काठमाडौँ, माघ २० गते । गायक राजु लामाले ठमेलस्थित टर्टल लाउन्ज एन्ड क्लबमा लाइभ कन्सर्ट गर्ने हुनुभएको छ। ‘भ्वाइस अफ नेपाल’को कोचसमेत रहनुभएका लामाले शुक्रबार बेलुकी आफ्नो ब्यान्ड ‘मङ्गोलियन हार्ट’सहित लाइभ प्रस्तुति दिनुहुने भएको हो।
कन्सर्टमा लामाले मङ्गोलियन हार्टका चर्चित गीतमा प्रस्तुति दिने तयारी छ। टर्टलका सञ्चालक आयुष ठकुरीका अनुसार लामाले मङ्गोलियन हार्टका चर्चित गीतहरू पर्खाईमा भिज्यो सिरानी..., तिमीलाई देखेर..., हल्ला चलेछ..., बादलपारिको देशबाट..., म माया लाउँदिन...लगायत गीत प्रस्तुत गर्नुहुनेछ।
