तरकारी बोक्ने जिप दुर्घटना: एकको मृत्यु, दुई घाइते

सुजल श्रेष्ठ

प्युठान, चैत २६ गते । सरुमारानी गाउँपालिका-६ मोतिपुरमा जिप दुर्घटना हुँदा एक जनाको मृत्यु भएको छ भने दुई जना घाइते भएका छन् ।

आइतबार दिउँसो लु ३ च ३८५५ नम्बरको तरकारी बोक्ने जिप प्युठानबाट दाङ फर्किने क्रममा दुर्घटना हुँदा लमही नगरपालिका-८ बस्ने २५ वर्षीय सन्दीप चौधरीको ज्यान गएको प्रहरीले जनाएको छ ।

दुर्घटनामा चालक दाङ गढवा-६ बस्ने २५ वर्षीय प्रकाश चौधरी, प्युठान नगरपालिका-१ खैरा बस्ने १४ वर्षीय प्रवीण जिसी घाइते भएको जिल्ला प्रहरी कार्यालय प्युठानले जनाएको छ ।

जिप सडकबाट करिब तीन सय मिटर तल माडी नदीमा खसेको छ ।