चीरोत्थानको साइत फागुन १५ गते सोमबार बिहान ७ः४५

गाेरखापत्र अनलाइन

काठमाडाैँ, फागुन १० गते । फागु पूर्णिमामा धालासिक्व मानन्धर सनागुठी खलःले चीर तयार गरिरहेको छ ।

फागुन शुल्क अष्टमीका दिन ठड्याइने चीर उठाएपछि होली शुरु हुने मान्यता छ ।

इन्द्रजात्रामा इन्द्रध्वजोत्थान जस्तै फागु पूर्णिमाका लागि उठाइने चीर मानन्धर समुदायले उठाउने यस खलःका सदस्य केदार मानन्धरले बताउनुभयो ।

यस वर्ष चीरोत्थानको साइत फागुन १५ गते सोमबार बिहान ७ः४५ रहेको पनि उहाँले जानकारी दिनुभयो ।