काठमाडौँ, भदौ १६ गते । साविक विजेता लिभरपुल इङ्लिस प्रिमियर लिग फुटबलको शीर्षस्थानमा उक्लिएको छ ।
घरेलु मैदानमा आइतबार राति भएको खेलमा लिभरपुलले आर्सनललाई १–० गोलले हरायो । लिभरपुलको कठिन जितमा डोमोनिक स्जोबोस्जलाइले ८३औँ मिनेटमा निर्णायक गोल गर्नुभयो ।
जितसँगै तीन खेलमा अपराजित लिभरपुलले नौ अङ्क बनाएको छ । पहिलो हार खेपेको आर्सनलको समान खेलबाट ६ अङ्क छ ।
आइतबार राति नै भएको अन्य खेलमा ब्राइटनले म्यानचेस्टर सिटीलाई २–१, क्रिस्टल प्यालेसले एस्टन भिल्ला र वेस्टह्याम युनाइटेडले नटिङ्घम फरेस्टलाई समान ३–० गोलले पराजित गरेको छ । एजेन्सी
