काठमाडौँ, साउन १७ गते । अविरल वर्षाका कारण पहिरोमा परी म्याग्दीको मालिका गाउँपालिका–२ रुम गाउँमा तीनवटा घर पुरिँदा दुई जनाको मृत्यु र तीन जना अझैँ बेपत्ता रहेका छन् । घरमाथिको पाखोबाट आएको पहिरोले स्थानीय घमबहादुर विकको घर पुरिँदा १३ वर्षका छोरा राजन विक र १५ वर्षको नवीन विकको मृत्यु भएको हो ।
प्रहरी नायब उपरीक्षक तिलक भारतीका अनुसार सो पहिरोमा परेर घमबहादुर विक, उहाँको श्रीमती राममाया र सात वर्षीया छोरी रोजी विक अझैँ बेपत्ता रहेको र स्थानीयबासीले खोजी जारी राखेका छन् ।
प्रहरीका अनुसार पुरिएको घरबाट दुईजनाको शव निकालेको र बेपत्ता भएकाहरुको खोजी गरिरहेको स्थानीयबासीले जानकारी दिएलगत्तै इलाका प्रहरी कार्यालय दरबाङबाट प्रहरीको टोली घटनास्थलतर्फ हिँडिसकेको छ ।
