गणेश खनाल
अर्घाखाँची, माघ २८ गते । ट्याक्टर दुर्घटना हुँदा शनिबार एक जनाको मृत्यु र दुई जना घाइते भएका छन् । पाणिनी गाउँपालिका वाड नम्बर ८ पङ्गेनीबाट सोही वाडको तल्लो पङ्गेनीमा दाउरा लिन जाने क्रममा लु.२ त. ९२७१ नम्बरको ट्याक्टरको ब्रेक फेल भई ट्याक्टर दुर्घटना भएको हो ।
दुर्घटनामा ट्याक्टर चालकसहित तीन जना रहेको जिल्ला प्रहरी कार्यालय अर्घाखाँचीका सूचना अधिकारी कृष्णप्रसाद घिमिरेले जानकारी दिनुभयो ।
अर्घाखाँची जिल्ला पाणिनी गापा ८ गैनडाँडा बस्ने वर्ष २२ को चामबहादुर कुमाल, सोही स्थान बस्ने वर्ष ३९ को सङ्करबहादुर कुमाललाई उपचारको लागि पाल्पा पठाइएको प्रहरीको भनाइ छ ।
सोही स्थान बस्ने वर्ष १८ का हुमबहादुर कुमालको प्राथमिक उपचारका क्रममा जिल्ला अस्पताल सन्धिखर्क मृत्यु भएको जनाइएको छ ।
