वनवाटिका लतामञ्जरी सारा छन् पुनर्रचित ।
जाडो गर्मी दुवै समान मौसम झन् सुसज्जित ।।
पशुपन्छी भमरा सारा सूरताल भर्दछन् ।
कुहूँ–कुहूँ स्वर भर्दै कोयली गीत छर्दछन् ।
दिव्य सुन्दर रङ्ग भर्दै प्रकृतिचाल चल्दछ ।
कलिला मञ्जरी पल्लवीले हरित भाव भर्दछ ।।
आँकुरा पिपिरा निस्के शोभा छर्दै जताततै ।
पृथ्वी भू–स्वर्ग भो मनमुग्ध क्षण उताकतै ।।
वनमा लालीगुराँस सुनाखरी गुलाफ छन् ।
मुन्टो देखाउँदै करविरले लालित्य कतै भर्दछन् ।
माधुर्य भर्दै धर्तीमा मनमोहक परिवेश जनाउँछ ।
वैशाख महिना प्रथम प्रभात नै अपूर्व नूतन बनाउँछ ।
नयाँमार्ग नवीनलक्ष्य नवचेतनामय खुल्छ नूतन ।
नयाँवर्ष हराभरा सुपरिवेश सर्वत्र पूजन ।।
धरा मनमुग्ध बनुन सारा नयाँवर्ष आरम्भले ।
नवीनता नै छ मूल्य जितिन्छ प्रारब्धले ।।
