काठमाडौं, माघ २० गते। गायिका शारदा क्षेत्रीको ‘आफ्नै भए पनि’ बोलको गीतको भिडियो सार्वजनिक भएको छ।
शास्त्रीय सङ्गीतकी गायिका शारदा क्षेत्री सङ्गीत प्रशिक्षक हुनुहुन्छ। सार्वजनिक गीत गायिका क्षेत्रीको लय एल्बममा समावेश छ। जसमा ६ वटा गीत छन्। शारदाका यसअघि अल्झिएर लड्न लाग्दा, घायल भावना, लगायतका गीत चर्चित छन्। साहित्यकार कृष्ण अविरलका शब्द सृजनामा, सङ्गीतकार तथा तबलावादक जीवन राईको सङ्गीत तथा एरेन्जमा गीत सार्वजनिक भएको हो।
मकाउका विभिन्न रमणीय स्थानमा छायाङ्कन गरिएको छ। भिडियोको निर्देशन तुला पर्वत गर्नुभएको हो। भिडियोमा सन्दीप लामिछाने र सीता पौडेलको अभिनय देख्न सकिन्छ। सन्दीप र सीता वास्तविक जीवनकै जोडी हुनुहुन्छ। उनीहरुले आधा सपना नामक लघु चलचित्रसहित केही म्युजिक भिडियोमा काम गरिसकेका छन्। भिडियोको छायाङ्कन र सम्पादन निर्देशक तुलाले नै गर्नुभएको हो।
-original-thumb.jpg)
