काठमाडौं, असोज १२ गते । दुर्घटनामा परी असामयिक निधन भएका ग्राहकका परिवारलाई मेगा बैङ्क नेपाल लिमिटेडले बीमा बापतको रकम प्रदान गरेको छ ।
मेगा बैङ्कमा ‘मेगा कर्पोरेट बेनीफिट सेभिङ्ग अकाउन्ट भि २०२०’ खोलेका नेपाली सेनाका रामबहादुर गुरुङ्गका परिवारलाई बैंकले सोही खातामा भएको योजना बमोजिम बीमा बापत सात लाख रुपियाँ हस्तान्तरण गरेको हो ।
प्रमुख सूचना अधिकारी तुल्सीराम पोखरेलले बुधबार विराटनगरमा एक कार्यक्रमका बीच रकम मृतककी पत्नी जुनु गुरुङ्गलाई प्रदान गरिएको जानकारी दिनुभयो ।
मृतक गुरुङ्गले नेपाली सेनाको २१ नम्बर बाहिनी अड्डा चारआलीमा कार्यरत रहँदा मेगा बैङ्कको बिर्तामोड शाखामा ‘मेगा कर्पोरेट बेनीफिट सेभिङ्ग अकाउन्ट भि २०२०’ खोल्नुभएको थियो । विसं. २०७८ मा सवारी दुर्घटनामा परी उहाँको निधन भएको थियो । बैङ्कले तलबी खातामा बीमा सुविधा प्रदान गर्दै आएको बैकको प्रदेश एकका प्रमुख विवेकबन्धु न्यौपानेले बताउनुभयो ।
न्यूनतम एक हजार रुपियाँ मौज्दातमा खोल्न सकिने ‘मेगा कर्पोरेट बेनीफिट सेभिङ्ग अकाउन्ट भि २०२०’ मा बैङ्कले हरेक खातावालाको सात लाख रुपियाँको दुर्घटना बिमा गरिदिएको छ । ग्राहक र उहाँहरूका परिवारलाई भइपरी आउने यस्ता घटनाबाट केही वित्तीय राहत मिलोस् भनेर बैङ्कले ग्राहकहरूका लागि यो योजना ल्याएको हो ।
