भक्तपुर स्पोर्ट्स युनियनमा रेस्लर भगवती

काठमाडौं, असार ३२ गते । रेस्लर भगवती खड्का (युनिका) को नेतृत्वमा सात सदस्यीय भक्तपुर जिल्ला स्पोर्ट्स युनियन नेपाल गठन गरिएको छ । भक्तपुरमा  शनिबार भएको भेलाले भगवतीको अध्यक्षतामा सात सदस्यीय जिल्ला कार्यसमिति गठन गरेको हो ।

युनियनको उपाध्यक्ष क्रिकेटका सुसन श्रेष्ठ, सचिवमा क्रिकेटका पवन पौडेल र कोषाध्यक्षमा क्रिकेटका सञ्जय बस्नेत हुनुहुन्छ । सदस्यमा करातेका श्रीकिसुन साह, क्रिकेटका सुरजरत्न शाक्य र करातेका हीरा तामाङ चयन हुनुभएको छ ।

यसअघि मकवानपुर, उदयपुर, ललितपुर, काठमाडौं र रुपन्देहीमा कार्यसमिति गठन भइसकेको बताइएको छ । नवगठित समितिका पदाधिकारीलाई जि फन्टका अध्यक्ष समेत रहेको मदन भण्डारी स्पोर्ट्स एकेडेमीका पूर्व अध्यक्ष विनोद श्रेष्ठले बधाई तथा शुभकामना दिनुभएको थियो ।