काठमाडौं, माघ २९ गते । तेस्रो फिफ्टिन्स रग्बी लिगमा गोर्खाली रग्बी क्लबले सुखद सुरुवात गरेको छ । दशरथ रङ्गशालामा आइतबारदेखि सुरु भएको लिगको उद्घाटन खेलमा गोर्खालीले हिमालयन टाइगर रग्बी क्लबलाई ६७–१७ ले हरायो ।
नेपाल रग्बी सङ्घको आयोजनामा सञ्चालित लिगमा गोर्खाली, हिमालयन टाइगरसहित आकाश भैरव रग्बी क्लब र त्रिभुवन आर्मी क्लबको सहभागिता रहेको छ । सहभागी टोलीले राउन्ड रोविन लिगको आधारमा आइतबार, फागुन ३ र ६ गते प्रतिस्पर्धा गर्नेछन् ।
विजेता टोली र उत्कृष्ट खेलाडीलाई नगद, ट्रफी, मेडल र प्रमाण पत्र पुरस्कार प्रदान गरिने सङ्घले जनाएको छ । लिगको राष्ट्रिय खेलकुद परिषद्का सदस्य सचिव टङ्कलाल घिसिङले लिगको उद्घाटन गर्नुभयो ।
