्दा सक्छौँ हामी
भाइबैनीको साथ ।
परिश्रमले भरिने छ
मुरी पाथी माना
हामी पनि बन्छौ ँभोलि
हाम्रै घरको छाना ।
सानालाई माया गर्छौं
ठूलालाई आदर
बाबा भन्छौँ आमा भन्छौँ
होइन मदर फादर
पराइको सिको गर्नु
हक हुँुदैन है जान
हामी पनि बन्छौँ
भोलि हाम्रै घरको छाना ।
भरतपुर, चितवन
