गोरखापत्र अनलाइन
काठमाडौं, असार २९ गते । राष्ट्रपति विद्यादेवी भण्डारीले नेपाल र चीनबीचको सम्बन्ध युगौँ पुरानो भएको चर्चा गर्दै नेपाल एक चीन नीतिप्रति सदैव प्रतिबद्ध रहँदै आएको बताउनु भएको छ ।
नेपाल भ्रमणमा रहनुभएका चिनियाँ कम्युनिष्ट पार्टीका विदेश विभाग प्रमुख लिउ जियानचाओले राष्ट्रपति भवनमा बुधबार गर्नुभएको शिष्टाचार भेटमा उहाँले सो कुरा बताउनु भएको हो ।
राष्ट्रपति भण्डारीले नेपालमा गएको विनाशकारी भूकम्पको समयमा उद्धार, राहत र पुनर्निर्माणका लागि चीन सरकारबाट प्राप्त सहयोग तथा उहाँले कोरोना महामारीको समयमा त्यसको रोकथाम र उपचारमा चीन सरकारबाट सहयोगप्रति धन्यवाद प्रकट गर्नुभयो ।
राष्ट्रपति भण्डारीका प्रमुख स्वकीय सचिव डा. भेषराज अधिकारीले भेटमा द्विपक्षीय हित र आपसी सहयोगका विषयमा कुराकानी भएको जानकारी दिनुभयो ।
